9 Dɛnɛ kon co macoaa tuulaa le telenndo ho. Kɔlɔ ndɔɔ co ni maa ɲɛm-kéan a sálàla n'cɔlula vannda solul Hala lan la nɔla kɔlta vanaa co o kaannde len-nda dindio le.
Tuula yinɔɔ co niaa hau ciindiaa-o va kon ni, yinɔɔ kon dindi vana le nɔɔ n'faloo le, kɛ piɛilen o co le Hala yɔngɔnndo fasɛi ni, ndu ciindiaa vana a tendul Yeesu Krista-o o kɔɔ ni.
Bolle vanaa-solia-lasálàà kɛ́-kɛ̀ hɛlin pɛ vanndacieea tɛɛn, baala ndɔɔ co le Hala ɲɔɔloo le vanndacieea kan ni. Mò va ɲɛm-kéan a sálàlan yɔngoo le hakilan.
Kɛ nduyɛ, cɔn o telen Adam-ndo háá hun bii a telen Moise-o, piɔ́mndo va hɛnan ndɔɔ tosaa vanndacieea coo, hali vanaa tosa haki maa haki Adam-ndo le-a. Adam va vundule vana va hunɔɔ-o ni.
Kani Krista luei o fonda diandaa toosian a bala vanacieo vo nin te, velan fonda diandaa co o halataala-o daama co kon ni. Kɛ o halataala kpeekpei o luɛi ni, lon o co sunsun Hala o hɔl le naa ni.
O tɔŋ Israɛlla nin, o cuavaa-imamaa Levii-a tɛɛn nda bɛnda le vanaa-solia-lasálàá hɛlio ni. Nduyɛ, te vanaa-solia-lasálàá fula o polale Levii len nin-nda ndáà nɔ isɔw o vali kon tosaa le, vanaa nɔ lɛnin mako a vana-solia-lasálà celen teengen maa Mɛlkisedɛk le.
Mò va maa cɔlɔbaa tɔŋndo co kpema Hala-o ni? O co lende le. Te tɔŋndo ndóò yɔngu pɛ vana yoomoo, mɛɛ o va tosa mí Hala ndóò ce vanaa co ndu biyɔɔ-a vanaa sandaa.
Te o ceendo coo Krista ndóò va ni, ndóò venin bɛɛ vana-solia-lasálà le. Kani vanaa-solia-lasálàá celen co nin, a co ɲɛm-kéan yɔngoo mɛɛ tɔŋ Moise-o co yɛ.