Hebreea 9:7 - BII BILA

⁷ Kɛ bolle vanaa-solia-lasálàá ndu pilɛ kpé ndóò luɛi lepilɛ o fonda diinndɔɔ nin, o vɔsio nin ni. Lon ndóò kɔa a kooma cɔlu ndóò solul Hala sálàá le ndu pila a le tɛɛmbuula lɛŋnden kpow ni.

Hebreea 9:7 Referans Kwoze

Tɔŋ lasálàá 16:34

Tɔŋ niaa bɛnda le biyɔɔ le fɛɛn a fɛɛn-ndo co kon ni. La bɛnda mì la bii ndu haliko mi la sɔla hakio malɔɔ le hakila niaalan kpow bɛmbɛ lepilɛ o vɔsio nin, niaa Israɛlla pɛɛn.» Má tosa ɲɛ-ɲɛ Mɛlɛka dimul nda a sondo Moise-o.

Tɔŋ lasálàá 5:18

O bɛnda mò yoo vana-solia-lasálàá cɔlu fula o cɔlua pɔmbɔa nin-ndo, saa kóndó nɔ lenamta loo pɛɛn. O kɔɛ pɛ a ndu, à kelu ndu iyama maa cɔlu co le sálà mingiaa ɲɛ pilaa-o, mì vana-solia-lasálàá tosa faleŋii baŋannde vana kon coo le haki o tosa o sina lepɛŋndo nin-ndo. O kon, Mɛlɛka mal ndu haki.

Hebreea 7:27

Yeesu ndu co maa vanaa tɔ̀a co bolle vanaa-solia-lasálàá-a le. O hewba le sálàlalan solio lɔ́ɔ́-lɔ́ɔ̀ le hakila ndala nda pila lan a le hakila vanaa celen. Lepilɛ kpé o tosa ken ni, lɔ́ɔ́ ndu pila yɔngun-ndo.

Fulaa 30:10

Aarɔn bɛnda mò tosa faleŋii baŋannde o kpɛ̀ɛ́n fonda-loamaa-lasálà kon coo bɛmbɛ lepilɛ o vɔsio nin, a kooma cɔlu diinunnin le sálàá solio le hakio sɔlaa malɔɔ-o-an o bɛnda ni mo tosa faleŋii ken o kpɛ̀ɛ́n fonda kon coo. Le fɛɛn a fɛɛn, lende o bɛnda ni mo tosa faleŋii baŋannde lecoo bɛmbɛ lepilɛ o vɔsio nin. Kani fonda diandaa pila co kon le Mɛlɛka ni.»

Osee 4:12

A co piɔmaa nda sɛl a yɔmnde-a sɔɔn ɲuuniaa le mulio sɔlaa. Yɔmii nda sɛl-le co sɔɛi o nda lo ni. Hoeyii suunda soolaa n'piɔmnde hɔŋ nda coo, mì i faŋa nda o nɛi, mì i sɔɔndiaa nda. A laasian a suundaa má kɔa ya Hala ndaa levil.

Esai 28:7

Kɛ nda bɛɛ laasian a mɔiyan kolɔɔ, mɔima nɛyaa-nɛyan ma co nda hɔlla hiŋndo. Kpòkóó dɛnɛ! Vanaa-solia-lasálàá a vanaa-tɛɛngaa-diom Hala-a co siɛɛliaa a mɔima kálà-kálàn o lahɔl tuŋ. Mɔiyan ma cii nda sɔɔsiaa kpede, mɔima nɛyaa-nɛyan ma cii nda mingi talaka-talaka. A co laasianndo o vunduan cɔu nin, a co kuuviaa o yaman kiolɔɔ nin.

Esai 9:16

Lelan, Maalii hininin kɔl a felengia piaandua ndaa le, o nɔnin iɲíí a víyaa ndaa a vanlaandua piaandaa ndaa vi-a le, kani nda kpow vanaa sendu le-a, a vanaa kɔlvesɛiya nda co ni. Nda kpow a co sɔɔn vɔɔnndon solinndo o lasondo. Kɛ a kon kpede, kɔltuw Mɛlɛka-o ɲulul-lɔ le, ba ndɔɔ co vɔ o heelaa tuŋ.

Esai 3:12

Cuaambɔa pɔmbɔ-pɔmbɔa co vanaa niaa bɛpɛlaa ni. Vanlaandua nɔ nda kpaayaa coo ni. Éé niaa vanaa niaa, laasiaa daama vanaa co niaa simndan laci-a co niaa lende nuaa ni. A co nɛi niaa co kɔlan coo-o tuunduuvo tuŋ.

Hebreea 10:3

Kɛ o co lende le, sálàla lan kpeekpei la mingi nda yiyando vɔsi oo vɔsi o hakila ndalan coo ni.

Amɔs 2:14

Hali vana nɔla kiltan taw-vo bɛɛ sɔlanin nɛɛ viannannda le. Hali vana nɔ yoomuan-ndo tiwnin ba le ɲɛ-ɲɛ tosaa a yoomuma ndɔan te. Hali kuubanɔ cɔwvo nɔlanin yoomu ndɔɔ baŋaa le.

Esai 29:14

Lelan, i soaŋnin vɛlɛ nda a kaamaalan, a dɛnnda kɔndɔfiltan. Kɔlkalu vanaa kɔlkalua ndaa tambunin mì dɛnɛ sinaa vanaa dɛnɛ sinaa ndaa ɲum.

Condii lisai 95:10

O vɔsilan belehiɔɔlu bɛngu, polale len le hɛnan ya le, mí dimi aa: Vannda ha sinà ɲɛ ya yeema-o le.

Condii lisai 19:12

Mɛlɛka, o tɔŋnda nɔmndan nin ya vana nɔm baalaa, co pɛɛkulan sɔlaa ni. Vana bii lan pɛ, ndu sɔla malaa taw.

2Dɛnnda lemasalan 33:9

Kɛ, mí Manase luei Yudaa a vanaa va Yerusalɛm-nda o pɔwlan nin, má tosa dɛnɛ vɔɔndo hiovɔɔ dɛnɛ vɔɔn vanaa-mangalaa-isɔɔa Mɛlɛka ndóò diw Israɛlla laci-a tosa-o coo.

2Samiɛl 6:7

Le hee, mí Mɛlɛka tuulu kɔl a Usa taw, mó lɔaa ndu le dɛnɛ o tosa kon o yiyan too. Mí Usa sɔla piɔ́mndo o kesu kon ikɛi lon.

Kundalan 15:25

O kon, vana-solia-lasálàá tosa faleŋii baŋannde le hakio sɔlaa malɔɔ le Israɛlla kpow. O kon, a sɔla hakio malɔɔ le biondɔn kon, kani o sina lepɛŋndo nin nda bendun biondɔn kon ni. Lelan nda hin a sálà ŋɔa o yin-ndo, o ya tuɛi cun mì ɲɔɔ hɛnan ya-o a á cɔlu sálà co le hakio sɔlaa malɔɔ-o ya o hɔl le biondɔn nda bendun kon o sina lepɛŋndo nin-ndo ni.

Efɛsea 4:18

a kɔlkalu ndaa laasian kan-nda. A nɔ ɲɛ-ɲɛ o cinda Hala yɔngu vana-o nin te, kani a sínà ɲɛ-ɲɛ le, a kendu bɔɔ nilan.

Hebreea 6:19

N nɔ laalan kon le yoomu naa maa ciliŋii nda mal o mɛnndan nin le dɛ̀ndɛ̀la bɛndulan simio-e. Laalan kpekpeiyo o co ni, o naa sim coo yilio, o luɛi haa o kola landaa co o Cɛi-Hala-o nin-ndo kɔɔli.

Hebreea 9:3

O kola landaa diinndɔɔ kɔɔli, fonda diinndɔɔ va ni. Ndu ndáà veelu ni aa: «Fonda diandaa-diandaa.»