Hebreea 9:2 - BII BILA

² Lelan mí ndáà toandu cɛi kolaa. O fonda tase cɛi kon nin, o ndáà veelu aa fonda diandaa-o, lon ɲɛ kɛsiaa lafitinaa a tabali kɛsiaa bulu ndáà ke Hala-o va ni.

Hebreea 9:2 Referans Kwoze

Fulaa 40:4

Ma hin vɛlɛ a tabalio, ma kɛsi bulu co le kɛsio ya Mɛlɛka o hɔl-lo lecoo. Ma hin a ɲɛ kɛsiaa lafitinaa, ma kɛsi fitinalan lecoo.

Fulaa 26:35

Ma simi tabalio o kola-landaa kon lekɔɔli baa pilɔɔ o Calta Mɛlɛka la lan a maluaŋ, ma kɛsi ɲɛ kɛsiaa lafitinaa o tabali kon hɔl-ndɔ a ba too.

Fulaa 40:2

«Te paangii tasei cɔm pɛ, paale tasele paangii ken, a tondu Calta Mɛlɛka lan, cɛi-kola-toandaa-labɔɔŋianndo pɛɛn.

Fulaa 26:33

Ma landu kola-landaa kon o bawla lan bɛngu, ma hivi kesu kpemaa o kola-landaa kon lekɔɔli. Kola-landaa kon vanin pɛɛngulan Fonda-Diandaa a Fonda Diandaa-Diandaa tɛɛn le niaa ni.

Fulaa 29:35

O palɛi ndii ŋɔmmɛw bɛngu, a bɛnda ma va faleŋun kandaa baalan tosaa le Aarɔn nda poaa ndɔa mɛɛ ya cɔm nɔm yɛ kpafii.

Fulaa 29:1

«Nuaa n bɛnda ni ma pɔla Aarɔn nda poaa ndɔa, haliko ma siŋnun vanaa-solia-lasálàá le ya. A bii pɛ naw tova téndóó, a saa kóndóa nɔ lenamta le-a nda ŋiɔn,

Fulaa 25:23

«O kon kɔɔli, ma sɛl vɛlɛ tabalio a pɛngɛn akasia, bandei dunndo lediin, buo dunndo lepilɛ, simndan dunndo lepilɛ a tálá.

Fulaa 25:30

Ma kɛsi bulu nda solul-la sálàá-o ya o hɔl o tabali kon coo, mò va o kɛsiaa lon le lɔ́ɔ́-lɔ́ɔ̀.»

Fulaa 25:31

«Ma cɔw ɲɛ kɛsiaa lafitinaa a sianin diandan fɛtufɛton, ma cɔw ndu o baalanndo a tum ndɔɔ, mì lɔɔla ndɔlan la nɔ kɛɛmiaalan tɛɛn maa lapeenge a boondon. O lɔɔla lan bolle, mì hɛngɛila tɛsɛkɛɛlan la va lon le fitinalan kɛsio lecoo.

Fulaa 26:1

«Ma tangul Calta Mɛlɛka lan a kolala keeselan tɔ́, la nda muulian lɔu a kɛila kpeendaalan, a kolala yiiŋii saala nda yin a kaan-ndan, la nda yin yinɔɔ siaŋa sɔɔtɔtɔɔ lan a la nda yin yinɔɔ siaŋa vólotótoo lan-ndan. Mì vanaa caa sɔɔluuo taw-va tuuliaa mɛlɛkaa kanda ɲɛm Hala-on-nda lecoo.

Matie 5:15

Vana mɛndul fitinaa le ndu kumbɔɔ le, kɛ le ndu kɛsio o ɲɛ kɛsiaa lafitinaa coo, haliko mo teengiaa cɛiyo lenin le vanaa co lenin-nda kpow.

Matie 12:4

Mɛɛ o luɛi o Cɛi-Hala-o nin, mó dia bulu sálà va o kɛsiaa-o nda vanaa va ndu kɔɔli-a. Nduyɛ, fɔ vanaa-solia-lasálàá daama ndáà bɛnda le bulu sálà kon dioo ni, David a vanaa va ndu kɔɔli-a ndáà bɛnda le ndu dio le.

Hebreea 9:25

Vɔsi oo vɔsi, mɛɛ mì bolle vanaa-solia-lasálàá ndóò luɛi o fonda diandaa-diandaa nin a kooma ve kooma ndɔ ndu pila le-an. Kɛ Krista luei o halataala le ndu pila sálà solin bɛmbɛ lediin-leyaa le.