Hebreea 9:16 - BII BILA

¹⁶ Kani nɛɛ-nɛɛ vana co piɔ́mndo-o congun pɛ sɔɔn o sɛbɔɔ nin, mɛɛ mì vana kon vi fɔlɔn, kani te o vi-yɔ le, sɛbɛ kon nɛŋi ɲɛ-ɲɛ le.

Hebreea 9:16 Referans Kwoze

Nsaki 2:10

Kani vanndo bii bɛɛ tɔŋndan kpow, kɛ o tɛɛmbuu pɛ silaa o pilɛ, mɛɛ tɔŋndan kpow o tɛɛmbuu lende ni.

1Korɛntea 15:22

Mɛɛ Adam yɔŋnun sabu mí piɔ́mndo va vannda kpow kuee yɛ, lende koni Krista yɔŋnun sabu le tendul vanvílɛ́iya ni.

Rɔmnda 6:23

Kani sala hakio co piɔ́mndo ni, kɛ ɲɛ Hala ke vana fondo fúú-o, ndu co yoomu fɛɛn-fɛɛndo o Yeesu Krista nin ni, Maalii naa.

Rɔmnda 5:12

Lelan, mɛɛ hakio luɛi o ceendo nin le vanacieo ndu pilɛ mí haki kon hun a piɔ́mndo yɛ, lende piɔ́mndo kei vanndacieea kpow coo ni. Kani nda kpede a tosa hakio.

Hebreea 9:15

Lelan Krista co vana tɛɛlanndo le kpema sɛnɛiyo ni. O sɔla piɔ́mndo le vanndacieea baŋaa le tɛɛmbuula ndalan telen nda va o kpema tasoo bɛngu-o. Vanaa sɔla veeloo-a nda tiwba ma sɔla kɛ́ fɛɛn-fɛɛn Hala yiilu nda kpemaa-o.

Hebreea 9:17

Sɔɔn o congun mun-ndon nɔla mì n tosan te, te vana kon co vɔ pɛ yoomu. Kɛ te vana congun kon-ndo vi dɔ́ɔ́ pɛ, sɔɔn o congun-ndon tosan.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

Hebreea 13:20

Hala yɔngù naa kɔlɲuloo ni. Mó mingi Maalii Yeesu, vana mandaa n'saa bɛndoo, yoomu fulaa vanvílɛ́iya tɛɛn. Mí kooma sálà ndɔɔ ma siŋnun sabuo le kpema fɛɛn-fɛɛndo.