Hebreea 9:12 - BII BILA

¹² Luɛyɔɔ Krista luɛi kon lepilɛ kpé o fonda diandaa-diandaa nin-ndo, o yɔngu kooma cuinaa toovi le, o yɔngu kooma navaa téndé le, kɛ kooma ndɔma ndu pila-an o yɔngu ni, o kon mó baŋa naa le fɛɛn a fɛɛn.

Hebreea 9:12 Referans Kwoze

Hebreea 10:4

Kani kooma navaa tovaa a ma cuinaa toovia ma nɔla hakilan faŋaa le.

Hebreea 9:15

Lelan Krista co vana tɛɛlanndo le kpema sɛnɛiyo ni. O sɔla piɔ́mndo le vanndacieea baŋaa le tɛɛmbuula ndalan telen nda va o kpema tasoo bɛngu-o. Vanaa sɔla veeloo-a nda tiwba ma sɔla kɛ́ fɛɛn-fɛɛn Hala yiilu nda kpemaa-o.

Efɛsea 1:7

Nduyɛ, o Krista nin, o kooma ndɔan nin naa n sɔla baŋaa ni, mí n sɔla hakio malɔɔ le tɛɛmbuula naalan. Kɛndɛi Hala tosal naa-e co i bɔɔ,

Hebreea 5:9

Nduyɛ, mó peelun o dɛnndan kpow nin. Sunsun, vana-vana bii pɛ sɔɛi ndɔɛi, o ke ndu cinda fɛɛn-fɛɛndo.

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Hebreea 10:19

Le kooma fula Yeesu-an puapilɛa nia, n laalan lekɛ́ndɛi maa n tiw nin ba mì n luɛi o fonda diandaa-diandaa.

Hebreea 9:28

Lende koni, lepilɛ kpé Krista solin sálà le hakila vanaa bɔɔ-bɔɔ faŋaa ni. O hun cɔmnunnin vɛlɛ o diinndɔɔ le vanaa co ndu cumndo-a hunɔɔ ciindiaa, kɛ o ve lɛnin le lahaki faŋa le.

Hebreea 7:27

Yeesu ndu co maa vanaa tɔ̀a co bolle vanaa-solia-lasálàá-a le. O hewba le sálàlalan solio lɔ́ɔ́-lɔ́ɔ̀ le hakila ndala nda pila lan a le hakila vanaa celen. Lepilɛ kpé o tosa ken ni, lɔ́ɔ́ ndu pila yɔngun-ndo.

Tɔŋ lasálàá 9:15

O kon kɔɔli, mó soli sálàla vannda hin-ndan. Mó bii cuin toovi vanaa kan yɔngu le sálà va le hakio sɔlaa malɔɔ-o, mó kialu ndu bololan, mó soli ndu sálà le hakila ndalan malnɔnndo, mɛɛ o tosa a cɔlu tase yɔngun-ndo yɛ.

Hebreea 9:13

Mɛɛ o dema tosan yɛ, a cua pɛ kooma cuinaa toovia a ma navaa tovaa, a cua vɛlɛ pulta naw nda lom-ndo, a cucu lan vanaa cua hakio-a coo. O kon dialun ndan dendu a dɛnɛ haki kon o kɔɔ.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

1Tesalonikea 1:10

Le Yeesu po ndɔɔ cumndo fulaa o halataala, o ndu Hala míngí yoomu fulaa vanvílɛ́iya tɛɛn, mó baŋa naa le kɔltuw co hunɔɔ-o-o.

Sakari 3:9

Kani pow ya kɛsi Yosue laci-o, kpengon mún ŋɔmmɛw n co o pow pilɛ kon ni. Ya pila sɛvanin sɛva vanin lecoo-o ni. Ya Mɛlɛka-Nɔ-Kpaayaa-Kpow-vo dimi lende ni. O paalen len pilɛ bɛngu ya co haki lɛŋnden nden faŋa ni.

Daniɛl 9:24

Lɔ́ɔ́lan la kelun belaŋɔmmɛw le yungu nɔmndo a kobi nɔm diandaa, le diondɔɔ a hakilan, le yɔŋ vɔɔndo ciiyo, le hunɔɔ a dɛnɛ sandaa fɛɛn-fɛɛndo, le vunduan a sɔɔn vanaa-tɛɛngaa-diom Hala-a dimi-on peelɔnndo, le Fonda-Dianda-Diandaa mingio sɔɔ Mɛlɛka o ba.

Kolɔsea 1:14

O ndu nin naa n sɔla baŋaa dɛnɛ vɔɔndo o ba ni, mí n sɔla hakio malɔɔ.

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Marke 3:29

kɛ vana dimi pɛ sɔɛi tanai a Hala Kɔl-Diandaa, ndu sɔlanin hakio malɔɔ le: kani o tosa haki fɛɛn-fɛɛndo.»

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Tɔŋ lasálàá 8:2

«Veelu Aarɔn nda poaa ndɔa, ma cua volɔɔla solia lasálàlan, cuɛima pɔlan, naw tova co le sálà co le hakio sɔlaa malɔɔ-o, saa kóndóa ŋiɔnda a kambɛi bulu toosian a lɛvɛn too co nin-ndo,

Hebreea 9:7

Kɛ bolle vanaa-solia-lasálàá ndu pilɛ kpé ndóò luɛi lepilɛ o fonda diinndɔɔ nin, o vɔsio nin ni. Lon ndóò kɔa a kooma cɔlu ndóò solul Hala sálàá le ndu pila a le tɛɛmbuula lɛŋnden kpow ni.

Tɔŋ lasálàá 4:3

Te vana-solia-lasálà sɔla pɔlaa-o tosa hakio ni, mì haki ndɔ kon taŋ o vanaa tɔ̀a lo, o bɛnda mò solul Mɛlɛka sálàá le haki kon a naw tova nɔ lenamta loo, haliko mo sɔla hakio malɔɔ.

Tɔŋ lasálàá 16:15

Kon cuu pɛ, o kelu vɛlɛ cuin toovi yɔngun le sálàá le haki Israɛlla-o bololan, o hiow a kooma cuin kon o kola-landaa co o Cɛi-Diandaa nin-ndo kɔɔli, o tosa mɛɛ o tosa a kooma naw tovaa yɛ, o suu man o kumbu kesu kpemaa coo a laci.

Luke 1:68

«Biiloo co le Mɛlɛka, Hala Israɛlla pɛɛn, kani o mala vanaa ndɔa, mó baŋa nda.

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.

Hebreea 9:19

Mɛɛ mì Moise ndóò dimi fɔlɔn tɔŋndan mɛɛ la co kpede vannda kpow o hɔl. O kon mí ndóò cua kooma navaa téndéa a ma cuinaa toovia, a mɛnndan, mó fasaŋa man o sɛbɛ latɔŋndo coo a vannda kpow coo a lɛvii hisɔp a á kola keese siaŋa vólotótoo.

Hebreea 13:12

Lelan Yeesu bɛɛ sanga o kobio kɔɔli ni, mó dindi vannda a kooma ndɔma ndu pila-an.