Hebreea 9:11 - BII BILA

¹¹ Kɛ Krista ndu hin maa bolle vanaa-solia-lasálà le naa dɛnnda kɛndɛla cuu nin tosan-ndan yɔngoo. Mó luɛi o cɛi-kola-toandaa hiow vaa o bɔɔ-o nin, cɛi kon nɔ isɔw le, o co vanaciee le toosiaa ndu le, o co bɛɛ ɲɛ vaa o ceen naa ho coo le.

Hebreea 9:11 Referans Kwoze

2Korɛntea 5:1

Kani n sínà maa te cɛi-kola-toandaa naa n co nin o ceendo ho coo-o tambu pɛ, n nɔ cɛiyo o halataala, o Hala toosiaa le fɛɛn a fɛɛn-ndo, o vanaciee beŋ too.

Hebreea 10:1

Vundule ɲɛm kɛndɛn co laci-on daama tɔŋndo co ni. O yeema mi sálàla pilɛlan la va solinndo vɔsi oo vɔsi, pɛngi ve le. Lelan o tiwba mì vanaa co sɔɔnguuo Hala ikɛi o nɛi kon coo-a a peelun te.

Marke 14:58

«Langbanɔɔ ho dimi ni maa o co Cɛi-Hala vanndacieea tangul hoo-o tɛɛmbuu, mò mingi o vanaciee tengulnin te-o simi o palɛi ndii yáá bɛngu.»

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Hebreea 2:17

Lelan, mɛɛ mí ndóò vel puapilɛa ndɔa, haliko mi ndóò siŋnun bolle vanaa-solia-lasálàá, vana ikɛndɔɔ a vana lo o lediom coo o baala Hala-o nin-ndo, haliko mo sɔla malɔɔ lahakio le vannda kpow.

Dɛnnda kiilaa 7:48

Kɛ Hala-Hiow-Ɲɔɔn kpow-vo cel o cɛila vanndacieea cɔw lan nin te. Maa mɛɛ vanaa-tɛɛngaa-diom Hala-o dimi yɛ aa:

2Nsaŋ 1:7

Vanaa luei vannda o pɔwlan nin-nda kui o ceendo coo taw, a kɛɛ le sɔlɔlanndo maa o falon nin Yeesu Krista hin lekɛ́ndɛi ni. Nduyɛ vanaa vaa lende a co vannda malɔɔ o pɔwlan nin ni, yaamɔa-Krista-a nda co ni.

Hebreea 3:1

Lelan puapilɛa nia vanaa laalannda, niaa Hala veelu-a, la tofa Yeesu, ndu Hala vem le vaa bolle vanaa-solia-lasálàá ni, o naa n co sɔɛi ndɔɛi dimio-o.

Nsaŋ 4:25

Mí vuɛɛndo dimul ndu aa: «I sina maa vana Mɛlɛka hɛli-o co hunɔɔ, Krista pɛɛn. Telen o hunnin-ndo, o tɛɛsialnin naa dɛnndan kpow.»

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Condii lisai 40:7

Ɲɛ nɛŋì nɔm kɔllo-o, o co sálàla n'cɔlu le, o co sálàla kpeyan te. O co sálàla loamaa n ɲuna le, o co vɛlɛ sálàá le hakio sɔlaa malɔɔ le. A kumbi ya nilan mí bii ndi bila.

Hebreea 7:1

Mɛlkisedɛk kon va masaa Salɛm ni, vana-solia-lasálà Hala-Hiow-Ɲɔɔn-Kpow-vo. Abraham va fulaa o cɔw o kɔ nɔla masaa-o, mí Mɛlkisedɛk kɔa ndu bɔŋa, mó dɔaw ndu duaa.

Esai 59:20

Mɛlɛka dimi aa: «Vana baŋaa co hunɔɔ le Siɔn baŋaa, le cuavaa Yakɔb-aa malnin yɔŋ vɔɔn ndaa-a baŋaa.»

Hebreea 4:15

Bolle vanaa-solia-lasálà naa n nɔ-o nɔ ɲíí nɛi. Kani fúú le, o sínà maa n nɔ kpaaya le. Kani ndu bɛɛ mó sɔla tɔɔndanndan o nɛi oo nɛi coo mɛɛ naa n co tɔɔndanndan sɔlaa yɛ, kɛ o tosa haki kɛ́-kɛ̀ le.

Kolɔsea 2:11

O ndu nin koni niaa dii toomaa ni, tooma vanaciee dii vana loo, kɛ tooma fula Krista o ba-o, o baŋa naa ceen naa lahakio o ba-o.

Matie 11:3

«Mò va maa nɔm co vana naa n tuei tɔ́ɔ́ le hunɔɔ-o ni, baa o bɛnda mì n cum vana celen?»

Matie 2:6

‹Nɔm Bɛtlɛhɛm yɛ, nɔm co hoo o tàndá Yuda-o nin-ndo, a toɲa, o co nɔm te hiow dɔɔnanndo o kobila co o tàndá Yuda-o nin-ndan tɛɛn te. Kani o nɔm ndo masaa tosanin vanaa nia masalen coo-o fulanin ni, Israɛlla pɛɛn›».

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

Malasi 3:1

«Má cè ya kiila nuu vomɔɔ! Ndu co ya pemalen bulio laci ni. Maalii niaa co nuwviaa-o co cɔnɔn o lepilɔɔ, mò kɔ luɛi o cɛi ndɔ biilaa nin, kiila niaa co cumndo-o co hunɔɔ kpema nuu yii a niaa. La nua vɔ ndu hunɔɔ! Mɛlɛka-Nɔ-Kpaayaa-Kpow-vo co sɔɛi nuaa ni.

Yeremi 33:8

I dindinin nda le hakila ndáà cua a ya lan kpow. Mì mal nda haki le nila kalula nda tosa, má cua hakio a ya lan.

2Korɛntea 4:18

Lelan, o co ɲɛm naa n co mun cɔw-von te naa n co tofa le, kɛ ɲɛm vana ci loon. Kani ɲɛm vana ca-on mun, le telen bingi koni n co ni, kɛ n vana ci loon mun co le lɔ́ɔ́-lɔ́ɔ̀.

Hebreea 12:27

Dimi kon lende aa: «vɛlɛ» kon co dimio ni maa ɲɛm cɔwnun-ndon, n nɔla tambeiyon, mun hiawnin. O kon mì ɲɛm nɔla itambu loon mun lo.

Hebreea 13:14

Kani n nɔ calta fɛɛn-fɛɛn o ceendo coo nanu le, ciee bɛndu co naa laci-o naa n co nuwviaa ni.