10 Tanala va le vanndacieea daama lan la va le ɲɛm dian, ɲɛm vana kol-lon a le faleŋun dindiaŋun yɛ́-yɛ́ɔn ni. Tanala lan kpow láà bɛnda háá o telen Hala va dɛnndan yɛlɛma-o.
Lelan vana-vana kialu niaa iyama le ɲɛ niaa co dioo-o le, te kon te le o niaa co kolɔɔ-o, le dɛnɛ lakafoo, dɛnɛ paangun sɛnɛiyo a le dɛnɛ palɛi pɛngiaa,
Mí dimi aa: «Éé Maalii Hala! I kɛɛ ɲɛ-ɲɛ co o nɔɔlɛi mí kpakpala ndu. Kabi kandɔɔ o cuaambɔyɛi nii nin háá hau, i di vɔ cɔlu vílɛ́i te kon te cɔlu visi yondoo sɛɛsiaa-o le. Nduyɛ visii nɔɔlɛi súú-súù luei-yɔ ya o sondo le dɛ!»
O niaa tɛɛn, te vanapɔnɔɔ pum siŋnun pɛ o nɔɔlɛiyo le mɛmma ivanapɔnɔyama fula ndu o dialii kolaninnde icɔllo-an, o bɛnda mò faŋan o dɔ́ɔ́ngɔ́ɔ̀ nin. O bɛnda mò muungu lenin ipalaa le.
O kon kɔɔli, o kɔ pulun cɛ́kɛ́lɛ́ o nɛɛ diandaa pum, o mingin volɔɔla ndɔlan lekɔɔ. O kon, o kɔ soli sálàla loamaala tiɔnndan le ndu pila a le Israɛlla kpow. O cii pɛ, o tosa faleŋii baŋannde le hakio sɔlaa malɔɔ le ndu pila a le Israɛlla kpow.
O bɛnda vɛlɛ mo cuɛinun doma lebɛngu toosian a kola keesoo-o, mò vownun lɛmbɛla lebɛngula toosian a kola keesoo lan, mò yiinun yáwle toosian a kola keesoo len, mò vownun mɔsil toosian a kola keesoo-o. Mɛɛ volɔɔla lan la co ladiandaalan Mɛlɛka o hɔl-lɛ, o bɛnda fɔlɔn mò pulun malan o vownun ndan.
La del pɛɛkula súú-súù ka kɔɔli le. Kani o naŋ mì kɔllo sɔla kpaayaa o kɛndɛi Hala-e nin, kɛ o va a tɔŋnda ɲɛdiaa le. La mala vanaa bii lan-nda le lan.
Tuu kon yɛ, o Hala siownin kon peelu o telenndan mɛɛlulan-ndo, ndu co le ɲɛm co o halataala-on a mun o lɛŋnden coo mɔɔsiaa masaa ndu pilɛ kpé o labɛngunin ni, Krista pɛɛn.
Kɛ sunsun, la sínà Hala, o co yɛ niaa le sínà Hala le, ndu sínà niaa ni. Le yɛɛ niaa co yɛ vɛlɛ sɔɔn fondon nɔ mun tɔnɔ lon hɔlla mulullo? La yeema mì la muungu vɛlɛ mun o ba bɛngu?
Vana nɔɔlian pɛ o nɛila vaa lende coo, o bɛnda mò lo o nɔɔlɛiyo lende háá icɔllo. O kon kɔɔli, fɔ mò pulun fɔlɔn cɛ́kɛ́lɛ́ malan o dia ɲɛm dian diandan nda solul Mɛlɛka sálàlan-ndon.
Ndu bɛnda lɛ mo kol mɔiyan a ɲɛm vana kol mì n hiŋ vana hɔlla-on te. O bɛnda mò kol mɔima vaalɛiyan te, o kol vɛlɛ ɲɛ-ɲɛ vana kol mo bii vana le. O bɛnda mò kol mɛmma n'rɛsɛnndan te, o dia vɛlɛ rɛsɛŋun koaman te, o va n'kiyɛi o va n'vesɛi.
Te sɔŋ vaa lende fula pɛ o volɔɔ cuɛinanndo coo, o va o volɔɔ toosian a funnden-ndo coo, te kon te o ɲɛ toosian a yáw visio-o coo, mà tɔɔ volɔɔ kon mì sɔŋ kon faŋan, fɔ mà tɔɔ ndu vɛlɛ tɔɔ diinndɔɔ haliko mo siŋnun volɔɔ diandaa.»