Hebreea 8:9 - BII BILA

⁹ O venin maa o tase yáà yii a fuɲaa ndaa mamaa telen ya bii nda baa le nda solio o lɛŋnde Esipte len nin-ndo le. Kpema kon ndu, má tɛɛmbuu ndu, nduyɛ, ya va vana nda bɛndoo ni. Sɔɛi fula ya Mɛlɛka o sondo-e co ken ni.

Hebreea 8:9 Referans Kwoze

Yeremi 31:32

O venin maa kpema ya yii a fuɲaa ndaa telen ya bii nda baa, le nda solio o lɛŋnde Esipte len nin-ndo le. Kpema kon ndu, má tɛɛmbuu ndu. Nduyɛ, ya va vana nda bɛndoo ni. Sɔɛi fula Mɛlɛka o sondo-e co ken ni.

Kalatea 4:24

Sɔɛi ken i nɔ vɛlɛ kɔlɔ celen: laandua ŋiɔŋaa kan, nda co kpemala tiɔnndan ni. O pilɛ, o fula o pembei Sinai-yo, ndu le cɛlen o vialu ni: Akar co kon ni.

Marke 8:23

Mó bii ndu baa, mó kɔa a ndu o cieo kɔɔli. O kon mó sui ndu lɔluan o lahɔl, mó handu ndu balan coo, mó ɲuna ndu aa: «A co ɲɛ pum cɔu?»

Dɛnnda kiilaa 13:11

Sunsun, Mɛlɛka co nɔm lɔɔ, mà suma. Haa mì telen pum hiow, a cinin ɲɛ-tengaa ipalaa le.» Fɔ́ɔ́fɔ̀, mí ɲumndan ma toal Elimas o hɔl. Mó muungu iyaanayaanai vannda nuwviaa le ndu baa biyɔɔ.

Dɛnnda kiilaa 9:8

Mí Sol can lɛŋ. Mó tofa, kɛ o tiwba ɲɛ-ɲɛ cɔu le. Má bii ndu baa, má kɔa a ndu Damas ciee.

Malasi 2:13

Diinndɔɔ, ɲɛ niaa co vɛlɛ tosaa-o co hoo ni: la co mɛmɛan peiyo o fonda-loamaa-lasálàá coo a caŋnda niaa co lan. Kani Mɛlɛka co lɛ bɛɛ sálàla niaalan tofa le, o co lɛ ɲɛ-ɲɛ cɛlɔɔ niaa o ba le.

Amɔs 5:22

La solul-la nin bɛɛ sálàla loamaalan, la cuunin ya bɛɛ sálàla kpeyanndan, i cɛl-lɛnin ndan te, i yeema lɛ mì ce cɔlua celulaa niaa co kan diyɔɔ le ya sálàla kɔlɲululan solullo-a le.

Esekiɛl 16:59

Kani nuaa Maalii Hala dimi ni aa: «I tosalnin nɔm Yerusalɛm mɛɛ nɔm bɛɛ tosa yɛ, kani a tɛɛndan sendí n mɛnan-ndo, má tɛɛmbuu kpemaa.

Esekiɛl 16:8

Mɛɛ ya kei nɔm ikɛi, mí tofa nɔm, mí ca maa telen nɔmndo ndóò tiiya nin, maa nɔm óò sul nin tuu hiavaa vanapɔnɔ kɔɔli. Le hee, mí kuumbuu nɔm bɔɔle doma ni bɛndoo, mí vian nɔm sɔwve, mí mɛnalan nɔm mɛnalan kpemaa, má cal sumialii ni. Maalii, o co Mɛlɛka-o soo nuaa ni.

Esai 63:9

O sangala ndalan kpede nin, (sangala yɔŋnun maa ɲɛ kindilaa hali le ndu pila lan), mí Mɛlɛka nɔ co ndu o hɔl-lo ciindiaa nda. O kaola ndɔɔ a o ɲíí ndɔɛi nin, mí ndu pila baŋa nda, mó mala nda, mó siilun nda o palɛi hiow paandu-e kpow nin.

Esai 40:11

O yaanin cɔlua ndɔa diólan maa vana mandaa n'cɔlu. O cuanin saa téndéa o balan coo mò handun nda o ibuŋ, o simnin saa komsaa co vɔɛsio-a laci.

Condii kɛndɛ-kɛndɛi 8:5

Vanalanɔ kuɛɛ co yɛ hoo fulaa o lɛŋnde veselɛilen nin, mò va hunɔɔ vanapɔnɔ o kaola-o o sɛɛŋanndo? O yɔm pomiee bɛngu ya tindi nɔm ni, nɛɛ kala nɔm cua foli nɔmndo-a. Lon o cua foli nɔmndo ni, lon o velu nɔm ni.

Condii lisai 105:43

Mó soli vanaa ndɔa o lɛŋnde len nin, mí vanaa o hɛli-a viaw kponyoo.

Condii lisai 78:57

Má muungu kelala vɔɔnndan maa fuɲaa ndaa mamaa, a lo o lediom coo a Hala le, má laasian maa kpaasiaa yoole kiolɛi.

Condii lisai 77:20

A buli nɛiyo le nɔm pila o mɛmma ihɛllan tɛɛn, má soli pemalen o mɛmma bɛndu-bɛnduan nin, kɛ vana-vana seelun foofola nɔmndan te.

SƐBƐ YƆB-O 8:20

Kɛì-kɛì! Hala kɛɛ vana dɛnɛ sandaa le, vanaa dɛnɛ vɔɔnda o mala le ni.

Tɔŋ miingua 29:25

Kpema kon nda mal ni má kɔa halaa celennda sooloo a vulan baŋɔɔ nda o labɛngunin, halaa ndaa sina paandu le-a, a Mɛlɛka kuuna nda sooloo-a.

Tɔŋ miingua 29:12

Kon co tosan haliko mo siinguu niaa hau yungu ndɔɔ, mì ndu pila va Hala niaa maa mɛɛ o dimul niaa yɛ a mɛɛ o mɛnalan fuɲaa niaa mamaa Abraham, Isaak a Yakɔb yɛ.

Tɔŋ miingua 29:1

Mí Moise cuungiaa Israɛlla kpow, mó dimul nda aa: «Niaa pila ce mɔnɛ Mɛlɛka soli a Esiptea-o, la ce ɲɛ o tosal masaa Esipte, vanaa bɛndua va ndu o ba bɛngu-a a lɛŋnde ndɔlen kpow yɛ.

Fulaa 34:10

Mí Hala muli aa: «I co niaa kpemaa yiilu. I co kaamaalan tosa vannda ha kpow o hɔl, kabi bɛɛ kaamaala vaa lende la tosan-ndɔ o ceendo coo le, vanaa-mangalaa-isɔɔ súú-súù a ci vɔ dɛnɛ vaa lende le. I co lan tosa mì vanaa n co icali tɛɛn-nda ce mɛɛ dɛnnda ya Mɛlɛka co tosaa a ba nɔmndo lan la co dɛnnda kɔndɔfili yɛ.

O Kandɔɔ 19:16

Lɔt lo kiisanndo, mí mɛlɛkaa kan saa ndu baa a paa-kala, nda laa ndɔ a cuavaa ndɔa ŋiɔnda, má soli nda o kobio kɔɔli. Kani Mɛlɛka ndóò yeema le nda tɛɛmbuu le.

Esai 41:13

Kani ya co Mɛlɛka ni, Hala nɔmndo pɛɛn, ya co ba nɔm kɛndɔɔ yoomuan lueiyo ni, ya co nɔm dimullo ni aa siòòŋii bii nɔm te! I co nɔm sɔɔnguuo ikɛi le nɔm malaa.

Cɛɛŋɔnnda Yeremi lan 4:16

Mɛlɛka pila cii nda saŋɔɔ, o nɔ lɛ nda lehɔl coo le. Vannda ke vanaa-solia-lasálàá lebɛɛ le, a tosa iɲíí a bɛndua yuuvɛiya le.

Esai 51:18

O Cuavaa o velu-a tɛɛn-kpede, o pilɛ bɛɛ sɔlan le simndan laci le kɔlan te, o cuavaa o manda-a kpow tɛɛn, o pilɛ bɛɛ co le ndu baa saa le.

Fulaa 32:8

A keŋela bɔɔ nɛi ya cɔm nda-o malɔɔ. A cɔw piɔmndo a sianion maa naw téndé, má baŋ vulan ndu o labɛngunin, má solul ndu sálàlan, má dimi aa: ‹Israɛlla, mì la ce hala niaa, ndu soli niaa o lɛŋnde Esipte len nin ni.›»

Dɛnnda kiilaa 7:36

Ndu soli nda o lɛŋnde Esipte len nin ni, mó tosa dɛnnda kaamaalan a dɛnnda kɔndɔfiltan o lɛŋnde len nin, o mɛmma ihɛlma makpɛ̀ndɛ̀an taŋɔɔ, a o vɔsila belehiɔɔlula nda cii o lɛŋnde veselɛilen nin-ndan bɛngu ni.