Hebreea 8:13 - BII BILA

¹³ Te Hala soo pɛ a kpema sɛnɛiyo o kɔɔ, mɛɛ kon co dimio ni maa kpema tasoo muungu o paandoo. Nduyɛ ɲɔɔ muungu pɛ o paandoo, o siɔŋ, o kon o lo.

Hebreea 8:13 Referans Kwoze

2Korɛntea 5:17

Te vanndo va pɛ o Krista nin, vana kon siŋnun vana sɛnɛi. Vanacieeyɛi ndɔɛi paanduei i hiow, vanacieeyɛi sɛnɛiye muungu.

Hebreea 9:15

Lelan Krista co vana tɛɛlanndo le kpema sɛnɛiyo ni. O sɔla piɔ́mndo le vanndacieea baŋaa le tɛɛmbuula ndalan telen nda va o kpema tasoo bɛngu-o. Vanaa sɔla veeloo-a nda tiwba ma sɔla kɛ́ fɛɛn-fɛɛn Hala yiilu nda kpemaa-o.

1Korɛntea 13:8

Kaolaa cuu lɔ́ɔ́-lɔ́ɔ̀ le, diom Hala-o tɛɛnguuo co hunɔɔ hiovɔɔ, sɔɔn mangalan co hunɔɔ cuvɔɔ, dɛnɛ sinaa co hunɔɔ hiovɔɔ.

Esai 51:6

La heelu vɔ hɔlla o halataala, o kon kɔɔli mì la tofa lebɛngu o lɛŋnden coo! Kani halataalaa mɔɲamɔɔɲanin maa ikum, lɛŋnden le siɔŋnin maa volɔɔla cuɛinan, vanaa co icali o lɛŋnden coo-a vunin maa n'penge, kɛ cinda nuu viawnin le fɛɛn a fɛɛn, nduyɛ dɛnɛ ni sandaa fulanin mayoomu le.

Matie 24:35

Halataalaa a lɛŋnden le hiawnin, kɛ sɔɔn nun hiwnin te.»

Luke 22:20

Ɲɛdiaa icɔllo cuvɔɔ dioo, mó tosa vɛlɛ lende a taala kólaa, mó dimul nda aa: «Taala kólaa ho co kpema sɛnɛi yiinun a kooma nian-ndo ni, ma saŋnun le niaa-an pɛɛn.

2Korɛntea 3:6

Kani ndu siinguu naa vanaa baalaa kpema sɛnɛiya ni. O co le tɔŋ sɛvanndo le, kɛ le Kɔl-Diandaa. Kani sɛbɛ sɛvaa ndu, diyɔɔ o dii ni, kɛ Kɔl-Diandaa ndu, yoomoo o yɔngu vana ni.

Hebreea 1:11

Ɲɛm n toosiaa mun-ndon tambunin, kɛ nɔm a co va le fɛɛn a fɛɛn. Lɛŋnden a halataalaa siŋnunnin maa volɔɔla cuɛinan.

Hebreea 7:22

Lelan, kpema yiilun naa o Yeesu nin-ndo hiow naŋɔɔ.

Hebreea 8:6

Kɛ Yeesu ndu, vali ndɔɔ hiow kon, kani ndu co simtɛɛndo le kpema hiow naŋɔɔ-o ni, o yiinun a diomnda hiow naŋɔɔ lan-ndo.

Hebreea 8:8

Kɛ sɔvun Hala ce o vanaa ndɔa lo-on co mun ni, mó dimi aa: «Mɛlɛka dimi aa: Paale vanin, mì yii kpema sɛnɛiyo a vannda Israɛl a á haa Yuda.

Hebreea 12:24

Mí la sɔɔnguu Yeesu ikɛi, o co kpema sɛnɛiyo a kooma ndɔma fasaŋan-ndan tɛɛn-ndo, má co sɔɛi hiovɔɔ kooma Abɛl-lan coo-an.