Hebreea 8:11 - BII BILA

¹¹ Vana-vana o nda tɛɛn suu lɛnin o caan ndɔ le, te kon te o puapilɛ ndɔɔ lo le ndu ya cɔmndo le, kani nda kpede sinanin ya. Mɛɛ nda co kpede, cɔn o vana hiow dɔɔnanndo-o, kɔ tiiya o kaasonɔ hiow nda kpede-o lo,

Hebreea 8:11 Referans Kwoze

Yeremi 31:34

Vana-vana pɛɛku lɛnin caanda le. Vana dimul-lɛnin puapilɛ ndɔɔ aa: ‹La sina Mɛlɛka› le. Kani nda kpede a sinanin ya, kandɔɔ a cuaambɔɔ kɔ tiiya a kaasonɔɔ dí. Sɔɛi fula Mɛlɛka o sondo-e co ken ni. Kani i malnin nda haki le sɔvun ndan, i loonun ndɛnin a hakila ndalan te.

Esai 54:13

Poaa nɔmnda kpow delnin ya Mɛlɛka kɔɔli, nduyɛ kɔlɲulu cuavaa nɔmnda vanin o bɔɔ!

Nsaŋ 6:45

O co o sɛvaa o sɛbɛla vanaa-tɛɛngaa-diom Hala-a nin aa: ‹Nda kpow a sɔlanin pɛɛkoo fulaa Hala o ba.› Vana-vana tuei pɛ Pua diom, mò cɛl pɛɛku ndɔɔ, ndu hin o ya lo.

1Nsaŋ 2:27

Le niaa, Kɔl-Diandaa niaa sɔla Krista o ba-o lo niaa o lakɔl. La nɔ lɛ mako mì vana pɛɛku niaa le. Kani Kɔl-Diandaa co niaa dɛnndan kpede pɛɛku, toɲaa o pɛɛkunin niaa ni, o venin lacòò le. Lelan, la lo o ndu nin maa mɛɛ o pɛɛku niaa yɛ.

Yeremi 24:7

I kenin nda sinapɛngoo, mà bii bila maa ya co Mɛlɛka ni. A muungunin ya o ibuŋ a kɔlta ndalan kpow. O kon a vanin vanaa nia, mì ya i va Hala ndaa.

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Dɛnnda kiilaa 8:10

Nduyɛ vannda kpow, kandɔɔ cuaambɔa pɔm-pɔmbɔa, kɔ bii a kaasonnda a va ndu bɛɛle bɛndu-bɛndu len keo. Má va dimio aa: «Kpaaya Hala-o langbanɔɔ ho co ni, o nda veelu aa: ‹Kpaayaa-Bɛndoo›-o pɛɛn.»

Habakuk 2:14

Kani vannda sinanin biilu Mɛlɛka-o mò hiow ba,

1Dɛnnda lemasalan 28:9

Nɔm Salomɔn po ni yɛ, sina Hala fuɲa nɔmndo. Tosal ndu baalaa a kɔl nɔmndo a á yoomu nɔmndo kpow, kani ɲɛ co vanacieo o kɔllo nin di-o Mɛlɛka tofa ni. O sina yiyannda vannda kpow. Taa nuwviaa ndu pɛ, o cɔmnunnin nɔm, kɛ taa mulul ndu pɛ kɔɔ, o malnin nɔm le lɔ́ɔ́-lɔ́ɔ̀.

Esai 2:3

Vannda súúlan taw a kɔanin ndon taw-taw mà dimi aa: «La hun mì n helnun o pembii Mɛlɛka-e coo! N helnun o Cɛi-Hala Yakɔb-o nin haliko mo pɛɛku naa nɛila ndɔlan, mì n kela o nɛila o cɔmnin naa lan coo. Kani Siɔn tɔŋndo fulanin ni, Yerusalɛm sɔɛi Mɛlɛka-e fulanin ni.

Esekiɛl 34:30

A sinanin o kon maa ya Mɛlɛka, ya Hala ndaa, i co nda ikɛi, maa vanaa nia nda co ni, nda cuavaa Israɛlla pɛɛn. Ya Maalii, ya co Mɛlɛka-o soo nuaa ni.

Ɛsdras 7:25

Nɔm Ɛsdras yɛ, mɛɛ kɔlkalu Hala nɔmndo co yɛ, kɔlkalu co nɔm o ba-o pɛɛn, hɛli vanaa kialaa n'yamaa a vanaa toosiaa n'sɔɔa, haliko mi kan va le yaman kiolɔɔ o tàndá co o peo Efrate leeloo a ba paalen le del-lo-o kpede nin, vanaa sina tɔŋnda Hala lan-nda pɛɛn. Le vanaa sina vɔ tɔŋnda lan te-a yɛ, a bɛnda ma pɛɛku nda lan.

2Dɛnnda lemasalan 30:22

Mí Esekia soaa o leviaa ndáà nɔ yiyan kɛndɔɔ o lakɔl le baalaa Mɛlɛka-o tosaa-a lo kpow, mó luei nda yoomuan. Palɛi ŋɔmmɛw, a va ɲɛdiaa kafoo dioo, a va sálàla kɔlɲululan solio, a va vɛlɛ Mɛlɛka Hala fuɲaa ndaa mamaa biiloo.

Yeremi 44:12

I biinin vanaa tɔ̀a lonin yoomu Yuda-a, a muli hɔlla le kɔlan vionnɔnndo Esipte-a, mí nda kpede a sɔla piɔ́mndo o lɛŋnde len nin o cɔwvo, te kon te a yima fofolan. Kandɔɔ a cuaambɔa kɔ bii a kaasonnda, a delinin o mɔɛi cɔwve bɛngu te kon te ma cuu a yima fofolan. Vannda cuanin nda tɔɔmaseloo le mɛnanndo, te kon te le sɔɔn lasiɛmboo dimio.

Yeremi 6:13

Kani kandɔɔ a cuaambɔ hiow dɔɔnanndo nda tɛɛn-ndo, kɔ bii a kaasonɔ hiow nda faw-vo, nda kpow, vana-vana nɔ hɔlten tɔnɔ ndɔ ndu pila-o kɔɔli. Kandɔɔ a vanaa-tɛɛngaa-diom Hala-a, kɔ bii a vana-solia-lasálàá, nda kpow vanaa lakafaa kposon.

Yeremi 42:1

O kon, mí simlacia vanaa cɔwva kpow a sɔɔnguu, handɔɔ Yohanan po Karea-o a Yesania po Hosaya-o a vannda kpow coo, kandɔɔ a cuaambɔa kɔ bii a kaasonnda,

Yeremi 42:8

Mí ndu Yeremi veelu Yohanan po Karea-o, simlacia vanaa cɔvaa va ndu ikɛi-ya kpow, a vanaa va lon-nda kpow, vana-vana lo kɔɔli le.