Hebreea 8:1 - BII BILA

¹ O sɔɔn naa n co dimio-on kpow nin, i hiow va isɔvɛ-e co hee ni: n nɔ bolle vanaa-solia-lasálàá, o co icali o kpɛŋɛ lemasa Hala-o o ba kɛndɔɔ coo o halataala-o.

Hebreea 8:1 Referans Kwoze

Kolɔsea 3:1

Le mɛɛ niaa tendul a Krista latulu yɛ, la nuwviaa dɛnndan coocoo, nɛɛ Krista co icali Hala o ba kɛndɔɔ coo-a.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

Dɛnnda cɔɔmuanndan 3:21

Vana nɔlanin-ndo, i kɛsinnin ndu ikɛi o kpɛŋɛ ni lemasaa coo maa mɛɛ ya nɔla, mí n kɔ cal naa Fuɲa nuu o kpɛŋɛ ndɔ lemasaa coo yɛ.

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

Hebreea 2:17

Lelan, mɛɛ mí ndóò vel puapilɛa ndɔa, haliko mi ndóò siŋnun bolle vanaa-solia-lasálàá, vana ikɛndɔɔ a vana lo o lediom coo o baala Hala-o nin-ndo, haliko mo sɔla malɔɔ lahakio le vannda kpow.

Hebreea 10:12

Kɛ Krista ndu sálàá ndu pilɛ kpé o soli le hakilan ni, mó cal Hala o ba kɛndɔɔ coo le fɛɛn a fɛɛn.

Misee 5:4

Ndu vanin kɔlɲuloo ni. Telen Asirinɔɔ hunnin o lɛŋnde naalen nin, mò luɛi o cɛila naala lemasalan nin-ndo, n solinin vanaa mandaa n'saa nda ŋɔmmɛw a simlacia nda ŋɔmaa le ndu kɔlan simullo.

Condii lisai 104:1

I yeema mì mel Mɛlɛka balika! Mɛlɛka Hala nuu, a co o bɔɔ! A vownun biiloo a vanabɛnduyɛi maa doma bɛndu.

Condii lisai 21:5

O ɲuna nɔm le yoomoo sɔlaa, má yɔngu ndu ndu, má bɛndi palɛi ndɔɛi taw, o viawnin si háá mò viow si!

1Dɛnnda lemasalan 29:11

Le nɔm Mɛlɛka bɔɔbɔɔyɛi, kpaayaa, biiloo, masalen a naŋɔɔ fɛɛn-fɛɛndo co ni. Kani ɲɛm co o halataala-on a mun o lɛŋnden coo n co le nɔm. Nɔm nɔ masalen ɲɔɔn kpow coo ni.

Hebreea 1:13

Lepilɛ bɛɛ Hala dimul-lɔ mɛlɛkanɔ pilɛ le aa: «Cal-la o ba kɛndɔɔ coo, mì tosa mà nɛw yaamɔaa nɔmnda a n'pelu.»

Efɛsea 6:20

I co bɛɛ o kaasoo nuaa, kɛ ya co hɔlte Krista len le Yoongu kɛndɔɔ yondaa ni. Lelan, la piɛi haliko mi soo a kɔlkɛsiaa.

Esai 24:14

O kon, vanaa lonin yoomu-a heelunin diomndan, a yondanin ma lisa bɔɔbɔɔyɛi Mɛlɛka-e. A dɔawnunnin ɲaale taw-taw o mɛmma ihɛllan kɔngɔ.

Condii lisai 145:12

O kon, a cɔmnin vanndacieea dɛnnda kpaayala nɔmndan a biilu bɛndu masale nɔmnden le nɔ-o.

Condii lisai 110:1

Condii fula o condun David-on nin-nde. Sɔɛi Mɛlɛka dimul Maalii nuu-e co hee ni aa: «Hun mà cal-la o ba kɛndɔɔ coo, mì mal yaamɔaa nɔmnda nɔm o labɛngunin.»

SƐBƐ YƆB-O 37:22

Ɲɛ-tengaa nɔ yinɔɔ maa isiani-o fula muɲɛɛ a ba luaŋ-ndo. Ɲɛ-tengaa kpúlúnkùmaa balu Hala sɔ́.

Marke 16:19

Yeesu ciiyo nda sɔɔn mun dimullo, mó hel o halataala, mó kɔ cal Hala o ba kɛndɔɔ coo.

Hebreea 3:1

Lelan puapilɛa nia vanaa laalannda, niaa Hala veelu-a, la tofa Yeesu, ndu Hala vem le vaa bolle vanaa-solia-lasálàá ni, o naa n co sɔɛi ndɔɛi dimio-o.

Hebreea 4:14

Lelan n simnun yili o laalan naa n co sɔɛi ndɔɛi dimio-o coo. Kani n nɔ bolle vanaa-solia-lasálàá, o kɔɛ nin o halataala di-o, Yeesu po Hala-o pɛɛn.