Hebreea 7:8 - BII BILA

⁸ Vanaa-solia-lasálàá vannda ke kan o-tɔ́ndɔɔ-a, vanndacieea daama nda co ni, paale vanin mà vi. Mɛlkisedɛk bɛɛ sɔla o-tɔ́ndɔɔ o ɲɛm kɛndɔn nin, kɛ ndu, o co yoomu le fɛɛn a fɛɛn, maa mɛɛ o co o sɛvaa yɛ.

Hebreea 7:8 Referans Kwoze

Hebreea 6:20

Lon Yeesu luɛi naa tase ni, le dɛnɛ naa. Mó siŋnun bolle vanaa-solia-lasálàá le fɛɛn a fɛɛn maa Mɛlkisedɛk.

Hebreea 5:6

Mó dimi vɛlɛ nɛɛ celen aa: «A co va vana-solia-lasálàá le fɛɛn a fɛɛn maa Mɛlkisedɛk.»

Dɛnnda cɔɔmuanndan 1:18

I co yoomu. Yáà vi, kɛ tofa vɔ, i co yoomu le fɛɛn a fɛɛn. Kiin piɔ́mndo co ya o ba, kiin ciee-piɔ́mndo pɛɛn.

Hebreea 7:23

Hiyan celen co vɛlɛ: vanaa-solia-lasálàà tɔ̀a va sɛ́lɛ́ taw, kani piɔ́mndo ve nda cɛlɔɔ le vaa lɔ́ɔ́-lɔ́ɔ̀ o fonda kon te.

Nsaŋ 14:19

O lo ɲɛ-pɔmbɔ, ceendo ci lɛnin ya le, kɛ niaa, la canin ya, kani i co yoomu, niaa bɛɛ la vanin yoomu.

Hebreea 3:16

Ɔ́ɔ̀ vanaa ndáà tuei ndu kan sɔɛi kɛ má kɛɛ ndu diom-nda? Vanaa kɛ́-kɛ̀ Moise soli Esipte kpow.

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Hebreea 9:27

Lepilɛ kpé vanndacieea bɛnda le piɔ́mndo sɔlaa ni, o kon kɔɔli Hala kelu yamɛi ndɛi.

Hebreea 7:7

Nduyɛ, vana-vana sina maa vana dɔaw vanndo duaa-o, ndu hiow a vana o dɔw kon duaa-o.

Hebreea 7:9

O kon, n nɔla mì n dimi maa telen Abraham yɔngu o-tɔ́ndɔɔ o ɲɛm ndɔn nin-ndo, Levii yɔngu o-tɔ́ndɔɔ lende ni, ndu polale ndɔlen le sɔla o-tɔ́ndɔɔ vannda o ba-o pɛɛn.