Hebreea 7:6 - BII BILA

⁶ Mɛlkisedɛk kon yɛ, o fula o polale Levii len nin te, kɛ mó bii Abraham o-tɔ́ndɔɔ o ba o ɲɛm ndóò nɔ-on nin kpow. O kon mí ndu Mɛlkisedɛk dɔaw vana Hala ndóò yiilu kpemaa-o duaa.

Hebreea 7:6 Referans Kwoze

Rɔmnda 4:13

Mí Hala yiilu Abraham a cuavaa ndɔa imamaa kpemaa, maa a sɔlanin ceendo kɛ́ɔ. O ve le mɛɛ o va tɔŋndo biyɔɔ yɛ le, kɛ le tùú ndóò ce ndu vana sandaa le laalan ndɔɔ-o o yiilu ndu kpema kon ni.

Hebreea 11:17

A laalanndo Abraham cɛ̀l sindɛ le Isaak sálàá solio ni, telen Hala tɔɔndan ndu-o. Mó cɛl le po ndɔ pilɔɔ sálàá solio, nduyɛ a ndu Hala yiilu Abraham kpemaa ni.

Hebreea 7:1

Mɛlkisedɛk kon va masaa Salɛm ni, vana-solia-lasálà Hala-Hiow-Ɲɔɔn-Kpow-vo. Abraham va fulaa o cɔw o kɔ nɔla masaa-o, mí Mɛlkisedɛk kɔa ndu bɔŋa, mó dɔaw ndu duaa.

Kalatea 3:16

Lende koni kpemala Hala yiilu Abraham a polale ndɔlen-ndan la co ni. I dimin te aa: «Le cuavaa ndɔa imamaa», vana ca ko aa le vanaa co sɛ́lɛ́-a ni, kɛ maa le vanndo ndu pilɛ kpé, aa: «Le polale nɔmnden, Krista pɛɛn!»

Rɔmnda 9:4

Israɛlla pɛɛn, a Hala siinguu cuavaa ndɔa, mí biilu ndɔɔ va nda coo-a. A o yiilu kpemala ndɔlan-nda, a nɔ tɔŋndo a kannden-nda.

Dɛnnda kiilaa 3:25

Niaa co cuavaa vanaa-tɛɛngaa-diom Hala-a kan ni, a Hala yii kan kpemaa a fuɲaa naa mamaa, mó dimul Abraham aa: ‹Vanaa-mangalaa-isɔɔa o ceendo coo kpow a sɔlanin duaa cuavaa nɔmnda o ba bɛngu.›

O Kandɔɔ 12:2

I siinguunin nɔm fuɲa-mama vanaa-mangalaa-isɔɔa súúlan taw. I dɔawnin nɔm duaa ma pɛlnun ladio. Vanaa bɔɔ-bɔɔ a sɔlanin duaa nɔm o ba bɛngu.

Hebreea 11:13

Nda kpede o laalanndo nin nda lo ni má vu. A sɔla ɲɛm Hala dimi le yɔngoo-on te, telen kon vannun ndɔ lándán, kɛ mí ɲɔɔ tosan vanáà ca ko aa ndáà ce nin dɛnnda kalalan o peelɔnndo. Má dimul vannda kpendekele maa mialla a vanaa hiawnannda nda yɔŋnun o lɛŋnden nden coo ni.

O Kandɔɔ 12:13

Lelan, a ɲuna nɔm pɛ, a dimul nda aa yema nuu n co ni, le mɛɛ nda ca ya ɲia mì lo yoomu le nɔm yɛ.»

Hebreea 7:7

Nduyɛ, vana-vana sina maa vana dɔaw vanndo duaa-o, ndu hiow a vana o dɔw kon duaa-o.