Hebreea 7:2 - BII BILA

² Mí Abraham ke ndu o-tɔ́ndɔɔ o ɲɛm o hɛlu-on nin kpow. Diola lan aa: «Mɛlkisedɛk», kɔlɔ ndɔɔ co ni aa: «Masa dɛnɛ sandaa». Handɔɔ o kon coo, Mɛlkisedɛk kon va vɛlɛ masaa Salɛm ni, kon co dimio ni aa: «Masa kɔlɲuloo».

Hebreea 7:2 Referans Kwoze

Kundalan 18:21

Kɛ́ ya yɔngu polale Levii len-ndo co o-tɔ́ndɔla Israɛlla vanin yɔngoo o ɲɛm ndan nin-ndan ni. I yɔngu nda kon le vali nda co tosaa o cɛi-kola-toandaa-labɔɔŋianndo nin-ndo.

Condii lisai 72:7

O palɛi ndɔɛi bɛngu, dɛnɛ sandaa puinin. Te paangei co vɔ pɛ, kɔlɲuloo kuinin.

1Dɛnnda lemasalan 22:9

Kɛ aa ya vialunin poo, vana kɔlɲuloo o vanin ni. Ndu Mɛlɛka kenin po kon pɛngio, mò baŋa ndu yaamɔaa o vanin tɛɛn-nda kpow o ba. Salomɔn o nɔnin diolan ni. O masale ndɔlen bɛngu ndu Mɛlɛka kenin Israɛlla kɔlɲuloo a pɛngio ni.

2Samiɛl 23:3

Hala Israɛlla soo, pow kpova Israɛlla dimul-la aa: ‹Masa co masalen tosaa vanndacieea coo a sandei-yo, masa co masalen tosaa nda coo a siòòŋii Hala-e-o,

2Samiɛl 8:15

Mí David tosa masalen Israɛlla kpow coo. Mó va yaman kiolɔɔ a sandei, o ve vannda hiyan te.

1Samiɛl 8:17

O cuanin o-tɔ́ndɔɔ o saa niaa a o cuinaa niaa coo. Niaa pila bɛɛ, mɛɛlulan sɔngɔ cɛa ndɔa koni niaa vanin ni.

1Samiɛl 8:15

O cuanin o-tɔ́ndɔɔ o nakɔla niaala n'rɛsɛnndan coo a o ciɛɔn niaan coo, mò yɔngu cuavaa baalaa lelɛŋnda a vanaa bɛndua vanin ndu o ba bɛngu-a ɲɛm mun.

O Kandɔɔ 28:22

Pow ya baŋ hoo mì siinguu ndu pow sálàá-o, o siŋnunnin Cɛi-Hala-o, mì va ndu o-tɔ́ndɔɔ yɔngoo o ɲɛm o co va ya yɔngoo-on kpow nin.»

Rɔmnda 3:26

telen Hala va nda biuvɔnndo-o. Lende ndu Hala cɔm dɛnɛ ndɔ sandaa sisa ni. Ò tuisi vanndacieea dɛnɛ palaa coo le hakila ndalan te, kani o yeema mò lo o sandaa, mò ke vɛlɛ vanaa laalan Yeesu-a di.

Luke 2:14

«Biiloo co le Hala o halataalaa nin coocoo, kɔlɲuloo co o lɛŋnden coo le vanaa hɛnan ndu-a.»

Misee 5:5

À tosanin masalen o lɛŋnde Asiri len coo a o lɛŋnde Nimrɔd len coo a mɔɛi cɔwve. Nuaa Masa kon o baŋanin naa Asirinɔɔ o ba ni, te Asirinɔ kon hiow pɛ pɛɛngulan, mò luɛi o lɛŋnde naalen nin.»

Tɔŋ lasálàá 27:32

O cɔlua nin, nawva, saa a cuinnda, cɔlu tɔ́ndɔɔ o cɔlua tɔ́ coo nda handu pondalen ni le ndu siinguuo teengen le Mɛlɛka.

Matie 1:23

«Cuaambɔ lembu sina vɔ dɛnɛ vanapɔnɔ loo cuanin folio, mò velu hɔ́ɔ́ piaandoo, mà ke ndu diolan aa Emmanuɛl», kɔlɔ ndɔɔ co ni aa: «Hala co naa ikɛi».

Hebreea 7:1

Mɛlkisedɛk kon va masaa Salɛm ni, vana-solia-lasálà Hala-Hiow-Ɲɔɔn-Kpow-vo. Abraham va fulaa o cɔw o kɔ nɔla masaa-o, mí Mɛlkisedɛk kɔa ndu bɔŋa, mó dɔaw ndu duaa.

Hebreea 7:3

O nɔ fuɲa le, o nɔ kala le, o nɔ yungu le, o nɔ fuɲa mama le. Vana sínà telen o velun te, vana sínà a piɔ́m ndɔɔ o kɔɔ le. Maa po Hala-o o co ni, vana-solia-lasálàá fɛɛn fɛɛn-ndo o co ni.