Hebreea 7:1 - BII BILA

¹ Mɛlkisedɛk kon va masaa Salɛm ni, vana-solia-lasálà Hala-Hiow-Ɲɔɔn-Kpow-vo. Abraham va fulaa o cɔw o kɔ nɔla masaa-o, mí Mɛlkisedɛk kɔa ndu bɔŋa, mó dɔaw ndu duaa.

Hebreea 7:1 Referans Kwoze

Hebreea 6:20

Lon Yeesu luɛi naa tase ni, le dɛnɛ naa. Mó siŋnun bolle vanaa-solia-lasálàá le fɛɛn a fɛɛn maa Mɛlkisedɛk.

Misee 6:6

«A yɛɛ kpeekpei ya fula yɛnin Mɛlɛka o hɔl? A yɛɛ o ba ya baŋ yɛnin vulan Hala co coocoo-o o labɛngunin? Bàà a navaa téndéa nɔ vosio pilɛ-a ya fulanin ndu o hɔl ni le sálàla loamaalan solio?

Condii lisai 57:2

Éé Hala, tuinun ya iɲíí! Tuinun ya iɲíí yandi! Kani nɔm o ibuŋ ya hin vionnɔnndo nuaa ni. I hin vionnɔndo nɔm o kumbanndan bɛngu háá mì sanga bɛndoo ho hiow.

Marke 5:7

mó deŋi kpélén aa: «Le yɛɛ n co yɛ ya kɔɔli, nɔm Yeesu po Hala-Hiow-Ɲɔɔn-Kpow-vo? I co nɔm ɲɔɔlu, tosa le Hala, luei ya imɔnɔ le.»

Daniɛl 5:18

Òó masaa! Mí Hala-Hiow-Ɲɔɔn-Kpow-vo yɔngu Nebukanɛsar fuɲa nɔm masalen, vanabɛnduyɛi, bɔɔbɔɔyɛi a biiloo.

Condii lisai 78:35

O kon ndáà yiyan maa Hala co Pow kpova ndaa ni, maa Ó-Hiow-Ɲɔɔn-Kpow-vo co vana baŋaa ndaa ni.

Condii lisai 76:2

Hala sinan o tàndá Yuda-o nin, diola ndɔlan la co la bɔɔ o lɛŋnde Israɛl-ten nin.

Dɛnnda kiilaa 16:17

Mó del naa kɔlan kɔɔli naa Pol-aa, mó va yondaa aa: «Vannda ha co vanaa baalaa Hala-Hiow-Ɲɔɔn-Kpow-vo-a ni, nɛi yɔngu vana cindaa sɔlaa-o nda co niaa tiiyallo ho nuaa ni!»

Daniɛl 5:21

Má toaw ndu mó faŋan vanndacieea tɛɛn. Mí yiyan ivisiyaa luɛi ndu nin. Mó kɔ cal yondoo nin nda sofɛlɛa yondoa latulu. Mó dɔawnun balo a billo maa naw. Mí kɔɔle ndɔlen le lindan o kɛmndan nin háá mó sina maa Hala-Hiow-Ɲɔɔn-Kpow-vo nɔ masalen o ceendo coo o labɛngunin ni. O siinguu vana o yeema-o masaa.

Daniɛl 4:2

Icɔllo pum, mí sɔl lɔan. Mí siòònde bii ya taw, kani yiyannda luɛi ya o kɔl o kpele nuu coo lan a vunduma ya ce o yiyan nuu nin-ndan máà vueinun ya taw.

Condii lisai 78:56

Kɛ má tiŋ Hala-Hiow-Ɲɔɔn-Kpow-vo, má simul ndu a tɛɛndanndo, a bii tɔŋnda ndɔlan te.

Hebreea 7:2

Mí Abraham ke ndu o-tɔ́ndɔɔ o ɲɛm o hɛlu-on nin kpow. Diola lan aa: «Mɛlkisedɛk», kɔlɔ ndɔɔ co ni aa: «Masa dɛnɛ sandaa». Handɔɔ o kon coo, Mɛlkisedɛk kon va vɛlɛ masaa Salɛm ni, kon co dimio ni aa: «Masa kɔlɲuloo».

Hebreea 7:3

O nɔ fuɲa le, o nɔ kala le, o nɔ yungu le, o nɔ fuɲa mama le. Vana sínà telen o velun te, vana sínà a piɔ́m ndɔɔ o kɔɔ le. Maa po Hala-o o co ni, vana-solia-lasálàá fɛɛn fɛɛn-ndo o co ni.

Hebreea 7:6

Mɛlkisedɛk kon yɛ, o fula o polale Levii len nin te, kɛ mó bii Abraham o-tɔ́ndɔɔ o ba o ɲɛm ndóò nɔ-on nin kpow. O kon mí ndu Mɛlkisedɛk dɔaw vana Hala ndóò yiilu kpemaa-o duaa.