Hebreea 6:8 - BII BILA

⁸ Kɛ te o soli pɛ bɔɔla n'yɔɔlan a booson, mɛɛ o nɔ tɔnɔ le. O kon Hala kɛɛ ndu, o mɛɛlulan, a mal ndu yin.

Hebreea 6:8 Referans Kwoze

Nsaŋ 15:6

Vana lo o ya nin te, ndu viownun o bɛ́ɛ̀ maa ilɛw, o kon o vesa, a cua ndu mɛɛ nda tingu ɲaandan vesɛiyon yɛ, a kɔ mal ndu o yin, o ŋɔɛ.

Tɔŋ miingua 29:28

Le Mɛlɛka Hala naa kínɛí dɛnnda viannanndan la co ni. Le naa a cuavaa naa imamaa dɛnnda cɔmnun-ndan la co le fɛɛn a fɛɛn ni, haliko mi n kela o sɔɔn tɔŋndo ho coo.»

Yeremi 44:22

Mɛlɛka ndóò tiw lɛ ba dɛnnda niaala vɔɔnndan a mààla niaa va tosaa lan biuvɔnndo le. Lelan lɛŋnde niaalen le siŋnun bémbélan ni, mí vannda piaw len. A lɛŋnde len vannda co tɔɔmaseloo cuaa ni le mɛnanndo a le dangaa dɔvɔɔ mɛɛ niaa co hau cɔu nuaa yɛ.

Hebreea 12:17

La sínà maa o mɛɛlulan, telen ndóò yeema le duaa sɔlaa fuɲa ndɔ o ba-o, o sɔla fonda le. A caŋ o caŋndo kpow, fuɲa ndɔ tiw lɛ ba diomndo yɛlɛmaa le.

Hebreea 10:27

fɔ calle cumndo a siòònde, le yamɛi Hala kilulnin vana kon-nde a yinnde bɛndule loamnin vanaa nila kalua len.

Dɛnnda cɔɔmuanndan 20:15

Vana-vana diola ndɔlan la ve lasɛvaa o sɛbɛ cindaa nin te, má viaw nda o dala leyin kon nin.

Marke 11:21

Piɛr yiyanndo a ɲɛ ndóò yɔŋnun-ndo, mó dimul Yeesu aa: «Kɔɔfa, tofa vɔ, voosu tum n dɔw danga-o vesa.»

Marke 11:14

O kon mó cua sɔɛi, mó soaa o voosu tumndo lo aa: «Le fɛɛn a fɛɛn nin, vana di lɛnin kɔmnde nɔm te!» Mí kaandennda tuɛi ndu diom kon dimio.

Matie 7:19

Yɔm oo yɔm kum kulun kɛndɛ le, a kelu ndu, a viow ndu o yin.

Matie 3:10

Cuei cuu nin cɛɛŋa le puundun yɔmnde kilio. Yɔm oo yɔm kum komɔɔ kɛndɛ le, ndu kialunnin, mò viownun o yin.

Yeremi 17:6

Maa bɔ̀ɔ̀ n'yɔ co o lɛŋnde veselɛilen nin-ndo vanaa kan co ni. Lɔ́ɔ́-lɔ́ɔ̀ bɛɛ, dɛnɛ kɛndɛ co le nda le, o lɛŋnde veselɛile lapowlen nin tuŋ nda co ni, lɛŋnde ihɛlte vanaciee co nin te len.

Condii lisai 107:34

mò mingi lɛŋnde tɔlɔɔlan la naŋ nin-nden lɛŋnde ihɛlten, te vanaa co o lɛŋnden coo-a kela pɛ kela vɔɔnndo pɛɛn.

SƐBƐ YƆB-O 31:40

màá yɔɔn vɔɔnndon fula o foofola yáà koaw ɔrse lan, mì bil vɔɔndo vil o fondala yáà koaw maalon-ndan!» Sɔɔn Yɔb soo-on yɔŋnun mún ni.

O Kandɔɔ 5:29

mó ke ndu diolan aa Noe. Mó dimi aa: «Hoo yɔngunin naa kɔlɲuloo le valta naalan a le bɛpɛla naa n co hoo o lɛŋnde Mɛlɛka dɔw len danga len coo-o ni.»

O Kandɔɔ 4:11

Lelan, kandɔɔ hau, dangaa co nɔm coo o lɛŋnde kooma pɔmbɔ nɔmma n soli-an ma luɛi nin-nden coo.

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

2Samiɛl 23:7

Vana pilan ndu le, fɔ ma nɔ baw icilinndo o ba, te kon te fɔ ma nɔ piaw bállo o ba le tiindanndo. Yɔm n'yɔɔ vaa lende yɛ, o foofo vana loam ndu ni mungén!›»

Esai 27:4

I co lɛ a kɔltuw le, kɛ te yɔɔn a siɛmbullon va pɛ lenin, i kuelnin yɔɔn mun a cɔwvo mì kɔ lom mun kpede.