Hebreea 6:7 - BII BILA

⁷ Kani te piɔɔ va pɛ siaa cuɛi-cuɛi o yondoo pum coo, mì yondo kon va vanaa co ndu vaa-a tɔlɔɔla kɛndɛlan yɔngoo, Hala dɔw ndu duaa.

Hebreea 6:7 Referans Kwoze

Osee 10:12

La sáŋ dɛnɛ sandaa, mì la kow vanakɛndɛyɛi. La fɛɛya ciɛi sɛnɛiye le niaa pila. Telenndo tiiya le muungoo ya Mɛlɛka o ibuŋ, háá mì hun saŋ dɛnɛ sandaa niaa coo.

Esai 44:3

Kani i tiwnin mɛnndan o lɛŋnde co levesɛilen kpow coo. I solinin peela pɔmbɔlan o lɛŋnde kalonkalonnden nin. I cucunin kɔl nuu yungu niaa coo. I dɔawnin cuavaa fula niaa o ipulu-a duaa taw.

Condii lisai 126:6

Vana-vana co pɛ kɔlan a yɛiyo o lebol a caŋndo, ndu muungunin a kɔlkɛndɔɔ a tumbulan o lebol.

Nsaki 5:7

Lelan puapilɛa, la biwnun háá a hunɔɔ Maalii-o. La tofa vɔ mɛɛ vana váà cum kɔmnde ɲɛ o vaa-o a biuvɔnndo taw yɛ, o sina maa fɔ mì piɔɔ sialte tasoo a piɔɔ vɔɔle pɔmbɔɔ sia.

Esekiɛl 34:26

I siinguunin lɛŋnde ndalen a yondola balu pembii nii diandɛi lan duaa, mì tuisi piɔɔ a telen bɛnda-o, nduyɛ piɔɔ kon, duaa o vanin ni.

Condii lisai 24:5

Vana kon sɔlanin duaa fulaa Mɛlɛka o ba, mì Hala vana ciindiaa ndɔɔ tosal ndu dɛnɛ sandaa.

Tɔŋ lasálàá 25:21

I dɔawnin niaa duaa o vɔsi ŋɔmpumndɔɔ nin, i viamnin lɛŋnden mì le vangala kɔmnde ɲɛ saŋnunnin lecoo-o len le vɔsilan tan yáá.

Malasi 3:10

La hun a o-tɔ́ndɔla niaalan kpow o cɛi mandaa bolofaa nin, haliko mi baloo va o ya lo cɛinin. La tɔɔndan-ndɔ hau ya lende, mì la tofa, te i kumbilnin niaa diola pɔmbɔla co o halataala lan, mì tuisi niaa duaa bɛndu-bɛndu hiow ɲɔɔn kpow-vo coo le. Ya Mɛlɛka-Nɔ-Kpaayaa-Kpow-vo dimi lende ni.

O Kandɔɔ 27:27

Mí Yakɔb sɔɔnguu, mó kɔman ndu. Mɛɛ o kɔman ndu, mí Isaak tuɛi volɔɔla ndɔlan cun, mó dɔaw ndu duaa aa: «Po nuu co cunndo vana ca ko aa ciɛi Mɛlɛka dɔw duaa-e ni.

O Kandɔɔ 1:11

Mó dimi aa: «Yondoo fulá mò kumbu kɔngɔ vesɛiyo. Billo fulá a cuulu ndɔɔ mɛɛ súúla ndɔlan la co yɛ, yɔmnde bɛɛ fulá a kɔmnde ndalen mɛɛ súúla ndalan la co yɛ o lɛŋnden kpow coo.» Mí ɲɔɔ tosan lende.

Matie 7:8

Kani vana-vana piɛi pɛ, ndu sɔla. Vana nuwviaa pɛ, ndu saalun. Nduyɛ vana lɔaa dioo-o nda kumbil ni.

2Timote 2:6

Vana váà sanga taw-vo bɛnda fɔlɔn mò sɔla kundaa o ɲɛm o kow-von nin ni.