Hebreea 6:4 - BII BILA

⁴ N tofan ndɔ sɔɛi vanaa muungu mà del o ceen nda paandoo nin-nda. A sɔla ɲɛ-tengaa Hala-o, má sɔla ke Hala-o, má sɔla Hala Kɔl-Diandaa,

Hebreea 6:4 Referans Kwoze

Matie 5:13

«Hɛlle niaa co o lɛŋnden coo ni. Kɛ te yeelaa fula pɛ hɛlle, vɛ̀ɛ̀ vana mingi yɛ ndi yeeliaa? I niŋ ndɛ le ɲɛ-ɲɛ le, fɔ le ndi viovɔɔ o bɛ́ɛ̀, mì vannda nɛw ndi.

Nsaŋ 15:6

Vana lo o ya nin te, ndu viownun o bɛ́ɛ̀ maa ilɛw, o kon o vesa, a cua ndu mɛɛ nda tingu ɲaandan vesɛiyon yɛ, a kɔ mal ndu o yin, o ŋɔɛ.

Efɛsea 2:8

Kani le kɛndɛi Hala-e niaa sɔla cindaa ni, le laalan niaa laalan ndu-o. O co niaa pila o ba le cinda kon fula le, ke Hala-o co kon ni.

Nsaŋ 3:27

Mí Nsaŋ muli aa: «Vanacieo nɔla ɲɛ-ɲɛ sɔlaa le, te o co mì ɲɛ kon yɔngun ndu fulaa o halataala le.

Hebreea 10:32

La yiyan-ndɔ, telen niaa sɔla sɛnɛi ɲɛ-tengaa Hala-o-o, mí la sɔla sangaa taw, kɛ mí la biwnun, mí la sim yili.

Matie 12:45

o kɔ cua ɲinaa vɔɔŋaa celen, a hiow ndu vɔwlen-nda a ŋɔmmɛw, o luɛi a nda, a kɔ cal cɛinin ndon. Ceen vana kon cɔɔlú levɔw hiovɔɔ ceen ndɔ paandoo coo. Lende koni i yɔŋnunnin a vanndacieea vɔɔnda ha paalen nden hau ni.»

Kalatea 3:2

La mulul-lɔ ya sɔɛi ya co niaa hee ɲuna-e: Mò va maa le tɔŋnda niaa co biyɔɔ lan niaa sɔla Kɔl-Diandaa ni baa le Yoongu Kɛndɛ niaa tuei mí la laalan-ndo?

2Timote 2:25

O bɛnda mò mingi vanaa co ndu simullo-a o nɛi a kɔlɲuloo, mò nɔ o kɔl maa Hala co tosa, mà mangalan, mà sina toɲaa,

1Nsaŋ 5:16

Te vanndo ce pɛ puapilɛ ndɔɔ haki tosa mì vana vi loo tosaa, o piɛi mì Hala ke ndu yoomoo, te o va pɛ maa lekɛ́ndɛi haki kon tosa mì vana vi le. Haki tosa mì vana vi-o co, o co le haki kon te ya co dimio le piɛilen te.

Hebreea 2:4

Mí Hala pila tɛnda seile toɲale ndalen o dɛnnda kaamaalan a o dɛnnda kɔndɔfilta súú-súù ka nda va tosaa lan nin, a mɛɛ nda va valta kɔltan sɔlaa mɛɛ ndóò hɛnan Hala yɛ.

1Timote 4:14

Kialun ke Hala ke nɔm-ndo yii le, o n sɔla lɔ́ɔ́ vanaa-tɛɛngaa-diom Hala-a a vanaa bɛndua vanaa Hala-a a handu nɔm balan coo-o.

Dɛnnda kiilaa 11:17

Ɛ̀ɛ̀ nduyɛ, te Hala ke nda pɛ ke pilɔɔ maa naa laalan Maalii Yeesu Krista-a, vɛ̀ɛ̀ yáà kuuna nin Hala hɛnan ndɔɔ tosaa ni?»

Efɛsea 4:7

Kɛ naa a pilɛn-pilɛnnda, vana-vana sɔla kɛndɛi mɛɛ ke Krista-o tuunun yɛ.

Efɛsea 3:7

I siŋnun vana vallo le vannda Yoongu kɛndɛ kon dimullo. Hala tosal-la kɛndɛi o kpaaya ndɔɔ bɛngu.

Dɛnnda kiilaa 10:45

Mí vanaa laalaŋaa fula Yuifia tɛɛn, má liila ndu-a dɔawnun kɔndɔfili taw le cɔ nda ce mí Hala Kɔl-Diandaa toal vanaa ve N'Yuifi le-a coo-o.

Dɛnnda kiilaa 8:20

Kɛ mí Piɛr mulul ndu aa: «Màá volin nɔmndon tambu a nɔm pila latulu, kani a laalan maa a volion vana piandu ke Hala-o ni!

Nsaŋ 6:32

Mí Yeesu mulul nda aa: «I co niaa toɲaa dimul kpendekele, o co Moise le ke niaa ɲɛdiaa fula o halataala-o le, kɛ Fuɲa nuu ke niaa ɲɛdiaa kpeekpei fula o halataala-o ni.

Kundalan 24:3

Mó soaa vɛlɛ o ɲamakalalen nin aa: «Sɔɛi fula ya Balaam, po Beɔr-o o sondo-e co hee ni: Ya vana dɔaw sɔɔn taasi-o co sɔɛi ni.

Kalatea 3:5

Hala ke niaa Kɔl ndɔɔ mò va dɛnnda kaamaalan tosaa niaa tɛɛn. Mò va maa le mɛɛ niaa co tɔŋndan biyɔɔ yɛ o tosal niaa ken ni baa le mɛɛ niaa tuei mì la laalan Yoongu kɛndɔɔ yɛ?

Dɛnnda kiilaa 15:8

Hala, o sinà yiyannda vanndacieea-o cɔm maa o cɛl nda le tùú o ke nda Hala Kɔl-Diandaa maa naa-o.

Nsaŋ 4:10

Mí Yeesu mulul ndu aa: «Te nɔm óò sina pɛ ke Hala-o, a vana co nɔm hoo dimullo aa: ‹Ke ya mɛnndan mì kol›-lo, nɔm va ndu mɛmma kolan piɛi ni, mì ndóò ke nɔm mɛmma yɔngu vana cindaa-an.»

2Timote 4:14

Alɛksandre siɛɛkinɔɔ tosal-la dɛnnda vɔɔnndan taw. Mɛlɛka mingulnin ndu mɛɛ dɛnnda ndɔlan la co yɛ.

Rɔmnda 1:11

Kani yeemɛi co ya taw le niaa cɔu, mì yoo niaa ke kɔllo pum, haliko mi la sim yili.

2Korɛntea 4:4

le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

Efɛsea 1:18

I co vɛlɛ ndu piɛi mò luei niaa ɲɛ-tengaa o lakɔl, haliko mi la síná tiindan vana sɔla le veelu o veelu niaa-o a bɔɔbɔɔyɛi ɲɛm kɛndɛn co kɛ́ɔ le vanaa co le ndu-a on,

Tɔŋ lasálàá 13:55

Te vana-solia-lasálàá cii pɛ volɔɔ cuɛinan kalaa tɔɔ, o mɛɛndian ndu. Te o ce pɛ maa sɔŋndo mangalan te, hali mì sɔŋ kalaa hiw laci le, mɛɛ volɔɔ kon o nɔɔlɛiyo o co ni. Hali o va bɛɛ maa o hɔlaa kɛndɛa, te kon te o hɔlaa vɔɔnda sɔŋndo fula volɔɔ kon ni mo yul, o bɛnda mò ŋɔɛ o yin.

Tɔŋ lasálàá 14:43

Taa cii pɛ tosa lende kpow, mì sɔŋndo muungu vɛlɛ mò fula,