Hebreea 6:2 - BII BILA

² pɛɛkoo a yinɔɔ o kɔɔ, vannda balan handɔɔ coo le piɛilen, tendul vanvílɛ́iya a yamɛi mɛɛlɛi.

Hebreea 6:2 Referans Kwoze

Dɛnnda kiilaa 6:6

Má hun a nda kiilaa o hɔl. Mí kiilaa handu nda balan coo, má piɛi Hala le nda.

Dɛnnda kiilaa 24:25

Kɛ telen Pol va sɔɛi a sandei o kɔɔ-o, a mɛɛ vana nɔla kɔl nɔmndo yɛ, mó va vɛlɛ sɔɛi a yamɛi co hunɔɔ kiolɔn-nde o kɔɔ-o, mí siòònde bii Felisi, mó dimul ndu aa: «O va pɔɔ nuaa! A tiwba mà kɔɛnnun pɔɔ. I koma sɔla pɛ fondaa, i co nɔm vɛlɛ veelu.»

Dɛnnda kiilaa 23:6

Pol sinaa maa Sadusia vanaa kialaa n'yamaa pum va ni, a pilla nda Faliisia, mó yonda nda o hɔl aa: «Puapilɛa nia, Faliisinɔɔ ya co ni, Faliisinɔɔ velu ya ni. Le tùú ya laalan maa vanaa vi-a tendulnin fulaa vanvílɛ́iya tɛɛn-ndo nda co yamɛi nii kiolɔɔ nuaa ni.»

Dɛnnda kiilaa 17:18

Vanaa kɔlkalua del Epikuri nda Stoise kɔɔli-a a pum a va ndu sɛɛngiaa. Mí a pum a va ɲunaa aa: «Yɛɛ vana tombolaa ho yeema yɛ dimio?» Mí a pum nda dimi aa: «Bɔɔle a halaa mialla o kɔɔ o co sɔɛi nuaa ni.» Le tùú nda tuei Pol sɔɛi a Yoongu Kɛndɛ Yeesu-o o kɔɔ a á tendul ndɔɔ fulaa vanvílɛ́iya tɛɛn-ndo o kɔɔ-o nda va dimio lende ni.

Dɛnnda kiilaa 16:33

O lɛɛlɛ pilɛ kon bɛngu, mí kpalilnɔ kalaa kɔa a nda o ɲumma bɛnduma man nin le nda boolɔnndan pulɔɔ. O kon kɔɔli, o cum ndɛ cum celen te, mó sɔla yinɔɔ nda yungu ndɔɔ kpede.

Dɛnnda kiilaa 16:15

Mɛɛ o sɔla yinɔɔ nda yungu ndɔɔ kpede, mó veelu naa aa: «Te la laalan pɛ maa vana laalan Mɛlɛka-o ya co ni, mɛɛ la hun mì la va o yiya o ya lo cɛinin.» Mó baŋ naa, mí n cɛl kangalan.

Dɛnnda kiilaa 10:47

O kon, mí Piɛr ɲuna aa: «Vɛ̀ɛ̀ o bɛnda pá mi vana kɛɛ nihau vanaa sɔla haa Hala Kɔl-Diandaa maa naa-a yinɔɔ o mɛnndan nin?»

Dɛnnda kiilaa 2:41

Mí vanaa cɛl sɔɛi Piɛr dimi-e-a sɔla yinɔɔ. Paale len, vanaa handun vanaa laalannda coo-a va le vàálan tan yáá.

Dɛnnda kiilaa 2:38

Mí Piɛr mulul nda aa: «La mangalan, mì vana-vana o niaa tɛɛn sɔla yinɔɔ o diola Yeesu lan, haliko mi hakila niaalan la malnun haki. O kon mì la sɔla ke Kɔl-Diandaa.

Nsaŋ 1:33

Yáà sina ndu le, kɛ vana vem ya yinɔɔ o mɛnndan nin-ndo dimul-la ni aa: ‹Vana n canin Kɔl Hala-o tolɔɔ coo mò cal-lo, ndu yinnin a Kɔl-Diandaa ni.›

Marke 16:16

Vana-vana laalan pɛ mò sɔla yinɔɔ, ndu sɔlanin cindaa, kɛ vana laalan te, ndu sɔlanin yaalaa.

Matie 28:19

La kɔ mì la siinguu vanaa-mangalaa-isɔɔa súúlan kpow kaandennda, mì la yin nda o diola Fuɲaa, Poo a Kɔl-Diandaa,

Daniɛl 12:2

Vanaa co o lɔan o sɛilan nin-nda taw a tendulnin. A pum le yoomu fɛɛn-fɛɛndo, a tɔ̀a le siɛmbulan a sanga bɛɛ tambɛi fɛɛn-fɛɛndo.

Vana Kɔlkaloo 12:14

Kani Hala co hunɔɔ yamɛi dɛnndan kpow kiolɔɔ. Hali dɛnnda viannanndan o, la va lakɛndɛ, la va lavɔɔn.»

2Piɛr 3:7

Halataalaa a lɛŋnden nden sisa, sɔɛi Hala-e pilɛi ken co lan mandaa le lan hunɔɔ tɛɛmbuuo o yin, le paale kialaa iyamalen a le tambii vanaa vo Hala le-a.

Hebreea 11:35

Mí vanlaandua pum a ca vanvílɛ́yaa ndaa muungoo yoomu, má can fulaa o piɔ́mndo nin. A saangiaa a pum saangiaa piɔ́mndo, kɛ a cɛl mì vana baŋa nda le, haliko mi ndáà sɔla yoomu hiow naŋɔɔ-o o piɔ́mndo kɔɔli.

Hebreea 9:10

Tanala va le vanndacieea daama lan la va le ɲɛm dian, ɲɛm vana kol-lon a le faleŋun dindiaŋun yɛ́-yɛ́ɔn ni. Tanala lan kpow láà bɛnda háá o telen Hala va dɛnndan yɛlɛma-o.

2Timote 2:18

a faŋan kan toɲaa kɔɔli, má va dimio maa tendul naa cuu nin yɔŋnɔn, nduyɛ a co laalan vanaa pum faŋaa o fonda ndaa.

Kolɔsea 2:12

Nduyɛ, telen niaa sɔla yinɔɔ-o, mí la sɔla kumbɔɔ o sɛiyo nin a ndu latulu, mí la tendul vɛlɛ a ndu latulu, le tùú niaa laalan kpaaya Hala mingi ndu yoomu fulaa vanvílɛ́iya tɛɛn-ndo.

Filipea 3:21

Ndu mangalanin kɔɔle naale dɛnɛ palaalen ni, mò mingi len maa kɔɔle ndɔle biilaa len, a kpaaya bɛndu o nɔ le ɲɛ-ɲɛ fee lueinɔnndo ndu o ba bɛngu-o.

1Korɛntea 12:13

Kani naa kpow n sɔla yinɔɔ Kɔl-Diandaa pilɛ kon o ba, mí n siŋnun kɔɔle pilɛ len, vana va Yuifinɔ, vana va Yuifinɔ le. Vana va cɛ, vana vannun o ba nɔm coo, mí n sɔla Kɔl-Diandaa pilɛ kon le kolɔɔ.

1Korɛntea 10:2

Má sɔla yinɔɔ o yumbuyumbu kon nin a o mɛmma ihɛllan nin a Moise latulu.

Rɔmnda 2:16

Ken fulanin ceen o paale Hala tosanin mì Yeesu Krista kelu dɛnnda viannannda vanndacieea yamɛi len, maa mɛɛ Yoongu kɛndɛ ya co dimio-o co yɛ.

Dɛnnda kiilaa 26:8

Niaa Yuifia yɛ, le yɛɛ nɛ niaa co yɛ kɛɛ laalan maa Hala nɔla mò mingi vanaa vi-a yoomu?

Dɛnnda kiilaa 24:21

faŋanndo o sɔɛi ya yonda mí dimi nda kpow o hɔl-le kɔɔli maa: ‹Le tùú ya laalan a tendul vanvílɛ́iya o kɔɔ-o ya co hau nanu le ya yamɛi kiolɔɔ nuaa ni.›»

Dɛnnda kiilaa 24:15

Tiindan nda tiindan Hala ndaa-o koni ya bɛɛ nɔ ni, maa vanaa sandaa a vanaa sendu le-a kpow a muungunin yoomu.

Dɛnnda kiilaa 4:2

Má tambu kɔltan taw, kani kiilaa va vannda pɛɛkoo, má va nda dimullo maa Yeesu tendul, kon co ni maa vanvílɛ́iya bɛɛ a tendulnin fulaa ciee-piɔ́m.

Nsaŋ 5:29

mà fula. Vanaa tósa dɛnɛ kɛndɔɔ-a cannin mà muungu yoomu, mì vanaa tósa dɛnɛ vɔɔndo-a muungu yoomu le yamɛi ndɛi kiolɔɔ, mà yaala nda.

Luke 14:14

O kon, a sɔlanin duaa, kani a tiwnin ba nɔm mingullo le. Kani kon mingulunnin nɔm paale vanaa tosa dɛnɛ sandaa-a muungunin yoomu fulaa vanvílɛ́iya tɛɛn-nden.»

Luke 12:50

Mɛɛ mì sɔla yinɔɔ, nduyɛ i co cumndo háá mì sɔɛi ken i keleŋa peelɔn!

Luke 11:38

Kɛ mɛɛ Faliisinɔɔ ce Yeesu dioo, o pilu balan lɔ́ɔ́ pá mo de le, mí kɔndɔfillo bii ndu.

Luke 3:16

O kon mí Nsaŋ mulul nda kpow aa: «Ya, o mɛnndan nin ya co niaa yinɔɔ ni, kɛ Vana hiow ya kpaayaa-o co hunɔɔ, i co bɛɛ o sɔvɛ le yoi ndɔɛi lasiamtai timbio le. Ndu, o yinnin niaa a Kɔl-Diandaa a á yinnden.

Marke 7:8

La co tɔŋnda Hala lan mɛiyo ikɛi, mì la va simndan o naamula vanndacieea coo.»

Marke 7:4

Ndáà fula pɛ sɛ́lɔ́ɔ́ tɛɛn mì ndáà muungu, mɛɛ mì ndáà dindin mɛɛ naamu ndaa va yɛ malan ndáà dia ɲɛdiaa. Naamula celen la va vɛlɛ taw, la nda va kelaa coo lan: maa mɛɛ taalala kólaalan, bɔlɔla yáwla mamɛnndan a hɛngɛila n'daɲalan tueiyo co nuaa yɛ.

Matie 3:14

Kɛ mí Nsaŋ va kaasiaa, mó va dimio aa: «Ya bɛnda le yinɔɔ sɔlaa nɔm o ba ni, mí nɔm muungu hunɔɔ o ya lo!»

2Korɛntea 5:10

Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.

Dɛnnda kiilaa 13:3

O kon, ndáà ciiyo sumndo biyɔɔ a Hala piɛiyo, má handu nda balan coo, má mal nda kɔlan.

Esai 26:19

Kɛ vanvílɛ́yaa nɔmnda muungunin yoomu, dialun vanaa nɔmaa vi-a n tendulnin! La tendul, la yɛkɛlan a kɔlkɛndɔɔ, niaa co o cundoo nin o lɛŋnden bɛngu-a! Kani mɔ́m mingi yoomoo-o mɔ́m nɔmndo co ni. Lɛŋnden le minginin vanaa vi-a yoomu ma ce paalen.