Hebreea 6:12 - BII BILA

¹² La vá vanaa dialun vílɛ́i le, kɛ la vá velan vanaa laalaŋaa kindin má lo lecoo-a, a sɔlá ɲɛm Hala yii kpemaa-on kɛ́ɔ-va pɛɛn.

Hebreea 6:12 Referans Kwoze

Hebreea 13:7

La loonun ndɔ a simlacia niaa paandua, a tiiyal niaa sɔɛi Hala-e-a pɛɛn. Mì la dɔw mɛɛlula ndalan taasi, mì la tuula laalan ndaa.

Hebreea 10:36

La hiow laci a biuvɔnndo le hɛnan Hala-o tosaa, mì la sɔla ɲɛm o dimi-on.

1Nsaŋ 2:25

Ɲɛ o dimi le naa keo-vo co yoomu fɛɛn-fɛɛndo ni.

Rɔmnda 12:11

La va vanaa dialun fulaa, la va vanaa idia le. La tosal Mɛlɛka baalaa a kɔlta niaalan kpow.

Hebreea 5:11

N nɔ sɔɔn taw le dimio o sɔɛi hee coo, kɛ n kendu tɛɛsiaa, kani la keleŋa sɔɔn bila biyɔɔ le.

2Piɛr 1:10

Lelan puapilɛa nia, la cɔɔlu yoomuan luei o veelu Hala veelu niaa-o a o hɛli o hɛli niaa-o nin, la va pɛ tosaa lende, la delnin lɔ́ɔ́-lɔ́ɔ̀ le.

Nsaki 1:3

mì la sínà maa tɔɔndan niaa kɔlɔɔ solio, ndu koam biuvɔnndo ni.

Hebreea 12:1

Seiya balu naa sɛ́lɔ́ɔ́, lelan n viòwnún ɲɛ co naa kuunaa kɔlan-ndo a haki simbulun naa-o, mì n ɲaanun háá o kilta naalan mɛɛlulan.

Hebreea 1:14

Mɛlɛkaa nda co macoaa maa kiilaa Hala-a, nda Hala viam le kɔlan vanaa sɔlanin cindaa-a sɔɔn dimullo ni.

Rɔmnda 4:12

Ndu koni co fuɲaa vanaa dii tomaa-a ni, o co ko le tooma nda dii-o daama le, kɛ le kela nda co o nɛila Abraham fuɲa naa lan coo-o. La o kela coo, lɔ́ɔ́ ndóò dii-yɔ toomaa loo lan.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

Yeremi 6:16

O Mɛlɛka dimi-o co hoo ni aa: «La sim-ndɔ o nɛilan coo mì la mɛɛndian, la ɲuuniaa vɔ le nɛila masindɛlan, ɔ́ɔ̀ o va nɛi kɛndɔɔ-o, la kɔ lecoo, mì la sɔla pɛngio le kɔlta niaalan! Kɛ má muli aa: ‹N kuenin o nɛi kon coo le.›

Talelan 18:9

Vana co baala ndɔɔ saalan too, nda vana co ndu tɛɛmbuuo-o, yungu pilɔɔ nda co ni.

Dɛnnda cɔɔmuanndan 13:10

Te vanndo nɔ pɛ le kɔlan o biyɔɔ nin, o biyɔɔ nin o kɔanin ni. Te vanndo nɔ pɛ le piɔ́mndo sɔlaa o mɔɛi cɔwve bɛngu, o mɔɛi cɔwve bɛngu o sɔlanin piɔ́mndo ni. Lelan vanaa diandaa bɛnda mà cɔm biuvɔn ndaa a laalan ndaa.

Hebreea 11:33

Laalanndo yɔŋ ni mí vanaa kan a nɔla masɛi, má tosa dɛnɛ sandaa, má sɔla ɲɛm Hala ndóò dimul nda-on, má kinda yàlàá sondolan.

Hebreea 6:15

Mí Abraham biwnun, mó cum, o kon mó sɔla ɲɛ Hala ndóò dimul ndu le ndu yɔngoo-o.

2Tesalonikea 1:4

Lelan naa n co lisanndo a niaa o lasondo o kundala vanaa laalannda tɛɛn ni, kani la co kindinndo o laalanndo nin, o yɛle tolaalen nin a o tɔɔndannda niaa co sɔlaa lan nin.

Luke 8:15

Yɛi del o lɛŋnde kɛndɛlen-ndo, ndu co vanaa tuɛi sɔɛi Hala-e, má bii ndi a kɔlkɛndɔɔ a á kɔlta ndalan kpow-va ni, má lo lecoo háá má koam komɔɔ kɛndɔɔ.»

Matie 22:32

‹Ya co Hala Abraham-ndo ni, Hala Isaak-o a Hala Yakɔb-o›? Hala co Hala n'vanvílɛ́i le, kɛ Hala vanaa yoomaa o co ni.»

Talelan 15:19

Maa bɔ̀ɔ̀ n'yɔɔ nɛi vanaa siɛlɛiya co ni, kɛ pemale vanaa sandaa co ko maa nɛi siaa vakpa.

Talelan 13:4

Vana siɛlɛiyo nɔ yeeman, kɛ n peelun te. Vanaa fula diallon-nda, ɲɛ-ɲɛ ko connun nda o ba.

Talelan 12:24

Simlacilen le co le vana tosa baalaa taw-vo. Kɛ vana siɛlɛiyo ndu mɛɛlula ndɔlan o cɛlen nin.

1Tesalonikea 1:3

Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.

Luke 16:22

Paale pilɛ, mí vana bala fondo kon vu. Mí mɛlɛkaa yaa ndu Abraham ikɛi. Mí vana bolofaa bɛɛ vu, má kumbu ndu.

Matie 25:26

Mí vana ndɔ bɛndoo mulul ndu aa: ‹Vana baala vɔɔndo a vana siɛlɛiyo n co ni. Nɔm óò sina maa nɛɛ ya seŋ te-a lon ya koaw ni, nɛɛ ya tol te-a lon ya kiandu ni.

Condii kɛndɛ-kɛndɛi 1:8

«Òó nɔm vanalanɔ hiow vanlaandua naŋɔɔ-o, diom foofola bɛngula saa, mà yɛɛ cuinaa téndéa nɔmnda diólan o kùùla vanaa mandaa n'cɔlua ikɛi.

Talelan 2:20

O kon, nɔm po nuu, a kelanin o nɛila vanaa tosaa dɛnɛ kɛndɛa coo, mà manda nɛila vanaa sandaa.

Talelan 28:10

Vana tosa pɛ mì vanaa sandaa kɔɛ o nɛi vɔɔndo coo, ndu delnin o soon ndu pila tow-vo nin. Kɛ dɛnɛ kɛndɔɔ co le vanaa co kela sandaa-a.

Talelan 26:14

Mɛɛ dioo ɲuumbun o boondun ndɔn coo yɛ, lende vana siɛlɛiyo mulumulun o ndu lo kpele ni.