Hebreea 6:10 - BII BILA

¹⁰ Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

Hebreea 6:10 Referans Kwoze

Matie 10:42

Mì dimul niaa toɲaa, vana-vana ke pɛ cuaambɔa ha o pilɛ hali mɛmma ɲuluan taala kólaa ca le tùú o co kaandennɔ nuu-o, vana kon folanin vɔ̀ngɔ̀ ndɔɔ le.»

Hebreea 13:16

La pɔɛɛnun kɛndɛi tosaa a maalianndo vellaa-velle le, kani sálàla vaa lende la hɛnan Hala ni.

Kalatea 6:10

Lelan, telen naa n nɔ vɔ fondaa-o, n tosalan vannda kpow dɛnɛ kɛndɔɔ, kɛ taama-taama puapilɛa naa vanaa laalannda.

Dɛnnda kiilaa 10:4

Mí Kɔrnɛil tofa ndu ciŋ a siòònde, mó ɲuna aa: «Yɛɛ nɛ Maalii?» Mí mɛlɛkanɔɔ mulul ndu aa: «Mɛlɛka tuei piɛile nɔmnden, o naŋ kɔl a kɛndɛi n tosal vanaa bala fondoa-e. O pɔɛɛnun a nɔm te.

1Tesalonikea 1:3

Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.

Kolɔsea 3:17

Ɲɛ-ɲɛ niaa va pɛ dimio, te kon te tosaa, la tosà ndu o diola Maalii Yeesu lan, mì la mel Hala Fuɲaa balika o diola Yeesu lan.

Talelan 14:31

Vana tosal pɛ vana bala fondoo dɛnndan kpoku-kpoku, mɛɛ a tɛɛndan Vana cɔw ndu-o. Kɛ vana ce pɛ vana bala fondoo ɲia, o ke Vana cɔw ndu-o bɛɛlen.

1Timote 6:18

Dimul nda mà a tosa dɛnɛ kɛndɔɔ, mà tosal vannda kɛndɛi taw, mà cɛl le vanaa celen ɲɛm ndan piɔwvo.

Marke 9:41

Vana-vana ke pɛ niaa mɛmma kolan taala kólaa ca o diola nilan le tùú niaa co vanaa Krista-a o, mì dimul niaa toɲaa, vana kon ndu folanin vɔ̀ngɔ̀ ndɔɔ le.

Rɔmnda 12:13

La sɔɔnguu vanaa laalaŋaa co o balahavɛilan nin-nda ikɛi. La kindin le mialla biyɔɔ a ɲaaloo.

Dɛnnda kiilaa 11:29

O kon, mí kaandennda tuu le ɲɔɔn cuungiaa mɛɛ vana-vana óò tiwba sɔlaa yɛ, le puapilɛa ndaa va Yuda-a malaa.

Kalatea 5:13

Puapilɛa nia, le hɔ́ɔ́yɛi niaa sɔla veeloo ni. Kɛ nduyɛ, la siinguu hɔ́ɔ́yɛi ken fɛɛlɔɔ le luɛyɔɔ dɛnnda n'falulan tosaa le, kɛ la tosalan baalaa vellaa-velle a kaolianndo.

Talelan 19:17

Vana ke pɛ vana bala fondoo ɲɛ, mɛɛ Mɛlɛka o dɔnda ni. Nduyɛ Mɛlɛka salanin dɔndɔ kon.

Dɛnnda kiilaa 10:31

‹Kɔrnɛil, Hala tuei piɛile nɔmnden. O loonun a ɲɛm n ke vanaa bala fondoa-on o kɔɔ.

Nsaŋ 13:20

I co niaa toɲaa dimul, vana cɛl pɛ vana ya vem-ndo, mɛɛ ya o cɛl lende ni. Vana cɛl-lɛ ya pɛ, mɛɛ vana vem ya-o o cɛl lende ni.»

Nehemi 5:19

Éé Hala nuu, yiyan ya coo mà tuinun ya iɲíí le dɛnnda ya tosa le vannda ha kpow lan!»

2Timote 4:8

Nduyɛ, Mɛlɛka cii vɔ̀ngɔ̀ nuu manda. Ndu Mɛlɛka sandaa kialu yamɛi-yo yɔngunin ya ndu paale o kialunin vannda iyama len. O co ya kínɛí le o yɔngunin ndu le, kɛ vanaa cumnin hunɔɔ ndɔɔ a kaolaa-a kpow o yɔngunin ndu ni.

2Korɛntea 9:1

Hali mì sɛval niaa sɛbɛ le malaa biyɔɔ le vanaa diandaa Yuda yoo le.

Yeremi 18:20

Vɛ̀ɛ̀ vana mingi dɛnɛ vɔɔndo le dɛnɛ kɛndɔɔ? Kani a co ya soondo tuwvo. Loonun maa i sim nɔm o hɔl, mí soaa le nda, haliko mi nɔm óò mal kɔngɔlan nɔm óò kɔngɔlan nda-o.

Nehemi 13:31

Mí bɛɛndiaa vɛlɛ dɛnɛ ɲɛm-kéan iyɔmun ndáà bɛnda le yɔngoo o telen kelunndo-on, a dɛnɛ ɲɛm-kéan ndáà cua o ɲɛm vaan tason nin-ndon. ‹Éé Hala nuu, loonun a ya mà tuinun ya iɲíí!›»

Nehemi 13:22

O kon kɔɔli, mí dimul leviia le dindinndo, le kɔlan cumullo o diola kobio, haliko mi vannda ke paale pɛngiaalen bɛɛlen. ‹Éé Hala nuu, loonun vɛlɛ a ya le ken. Tuinun ya iɲíí, mɛɛ dɛnɛ nɔm kɛndɔɔ co o bɔɔ yɛ!›

Tɔŋ miingua 32:4

Pow kpova bɛndoo Hala co ni, dɛnnda ndɔlan la co la tiuvanndan. Kani nɛila ndɔlan kpede la co lasandaa. Hala lo o lediom coo-o a Hala nɔ lakafa loo o co ni. Hala sandaa a Hala sakpoo o co ni.

1Nsaŋ 1:9

Te n sɔlɔlan pɛ hakila naalan, vana lo o lediom coo-o a vana sandaa Hala co ni, o malnin naa haki le hakila naalan, mò dindi naa le dɛnɛ vɔɔn kɛ́-kɛ̀ naa n tosa.

Condii lisai 20:3

Màá Mɛlɛka yɔngu nɔm malaa fulaa o Cɛi ndɔ diandaa nin! Màá ò luei nɔm yoomuan fulaa nɛɛ o co Siɔn-nda!

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

Fulaa 1:20

Mí Israɛlla cɔɔlu kui taw, má sɔla kpaayaa. O kon mí Hala tosal sokoa-vialaa kan dɛnɛ kɛndɔɔ taw-taw.

Vana Kɔlkaloo 11:1

«Vuu ɲɛdiaa nɔmndo o mɛnndan coo, kani palɛi bɔɔ-bɔɔ i hiow pɛ, a co ndu saalɔn.

Yeremi 31:16

Kɛ ɲɛ Mɛlɛka dimul ndu-o co hoo ni aa: «Mei caŋndo mà vɔɔsuu mɛmɛan, kani i kenin nɔm sala sanga nɔmndo, cuavaa nɔmnda fulanin o lɛŋii yaamɔaa ndaa nin mà muungu.» Sɔɛi fula Mɛlɛka o sondo-e co ken ni.

Hebreea 10:32

La yiyan-ndɔ, telen niaa sɔla sɛnɛi ɲɛ-tengaa Hala-o-o, mí la sɔla sangaa taw, kɛ mí la biwnun, mí la sim yili.

Matie 20:7

Má mulul ndu aa: ‹Vana-vana cue naa le baala le.› Mó dimul nda aa: ‹Mɛɛ niaa bɛɛ la kɔ o nakɔ nuu nin.›

Matie 25:17

Mí vana sɔla sianin n'kpungban kɛmɛ lediin-ndo bɛɛ kɔ tosa lende, mó sɔla tɔnɔɔ sianin n'kpungban kɛmɛ lediin lecoo.