Hebreea 5:2 - BII BILA

² Ndu pila bolle vanaa-solia-lasálà kon, o nɔ biondɔnndo taw. Le hee o tiwba mò bii sɔvun vanaa co biondɔnndo o sina lepɛŋndo nin-nda bila.

Hebreea 5:2 Referans Kwoze

Hebreea 4:15

Bolle vanaa-solia-lasálà naa n nɔ-o nɔ ɲíí nɛi. Kani fúú le, o sínà maa n nɔ kpaaya le. Kani ndu bɛɛ mó sɔla tɔɔndanndan o nɛi oo nɛi coo mɛɛ naa n co tɔɔndanndan sɔlaa yɛ, kɛ o tosa haki kɛ́-kɛ̀ le.

Hebreea 2:18

A toɲa, Yeesu pila sanga taw, mó sɔla dɛɛniaa. Lelan o tiwba mo mala vanaa co o dɛɛniaa nin-nda.

Hebreea 7:28

Tɔŋ Moise-o ndu handun le vanndacieea tiun te-a. Kɛ mí sɔɛi Hala mɛnan-nde, i hin o tɔŋndo kɔɔli-e i siinguu Poo bolle vanaa-solia-lasálàá, o sɔla tiuvɔnndo le fɛɛn a fɛɛn-ndo.

Hebreea 12:13

La toosiaa nɛila sandaalan le pelun niaan, haliko vana co tindaa-o mal nɛiyo le, kɛ mò sengu.

Kalatea 4:13

La tɛɛmbuu a ya le. La sinà maa le tùú ya va a naa-o ya tiiyal niaa Yoongu kɛndɔɔ tiiyal tasoo ni.

2Korɛntea 12:5

Le vana vaa lende, i nɔla mì kuundian, kɛ le ya pila yɛ, a yoomuma nima lepɛŋndan o kɔɔ ya kuundiannin ni.

1Timote 1:13

Ya va paandu sɔɔn tanan dimio a ndu o kɔɔ-o, ya va ndu yɛlen tollo mí i va ndu yeowlan-ndo pɛɛn. Kɛ Hala tuinun ya iɲíí, kani o sínà lepɛŋndo nin a o laalan lepɛŋndo nin ya va kon tosaa ni.

2Korɛntea 11:30

Te i co pɛ kuundian, o yoomuma lepɛŋndan nin ya kuundiannin ni.

Luke 22:32

Kɛ i cii Hala piɛi le nɔm, yɔŋii laalan nɔmndo cuu. Nɔm yɛ, a muungu pɛ ya o ibuŋ, a luei puapilɛa nɔmnda yoomuan.»

Esai 30:11

La faŋan o nɛi kpeekpeiyo coo, la mal nɛi sandaa mí la sei. La faŋa O-Diandaa Israɛlla naa o hɔlla!»

Fulaa 32:8

A keŋela bɔɔ nɛi ya cɔm nda-o malɔɔ. A cɔw piɔmndo a sianion maa naw téndé, má baŋ vulan ndu o labɛngunin, má solul ndu sálàlan, má dimi aa: ‹Israɛlla, mì la ce hala niaa, ndu soli niaa o lɛŋnde Esipte len nin ni.›»

Masaa kialaa n'yamaa 2:17

Kɛ a ve bɛɛ masaa kialaa n'yamaa kan lani yaŋɔɔ le, halaa celennda tuŋ nda va sooloo ni. Ma baŋ vulan nda o labɛngunin. Ma mulul dɔ́ɔ́ nɛila fuɲaa ndaa va kelaa coo lan kɔɔ, a bii tɔŋnda Mɛlɛka lan mɛɛ fuɲaa ndaa va tosaa yɛ le.

Esai 29:24

Vanaa yiyanda ndalan la va laasianndo-a siŋnunnin vanaa sinaa dɛnɛ, vanaa va sɔɔn pɔmbɔm ɲiimu-ɲiimon sɔɛi-ya sɔlanin pɛɛkoo.»

Efɛsea 4:18

a kɔlkalu ndaa laasian kan-nda. A nɔ ɲɛ-ɲɛ o cinda Hala yɔngu vana-o nin te, kani a sínà ɲɛ-ɲɛ le, a kendu bɔɔ nilan.

Hebreea 2:17

Lelan, mɛɛ mí ndóò vel puapilɛa ndɔa, haliko mi ndóò siŋnun bolle vanaa-solia-lasálàá, vana ikɛndɔɔ a vana lo o lediom coo o baala Hala-o nin-ndo, haliko mo sɔla malɔɔ lahakio le vannda kpow.

Hebreea 9:7

Kɛ bolle vanaa-solia-lasálàá ndu pilɛ kpé ndóò luɛi lepilɛ o fonda diinndɔɔ nin, o vɔsio nin ni. Lon ndóò kɔa a kooma cɔlu ndóò solul Hala sálàá le ndu pila a le tɛɛmbuula lɛŋnden kpow ni.

Nsaki 5:19

Puapilɛ nia, o niaa tɛɛn, te vanndo pum luɛi pɛ o pɔwlan nin, mò faŋan o toɲaa coo, mì vana celen mingi ndu o toɲaa coo,

1Piɛr 2:25

Kani maa saa luusian-nda niaa va ni, kɛ sunsun la muungu vana co niaa mandaa-o o ibuŋ, ndu co kɔlta niaalan mandaa ni.