Hebreea 5:12 - BII BILA

¹² Vana yiyan pɛ telen hiow nin-ndo, niáá bɛnda nin le caanda pɛɛkoo ni, kɛ niaa nda co vɔ sɔɔn kindu o sɔɛi Hala-e nin toon pɛɛkoo ni. La tiw vɔ ba ɲɛdiaa kàlà-kálàá dioo le, fɔ mɛɛyan.

Hebreea 5:12 Referans Kwoze

Hebreea 6:1

Lelan n mɛinun sɔɔn kindu o pɛɛkuula Krista lan nin toon a makɔɔ, mì n mulin hɔlla o sɔɔn kaasonnda. N muungun ndɛ o pɛɛkoo ho tumndo di le, maa mɛɛ dɛnnda yɔngu vana piɔ́mndo sɔlaa lan malɔɔ co nuaa yɛ, Hala laalanndo,

1Piɛr 2:2

Maa mɛɛ cɛlɛkpɛa yeema mɛɛyan yɛ, la kaola mɛɛma sɔɛi Hala-an lende, haliko mi la hindu, mi la sɔla cindaa,

Hebreea 5:13

Vana co vɔ vɔɛiyo-o ndu, cɛlɛkpɔɔ o co ni. O tiwba dɛnɛ sandaa bilaa biyɔɔ le, kani cɛlɛkpɔɔ o co ni.

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

Condii lisai 34:11

Yàlàá téndéa nɔla mà va a pɛŋnden, yiaan ma nɔla mì ma nɛi nda, kɛ ɲɛ-ɲɛ bii vanaa co Mɛlɛka nuwviaa-a lepɛŋ te.

Matie 17:17

Mí Yeesu muli aa: «Éé, niaa vanaa nila kalua a vanaa laasiannda ha! Háá telen kuɛɛ nɛ ya lo yɛnin niaa ikɛi? Vɛ̀ɛ̀ kpɛ́ ya lo yɛnin biwnɔnndo a niaa? La cuu ya ndu nanu.»

Esai 55:1

Sei, niaa vanaa kolɔɔ bii-a kpow, la hun nɛɛ mɛnndan ma co-a, hali mi vana nɔ ivoli o ba le! La hun, la piɔndi mì la de! La hun, la piondu mɔiyan a nɔnɔan, o co a n'voli le niaa co piondɔɔ le, la co hunɔɔ bɔnɔ luɛyɔɔ le!

Ɛsdras 7:10

A toɲa, Ɛsdras ndóò yɔngun a kɔl ndɔɔ kpow le tɔŋ Mɛlɛka-o pɛiyo a le kelaa lecoo, o va vɛlɛ cuavaa Israɛlla tɔŋndan a dɛnɛ sandaa pɛɛkoo.

2Samiɛl 16:23

O telen kon yɛ, vannda va silala Ahitofɛl-tan biyɔɔ maa sɔɛi Hala. Hali David nda Absalɔm va silala ndɔlan biyɔɔ.

1Piɛr 4:11

Te vanndo va pɛ sɔɛi, o soo le diomnda Hala lan tɛɛnguuo. Vana nɔ pɛ keo le dɛnɔɔ pum tosaa, o tosa ndu a kpaaya Hala yɔngu vana-o, haliko mi Hala sɔla biiloo o dɛnndan kpow nin o diola Yeesu Krista lan. O biiloo a kpaayaa co le ndu le fɛɛn a fɛɛn-ndo. Amiina!

1Korɛntea 14:19

Kɛ vanaa laalannda tɛɛn yɛ, o co fisa mì dimi sɔɔn nda bii bila-on mún ŋuɛɛnu le nda pɛɛkoo a sɔɔn vaalan tɔ́ dimio o sɔɔn mangalan nda tui loon nin.

Rɔmnda 3:2

Tɔnɔɔ co o bɔɔ taw. O tasoo, nda sɔɔn Hala-on n yɔngun ni.

Dɛnnda kiilaa 7:38

Telen vannda ndáà cuungian o lɛŋnde veselɛilen nin-ndo, ndu koni va vɛlɛ kiilalen mɛlɛkanɔ nda va suukanndo o pembei Sinai coo-o tɛɛn nda fuɲaa naa mamaa ni. Mí Moise sɔla sɔɔn yɔngu vana cindaa-on Hala o ba le naa mun tɛɛngullo.

Marke 9:19

Mí Yeesu mulul nda aa: «Kpòkóó, niaa vanaa nila kalua ha! Háá lɔ́ɔ́ kuɛɛ ya lo yɛnin niaa ikɛi? Háá lɔ́ɔ́ kuɛɛ ya lo yɛnin niaa biuvɔnndo? La cuu ya poombɔ kalaa!» O kon má yoo ndu ndu.

Filipea 3:1

Le sɔɔn tɔ̀un yɛ, puapilɛa nia, la dɔwnun ɲaale o Maalii nin. Ɲɛ pala ya le niaa sɔɔn pilɔn miinguuo sɛvallo le, kani kon co fisa le niaa ni.

Esai 28:13

Lelan, sɔɛi Hala-e vanin le nda tɔŋndan o tɔŋndan coo, silalan o silalan coo, silà láà silà! O dimi pɛ ɲɛ-pɔmbɔ nanu, o kɔ dimi ɲɛ-pɔmbɔ o nda.» Haliko a va pɛ kɔlan, a deli macali, a yimi vongalan pɔsu-pɔsu, haliko ma kayakayan o yalalan nin, ma haw.

1Korɛntea 14:20

Puapilɛa nia, la va n'cuaambɔ o kɔlkalu niaa nin te, kɛ la va cuaambɔa le dɛnɛ vɔɔndo, mì la va kaasonnda o yiyannda niaalan nin.

Kalatea 4:3

Lende koni, telen naa bɛɛ n va cuaambɔa-o, n va a biyaa o cɛle dɛnnda ceendo bɛngu.

Hebreea 5:11

N nɔ sɔɔn taw le dimio o sɔɛi hee coo, kɛ n kendu tɛɛsiaa, kani la keleŋa sɔɔn bila biyɔɔ le.

Hebreea 10:32

La yiyan-ndɔ, telen niaa sɔla sɛnɛi ɲɛ-tengaa Hala-o-o, mí la sɔla sangaa taw, kɛ mí la biwnun, mí la sim yili.