Hebreea 4:9 - BII BILA

⁹ Kon co dimio ni maa pɛngio co vɔ le vanaa Hala-a, o velan a pɛngi paale ŋɔmmɛwndɔlen-ndo.

Hebreea 4:9 Referans Kwoze

1Piɛr 2:10

Niaa ve paandu vanaa ndɔ le, kɛ hau nin, la siŋnun yungu Hala-o, ɲíí ve paandu le niaa le, kɛ hau nin la sɔla ɲííye tuinɔnndo.

Dɛnnda cɔɔmuanndan 21:4

O vɔɔsuunin nda mɛmɛan kpow o lahɔl. Piɔ́mndo ve lɛnin te, biisi ve lɛnin te, yeela ve lɛnin te, ɲɛ nɛyaa ve lɛnin te, kani ɲɛm tason hiow.»

Esai 11:10

O palɛi ken nin, vana fula kon o polale Yisai len nin-ndo vanin maa lɛfɛ le vannda, vanaa-mangalaa-isɔɔa kpow a mulinin hɔlla o ndu lo, o biiloo nin calta ndɔlan la vanin ni.

Hebreea 4:3

Naa n laalan-nda, n co luɛyɔɔ o pɛngi Hala dimi kon sɔɛi ndɔɛi-yo nin, o Hala dimi-o aa: «Mí mɛnan a kɔltuwvo aa: ‹A lueinin o lɛŋnde ya toosial nda pɛngio nin-nden te few!›» Nduyɛ, Hala ndóò cii nin vali ndɔɔ kabi telen o cii ceendo cɔvɔɔ-o.

Hebreea 4:1

Hala cii naa dimul maa n luɛinin o pɛngi o toosial naa-o nin. Lelan n mandan taw, vana-vana o niaa tɛɛn bɛnda mò lo kɔɔli le luɛyɔɔ o pɛngi kon nin te.

Hebreea 11:25

Mó hɛli le sangaa sɔlaa nda vanaa Hala-a latulu, hiovɔɔ kɔlkɛndɛ yɔŋ vɔɔndo coo, o co le telen bingi-o pɛɛn.

Hebreea 3:11

Mí mɛnan a kɔltuwvo aa: A lueinin o lɛŋnde ya toosial nda pɛngio len nin te few.›»

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Matie 1:21

O co hunɔɔ hɔ́ɔ́ piaandoo violɔɔ, mà ke ndu diolan aa Yeesu, kani ndu ciindiaanin vanaa ndɔa ni, mò soli nda o hakila ndalan nin.»

Esai 57:2

Vana kela pɛ o nɛi sandaa coo, o luɛinin o kɔlɲuloo nin, mò pɛngi o kpele ndɔ hinia coo.

Condii lisai 47:9

Hala co masalen tosaa o lɛŋnden coo, o co icali o kpɛŋɛ ndɔ lemasa diandaa coo.

Hebreea 4:8

Kani te Yosue ndóò yɛɛ pɛ vannda o pɛngi kon nin, Hala ndóò suu lɛnin o kon kɔɔli a paale celen o kɔɔ le.

Hebreea 4:10

Kani vana luɛi pɛ o pɛngi Hala-o nin, ndu bɛɛ pɛngi a vali ndɔɔ, mɛɛ Hala pɛngi a o ndɔɔ yɛ.

Dɛnnda cɔɔmuanndan 14:13

O kon mí tuɛi diomndo pum fulaa o halataala aa: «Sɛva aa: ‹Dɛnɛ kɛndɔɔ co kandɔn sisa le vanaa vi o Maalii nin-nda!› Kɔl-Diandaa dimi aa: ‹Dɛnɛ kɛndɔɔ co le nda. A sɔlanin pɛngio le baala nda co-o, kani dɛnnda kɛndɛla nda co tosaa lan ka kɔanin nda kɔɔli ni.›»

Fulaa 16:30

O kon mí nda kpow a pɛngi o paale ŋɔmmɛwndɔlen coo.