Hebreea 4:8 - BII BILA

⁸ Kani te Yosue ndóò yɛɛ pɛ vannda o pɛngi kon nin, Hala ndóò suu lɛnin o kon kɔɔli a paale celen o kɔɔ le.

Hebreea 4:8 Referans Kwoze

Yosue 1:15

háá mì Mɛlɛka ke nda pɛngio mɛɛ o ke niaa pɛngio yɛ. Mì nda bɛɛ luɛi, mà kɔ cal o lɛŋnde Mɛlɛka Hala niaa yɔngu nda len nin. O kon, la muungu niko, la cal o lɛŋnde Moise vana baala Mɛlɛka-o ke niaa o peo Yurdɛn leeloo, a ba paalen le can-ndo len nin.»

Yosue 22:4

Pɛngi Mɛlɛka Hala niaa ndóò yiilu puapilɛa niaa kpemaa le nda yɔngoo-o, o cii nda ndu yɔngu. Lelan, la muungu niko o cɛila-kolala-toandaala niaalan nin, o lɛŋnde niaa sɔla len nin, le Moise vana baala Mɛlɛka-o yɔngu niaa Yurdɛn leeloo len pɛɛn.

Tɔŋ miingua 12:9

Kani háá hau, la tiiya vɔ nɛɛ pɛngiaa a o kɛ́ Mɛlɛka Hala niaa ke niaa-o nin te.

Yosue 23:1

Tuma Mɛlɛka cii Israɛlla pɛngio yɔngu yaamɔaa ndaa balu nda-a tɛɛn-ndo, mí vɔsila bɔɔ-bɔɔ la hiaw o kon kɔɔli, a vannun o kɔlɲuloo nin. Mí Yosue yuuva kudɛɛ-kudɛɛ, ndóò nɔ nin vɔsilan taw,

Dɛnnda kiilaa 7:45

Ndáà sɔlaa cɛi-kola-toandaa-labɔɔŋian kon, má kɔa a ndu o lɛŋii Hala tuw nda vanaa-mangalaa-isɔɔa laci-e nin, telen Yosue va nda simndan laci-o. Mí cɛi kon lo lon háá o telen David-o.

Condii lisai 78:55

Mó toaw vanaa-mangalaa-isɔaa va icali nda laci o lɛŋnde len ni-nda, mó piɔw lɛŋnde Kanaan-nden, mí vana-vana sɔla yondola ndɔ, mó kɛsi polama Israɛlla o la nda lo.

Condii lisai 105:44

Mó ke nda lɛŋnde vanaa-mangalaa-isɔɔa, má dia vali nda tosa loo tɔnɔ,

Tɔŋ miingua 25:19

Lelan, lɔ́ɔ́ Mɛlɛka Hala niaa baŋanin niaa yaamɔaa balu niaa-a kpow o ba, mò ke niaa pɛngi kɔlɲuloo o lɛŋnde o yɔngu niaa kɛ́ɔ len nin-ndo, la bɛnda mì la diw Amalɛkea kpow o lɛŋnden coo, haliko mi diola ndalan la ɲum o ceendo coo. La pɔɛɛnun ken te dɛ!»

Yosue 11:23

Mí Yosue hialu lɛŋnde len kpow maa mɛɛ Mɛlɛka ndóò dimul Moise yɛ. O kon, mí Yosue yɔngu Israɛlla lɛŋnde kalalen ɲɛ nda pɛ́-pɛ́, mó piɔw nda len tɛɛn mɛɛ nda va a polama yɛ́-yɛ́an yɛ. O kon, mí vannda pɛngi cɔwlan tosaa.

Hebreea 1:1

Sindɛ Hala va sɔɛi a sondo vanaa-tɛɛngaa-diom Hala-a o fuɲaa naa mamaa lo le telennda bɔɔ-bɔɔ a o nɛila yɛ́-yɛ́ coo.

Hebreea 4:9

Kon co dimio ni maa pɛngio co vɔ le vanaa Hala-a, o velan a pɛngi paale ŋɔmmɛwndɔlen-ndo.

1Dɛnnda lemasalan 7:27

Nun po ndɔ a Yosue po ndɔ.