Hebreea 4:2 - BII BILA

² Kani mɛɛ sɔɛi Hala-e ndíì dimulun vanaa va o lɛŋnde veselɛilen nin-nda yɛ koni i dimulun naa ni. Kɛ sɔɛi nda tuei ken-nde nɛŋi nda mako kɛ́-kɛ̀ le. Kani ndáà tueyɔɔ sɔɛi kalɛi, a laalan ndi le.

Hebreea 4:2 Referans Kwoze

1Tesalonikea 2:13

N co vɛlɛ Hala balikaa mello lɔ́ɔ́-lɔ́ɔ̀, kani la bii sɔɛi ndɔɛi niaa tuei naa o lasondo-e, la bii ndi maa sɔɛi n'vanndaciee le, kɛ mí la bii ndi mɛɛ i co sɔɛi Hala-e lekɛ́ndɛi yɛ, sɔɛi co vanaa laalannda baalaa tosaa nin-nde.

Hebreea 11:6

Nduyɛ, te o co a laalanndo le, vana-vana nɔla Hala hɛnan te. Kani, vana va pɛ Hala sɔɔnguuo ikɛi, fɔ mò laalan maa Hala co, maa o salanin vanaa co ndu nuwviaa-a.

Hebreea 3:12

Puapilɛa nia, la mandan, vana-vana nɔ kɔl dɛnɛ vɔɔndo a nila kalulan, mò mulul Hala nɔ yoomoo o ba-o kɔɔ le.

1Timote 4:8

Kani diallon kindio naŋ, kɛ kon nɔ tɔnɔ bɔɔ le. Siòòŋii Hala-e nɔu o dɛnndan kpow nin hiow naŋɔɔ polon, kani kon yɔngu naa tiindanndo sɔlaa le ceendo ho sunsun a le ceen hunnin-ndo ni.

Rɔmnda 2:25

I co toɲa maa o naŋ mì vana dii toomaa, te vana kela pɛ o sɔɔn tɔŋndo dimi-on coo. Kɛ vana tɛɛmbuu pɛ tɔŋndo, mɛɛ tooma n dii-o siŋnun maa lekɔ̀ndé.

Dɛnnda kiilaa 13:46

O kon, mí Pol nda Barnabas dimul nda a tiindanndo kpendekele aa: «Ndóò bɛnda mì naa n dimul niaa fɔlɔn sɔɛi Hala-e. Kɛ le mɛɛ niaa co ndi kɛɔ, mì niaa pila va cɔnɔnndo maa la co vanaa bɛnda mì la sɔla yoomu fɛɛn-fɛɛn te yɛ, n co mulin o vanaa co N'Yuifi le-a lo.

Nsaki 1:21

Lelan, la màl dɛnnda nɔɔlɛilan a dɛnnda kɔlvesɛila bɛndulan kpow o fɛ́ɛ́-fɛ́ɛ́o nin, mì la bii sɔɛi tɔlnun niaa o lakɔl-le a sɔɛi nɔ̀la mì i baŋa yoomula niaalan-nde.

Hebreea 4:6

Vanaa keleŋa sɔɛi Hala-e tueyɔɔ-a bii ndi le. Lelan a luei o pɛngi Hala dimi kon sɔɛi ndɔɛi-yo nin te. Le hee vanaa celen a nɔla vɔ mà luɛi.

1Korɛntea 13:3

I piɔw bɛɛ ɲɛm nun kpow le vannda baloo dɔvɔɔ, i yɔngu bɛɛ dialun nun le lomɔɔ, te kaola co ya o kɔl te, kon co ɲɛ-ɲɛ le ya le.

1Piɛr 1:12

Mí Hala cɔm vanaa-tɛɛngaa-diom Hala-a maa yoongu nda va tɛɛnguo-o ve le nda pila le, kɛ le niaa. Yoongu kon vanaa hiviaa Yoongu kɛndɔɔ a tiiyal niaa nihau nuaa ni, má dimi ndu a kpaaya Hala Kɔl-Diandaa fula o halataala-o. Hali mɛlɛkaa bɛɛ a yeema mà sina sɔɛi ken.

1Tesalonikea 1:5

kani o co a sondo daama le naa n tiiyal niaa Yoongu kɛndɔɔ le, kɛ a kpaayaa a á mala Hala Kɔl-Diandaa mala naa-o. Nduyɛ, la sínà mɛɛ naa n va niaa kelaa tɛɛn le dɛnɛ kɛndɛ niaa yɛ.

Kalatea 3:8

Mí Sɛbɛ Hala-o dimi ndi paandu maa le laalanndo Hala ce vanaa co N'Yuifi le-a vanaa sandaa ni. Mí Yoongu kɛndɛ kon dimulun sindɛ Abraham aa: «Hala dɔawnin vanaa-mangalaa-isɔɔa kpede duaa o nɔm nin.»

Kalatea 4:13

La tɛɛmbuu a ya le. La sinà maa le tùú ya va a naa-o ya tiiyal niaa Yoongu kɛndɔɔ tiiyal tasoo ni.

Dɛnnda kiilaa 3:26

Le niaa Hala cuu vana ndɔ baalaa ni. O cuu ndu haliko mi vana-vana mal kela ndɔ vɔɔndo, mì la sɔla duaa.»

Tɔŋ miingua 1:32

Kɛ a kon kpede, la laalan Mɛlɛka Hala niaa le.

Rɔmnda 3:3

Te Yuifia pum a lo o lediom coo le, vɛ̀ɛ̀ mì ken kuuna Hala lou o diomnde ndɔlen coo?

Kalatea 3:2

La mulul-lɔ ya sɔɛi ya co niaa hee ɲuna-e: Mò va maa le tɔŋnda niaa co biyɔɔ lan niaa sɔla Kɔl-Diandaa ni baa le Yoongu Kɛndɛ niaa tuei mí la laalan-ndo?