Hebreea 4:13 - BII BILA

¹³ Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

Hebreea 4:13 Referans Kwoze

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Talelan 15:3

Hɔlta Mɛlɛka lan la co nɛɛ-nɛɛ ka, la co vanaa vɔɔnda a vanaa kɛndɛa mɛɛndanndo.

Vana Kɔlkaloo 12:14

Kani Hala co hunɔɔ yamɛi dɛnndan kpow kiolɔɔ. Hali dɛnnda viannanndan o, la va lakɛndɛ, la va lavɔɔn.»

1Samiɛl 16:7

Kɛ mí Mɛlɛka dimul Samiɛl aa: «Ɛ-ɛ, tofa ndu le tùú o naŋ hɔlla mó caa simndan-ndo le, o co ndu le ya hɛli le. Kani ya-ya, yiyan nuu co maa yiyan vanaciee le. Diallon kínɛí vanacieo ndu tofa ni, kɛ ya ya, ɲɛ co o kɔllo nin di-o ya ca ni.»

Yeremi 17:10

Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.

2Korɛntea 5:10

Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.

SƐBƐ YƆB-O 34:21

Kani Hala nɔ hɔlten o kela vanacieo coo, o co foofola ndɔlan kpede mɛɛndianndo.

Rɔmnda 2:16

Ken fulanin ceen o paale Hala tosanin mì Yeesu Krista kelu dɛnnda viannannda vanndacieea yamɛi len, maa mɛɛ Yoongu kɛndɛ ya co dimio-o co yɛ.

Talelan 15:11

Hali ɲɛ co tosanndo ciee-piɔ́m di-o, Mɛlɛka sina, ko nin te yiyannda vanndacieea.

Condii lisai 44:21

Te náà n pɔɛɛnun pɛ diola Hala naa, te náà n sooluu pɛ hala celenndo,

SƐBƐ YƆB-O 26:6

Kani ciee-piɔ́m co kpendekele Hala o hɔl, soon bɛndu nɔ lamɛɛlu loo co o kumbaa ndu o hɔl te.

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Condii lisai 7:9

Nɔm Mɛlɛka kialu yamɛi vannda súúlan kpow ni. Kiolu yamɛi toɲɛi mɛɛ dɛnɛ ni sandaa a kela ni kɛndɔɔ co yɛ.

2Dɛnnda lemasalan 6:30

nɔm Mɛlɛka, mulul nda nɛɛ n co icali o halataala-a. Mal nda haki ma mingul vana-vana mɛɛ kela ndɔɔ co yɛ, kani a sina yiyan vana-vana nɔ o kɔl-lo. Nduyɛ, nɔm pilɛ kpé sina yiyannda co vanndacieea o kɔl-tan ni.

Condii lisai 90:8

Tɛɛmbuula naalan la co nɔm o hɔl, ɲɛ-tengaa nɔmndo co hakila naa n co tosaa o vionnɔnndo nin-ndan teengiaa.

1Dɛnnda lemasalan 28:9

Nɔm Salomɔn po ni yɛ, sina Hala fuɲa nɔmndo. Tosal ndu baalaa a kɔl nɔmndo a á yoomu nɔmndo kpow, kani ɲɛ co vanacieo o kɔllo nin di-o Mɛlɛka tofa ni. O sina yiyannda vannda kpow. Taa nuwviaa ndu pɛ, o cɔmnunnin nɔm, kɛ taa mulul ndu pɛ kɔɔ, o malnin nɔm le lɔ́ɔ́-lɔ́ɔ̀.

2Dɛnnda lemasalan 16:9

Kani Mɛlɛka co hɔlten keelaa o lɛŋnden kpow coo le vanaa kaola ndu a kɔlta ndalan kpow-va malaa. Maa diɔm n tosa dɛnndan o sɔɛi he nin ni. Lelan, kandɔɔ sisa háá le fɛɛn a fɛɛn nin, cɔwlan la cuunin nɔm coo le.»

Nsaŋ 21:17

Mó ɲuna ndu o yàándɔɔ aa: «Simɔn po Yonas-o, vɛ̀ɛ̀ a kaola ya pá?» Mí kɔllo tambu Piɛr le peelu Yeesu peelu ndu sɔɛi ken ɲunaa bɛmbɛ leyáá-o. O kon mó mulul ndu aa: «Maalii, a sínà dɛnndan kpow, a sínà maa i kaola nɔm.» Mí Yeesu dimul ndu aa: «Landu hɔlla saa niaa coo.

Nsaŋ 2:24

Kɛ Yeesu ndu ve nda laalan te, kani ndóò sina nda kpede.

SƐBƐ YƆB-O 38:17

Diola co le luɛyɔɔ ciee-piɔ́m ndan la cɔmnun nin nɔm? Vɛ̀ɛ̀ a ce nin pá diola vunduma piɔ́mndan?

Dɛnnda kiilaa 17:31

Kani o cii paalen kiolɔɔ, paale o kialunin vannda kpow iyama o sandei nin-nden, vana o hɛli-o tosanin kon ni. O cɔm vannda kpow tɔɔmasele kon a tindi o tindi ndu fulaa vanvílɛ́iya tɛɛn-ndo.»

Condii lisai 139:4

Lɔ́ɔ́ pá mì sɔɛi tiiya ya o lediɛɛmu, a sinà pɔɔ ɲɛ ya co dimi-o.

Talelan 5:21

Siná maa Mɛlɛka co kelala vanacieo cɔu válán, o co dɛnnda ndɔlan kpede cɔu kpendekele.

Yeremi 16:17

Kani i nɔ hɔlten o kela ndaa kpow coo, kela ndaa co o viannan ya o hɔl te, hakila ndalan la co ya o hɔl kpendekele.

Yeremi 23:24

Vɛ̀ɛ̀ vanndo nɔla vionnɔnndo nɛɛ yililia pum mì bumba ndu cɔu?» Sɔɛi fula Mɛlɛka o sondo-e co hee ni. «I co nɛɛ-nɛɛ fee, o halataala a o lɛŋnden coo, vɛ̀ɛ̀ la sina ken te?» Mɛlɛka ɲuna lende ni.

Yeremi 29:23

Mààla nda co tosaa o lɛŋnde Israɛl-ten nin-ndan la co lan ni: a co suundaa a laandaa caanda, mà va còòlan dimio a ya o sondo. Nduyɛ, i vim nda le. I sina ken kpow, i co lesei.» Sɔɛi fula Mɛlɛka o sondo-e co ken ni.

Daniɛl 2:22

Ndu soli sɔɔn yingilɛiyon a sɔɔn viannanndon ceen ni, ndu sina ɲɛ co o ɲumndan nin-ndo ni, kani ɲɛ-ɲɛ co o viannan ndu o hɔl te.

Matie 6:4

haliko ma ke vana bala fondoo ɲɛ n co ndu keo-vo o vionnɔnndo nin, mì Fuɲa nɔm co cɔu o vionnɔnndo nin-ndo mingul nɔm.»

Nsaŋ 4:16

Mí Yeesu dimul ndu aa: «Kɔ veelu pɔnɔ nɔm mà muungu nanu.»