Hebreea 4:12 - BII BILA

¹² Sɔɛi Hala-e co ikiyɛi, i nɔ kpaayaa. I hiow mɔɛi sondola tiɔn kɛ́-kɛ̀ luɛyɔɔ. Sɔɛi Hala-e tiwba mi i luɛi naa nin di, mì i tiiya naa o kɔllo nin, mì i tiiya o boondon, mì i luɛi o yooyooan nin di. Mì i sina tuulan a yiyannda co o kɔl vanacieo nin-ndan.

Hebreea 4:12 Referans Kwoze

Yeremi 23:29

Sɔɛi fula Mɛlɛka o sondo-e co hee ni aa: Maa leyin sɔɛi nii co ni, maa kunduva pesipesi pow bandíláà-o.

Esai 55:11

Lende koni sɔɛi fula ya (Mɛlɛka) o sondo-e co ni: sɔɛi nii muungu ya o ibuŋ mì i kɛɛ ɲɛ pum tosa le. Fɔ mì i tosa hɛnan nuu, mí i peelu ɲɛ ya vem ndi le tosaa-o ɲɛkɛndɛi.

Efɛsea 6:17

La vownun cindaa maa mɔsil kálà-kálà vana kanda bollen-ndo, mì la cua sɔɛi Hala-e maa mɔɛi cɔvii Hala Kɔl-Diandaa yɔngu vana-e.

Condii lisai 119:130

Vana saalun pɛ sɔɛi nɔmnde, ndu sɔla ɲɛ-tengaa, i co vanaa tuisin-nda kɔlkaloo keo.

1Piɛr 1:23

niaa velun a sɛnɛi, o co o yɛi vu-o nin te-a, kɛ o yɛi vi loo nin a sɔɛi Halɛi kiyɛyii hiw lɔ́ɔ́-lɔ́ɔ̀ lei nin-nda.

Esai 49:2

Mó siinguu sondo nuu maa mɔɛi luɛyaa, mó siinguu ya maa kɔɛi siɛɛmbiɛi, mó kumbu ya a vunduma ba ndɔɔ, mó vian ya o bɔlɔ n'kɔɔ ndɔɔ nin.

Dɛnnda cɔɔmuanndan 1:16

Loeon va ndu o ba kɛndɔɔ mún ŋɔmmɛw, mɔɛi sondola tiɔɔŋii cɛɛŋɛi va ndu fulaa o sondo, hɔlaa ndɔa va volio maa paale kala ŋama-ŋama.

1Tesalonikea 2:13

N co vɛlɛ Hala balikaa mello lɔ́ɔ́-lɔ́ɔ̀, kani la bii sɔɛi ndɔɛi niaa tuei naa o lasondo-e, la bii ndi maa sɔɛi n'vanndaciee le, kɛ mí la bii ndi mɛɛ i co sɔɛi Hala-e lekɛ́ndɛi yɛ, sɔɛi co vanaa laalannda baalaa tosaa nin-nde.

Yeremi 17:10

Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.

Rɔmnda 1:16

Siɛmbula co ya le vannda Yoongu kɛndɔɔ tiiyallo le, kani kpaaya Hala ciindiaa vannda-o co kon ni, kandɔɔ a Yuifia kɔ bii niko a vanaa co N'Yuifi le-a.

Condii lisai 149:6

Màá condun sangalan Hala-an piɔ niaa o lasondo, mì mɔɛi cɔvii sondola tiɔnnde i va niaa o laba

Dɛnnda cɔɔmuanndan 19:15

Mɔɛi cɔvii luɛyɛi va fulaa ndu o sondo le vanaa-mangalaa-isɔɔa diwvo a ndi. O tosanin nda masalen coo a sionnde icilinnden, mó vayia rɛsɛnndon o doola kɔltuw bɛndu Hala, Vana-Kpaayaa-Kpow-vo nin.

Efɛsea 5:13

Kɛ dɛnnda lan kpow la fula pɛ ceen kpendekele, ndu siŋnun ɲɛ-tengaa.

Luke 8:11

Mí Yeesu dimul kaandeŋaa ndɔa aa: «Kɔlɔ taloo ho co hoo ni: yɛiyo co sɔɛi Hala-e ni.

Condii lisai 139:2

A sinà telen ya cal-lo, a sinà vɛlɛ telen ya can-ndo, a lo levil pɔɔli, mà sinà yiyan nuu.

Nsaŋ 6:51

Ya, ya co ɲɛdiaa kiyɛi tol fulaa o halataala-o ni. Te vanndo de pɛ ɲɛdiaa kon, o vanin yoomu le fɛɛn a fɛɛn. Ɲɛdiaa ya yɔngunin-ndo, ndu co dialun nun ni, haliko mi ceendo va yoomu.»

Esai 11:4

Kɛ o kialunin yamɛi vanaa bala fondoa a sandei, o kilulnin vanaa co o sangaa nin o lɛŋnden coo-a yamɛi sandɛi sakpo. O lɔanin lɛŋnden a sɔɛi ndɔɛi maa a lesiondoo. O hulnin a cɔcɔn ndɔn mo dii vana kɔlvesɛiyo.

Condii lisai 45:3

Nɔm hiow vanndacieea kpow naŋɔɔ ni, sɔɔn sɔvɛɔn kínɛí n fulà nɔm o sondo ni. Lelan Mɛlɛka dɔw nɔm duaa ni le fɛɛn a fɛɛn.

Dɛnnda cɔɔmuanndan 19:21

Mí vanaa cɔvaa ndaa tɔ̀a kpow a sɔla piɔ́mndo o mɔɛi cɔvii va fulaa vana va o sow coo-o o sondo-e bɛngu, mí yowva kpow a cuungian o visin ndan coo.

Dɛnnda cɔɔmuanndan 2:16

Lelan mangalan, te o co kon te, i co lakɔ o nɔm ndo sunsun, mì kɔ cɔlɔba nda a mɔɛi cɔvii co ya fulaa o sondo-e.

Hebreea 13:7

La loonun ndɔ a simlacia niaa paandua, a tiiyal niaa sɔɛi Hala-e-a pɛɛn. Mì la dɔw mɛɛlula ndalan taasi, mì la tuula laalan ndaa.

Dɛnnda kiilaa 4:31

Mɛɛ nda cii Hala piɛi, mí fonda ndáà cuungian coo-o ɲiiya. Mí Hala Kɔl-Diandaa pia nda nin kpow, má kandu Sɔɛi Hala-e dimio a kɔlkɛsiaa.

Dɛnnda kiilaa 2:37

Mɛɛ vannda tuei sɔɔn mun, mí n pilan nda kɔltan ɲɛkɛndɛi. Má ɲuna Piɛr a kiilaa tɔ̀a aa: «Puapilɛa naa, yɛɛ naa n tosa yɛ?»

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Dɛnnda cɔɔmuanndan 20:4

Mí ca kpɛŋɛla lemasalan, mí vannda cal lecoo. Mí dio kennun nda le yamɛi kiolɔɔ. Mí ca kɔlta vanaa nda kili bolle le seile Yeesu len a le sɔɛi Hala-e-a, a vanaa ndáà beŋ vulan visio a tuula ndɔɔ o labɛngunin te-a, a ndáà sui pondalen o itendu a o baa le-a pɛɛn. Má muungu yoomu, má tosa masalen nda Krista-a latulu le vɔsilan vàá pilɛ.

1Tesalonikea 5:23

Màá Hala yɔngù vana kɔlɲuloo-o tosa mì la va vanaa ndɔa lɔ́ɔ́-lɔ́ɔ̀! Màá o mandà yiyan niaa, yoomu niaa a kɔɔle niaalen, mì la va vanaa yaalan te-a lɔ́ɔ́ Maalii Yeesu Krista hunnin-ndo!

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

Talelan 5:4

Kɛ o mɛɛlulan, sɔɛi ndɔɛi ken lol kélélé maa ɲɛ lolo. I siɛɛmbiaa siembu-siembu maa mɔɛi cɔvii sondola tiɔn.

Nsaki 1:18

O velu naa a sɔɛi toɲɛi mɛɛ hɛnan ndɔɔ co yɛ, haliko mi n va vanaa tasea o ɲɛm o cɔw-von tɛɛn.

Vana Kɔlkaloo 12:11

Sɔɔn vanaa kɔlkalua co maa sionnde nɔ ciliŋii siɛɛmbiɛi o bollen le cɔlua kpeŋaa len. Talela nda dimì lan la co maa ciliŋii siɛɛmbiɛi nda baŋ o sionnde len bollen-nde. Kon kpow, Hala ke vana ni. Ndu pilɛ kpé sim vana laci ni.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

Condii lisai 110:2

Mɛlɛka tondunin masale nɔmnden cɔnɔnndo Siɔn, a tosanin masalen yaamɔaa nɔmaa balu nɔm-nda coo.

1Korɛntea 1:24

Kɛ le Yuifia a le vanaa co N'Yuifi le-a, Krista co kpaaya Hala-o a kɔlkalu ndu Hala-o ni.

Dɛnnda kiilaa 5:33

Vanaa kialaa n'yamaa tueyɔɔ sɔɔn mun, má tambu kɔltan, o kon má tuu le nda diwvo.

Nsaŋ 12:48

Vana kɛɛ ya pɛ, mò bii sɔɔn nun te, ndu nɔ vana yaalanin ndu-o, sɔɔn ya pɛɛku vannda-on yaalanin vana kon o paale mɛɛlaalen ni.

Dɛnnda kiilaa 7:38

Telen vannda ndáà cuungian o lɛŋnde veselɛilen nin-ndo, ndu koni va vɛlɛ kiilalen mɛlɛkanɔ nda va suukanndo o pembei Sinai coo-o tɛɛn nda fuɲaa naa mamaa ni. Mí Moise sɔla sɔɔn yɔngu vana cindaa-on Hala o ba le naa mun tɛɛngullo.

Efɛsea 5:26

Le kunda vanaa laalannda bɛndaa Hala o hɔl, mó dindi ndu a mɛnndan a á sɔɛi.

Hebreea 6:5

má tuɛi sɔɛi Hala-i kɛndɛi yeela, má sinan kpaaya ceen co naa laci-o nɔnin-ndo,

Masaa kialaa n'yamaa 3:16

Mí Ehud toosiaa mɔɛi sondola tiɔnde, ì va bandei dunndo lepilɛ. Mó baanun ndi o caŋ, o volɔɔla va ndu lekɔɔ lan bɛngu, o ba kɛndɔɔ coo.