Má ke fonda kon diolan aa Masa a Meriba (kon co dimio ni aa «Tɔɔndanndo a Sɔngɔlanndo»), le sɔngɔlan Israɛlla sɔngɔlan Moise-o a le tɔɔndan nda tɔɔndan Mɛlɛka-o. Kani má dimi aa: «Mɛlɛka co pá naa tɛɛn bàà o co naa tɛɛn te?»
Kani kɔlta vannda ha la laasian, a cii nilan baŋulɔn, má kinda hɔltan, yɔŋii nda cɔ a lahɔl, mà tuei a lani, mà bii bila a kɔlta ndalan, mà mangalan, o kon mì singi nda.›
O kon, mí vanaa mangalaa kan dimul Faraɔnnɔɔ aa: «Kpaaya Hala-o kposon co mɔnɛ soli nuaa ni.» Kɛ a kon kpow, mí Faraɔnnɔ kon kindi nilan kpoke maa mɛɛ Mɛlɛka ndóò dimi yɛ, o bii sɔɛi Moise nda Aarɔn-nde le.
Mó simul vɛlɛ masaa Nebukanɛsar, óò vem ndu mɛnanndo o diola Hala lan-ndo. Mó luɛi o seesiɛi, mó kindi nilan, mó kɛɛ le Mɛlɛka Hala Israɛlla muungoo o ibuŋ.
Kɛ mí vanaa pum nda tɛɛn a kindi nilan, má kɛɛ le laalanndo, má va sɔɔn vɔɔnndon dimio vannda kpow o hɔl a nɛi Maalii-yo o kɔɔ. Le hee, mí Pol faŋan nda kɔɔli, mó kɔannun a kaandeŋaa ndɔa, o va nda pɛɛkoo lɔ́ɔ́-lɔ́ɔ̀ o cɛi pɛɛkaa Tiranus-o nin.
Mí Mɛlɛka dimul Moise aa: «Mì vannda ha lo ya pɛɛsaa háá lɔ́ɔ́ kuɛɛ nɛ? Mà lo ya kɛɔ laalanndo háá lɔ́ɔ́ kuɛɛ nɛ? Nduyɛ, i tosa sɔɔn kaaman taw nda tɛɛn.
La tosà nila kalulan maa fuɲaa niaa mamaa kan te. La tuisin tootoo Mɛlɛka o hɔl. La muungu o Fonda-Diandaa o dindi le lɔ́ɔ́-lɔ́ɔ̀-o nin. La tosál ndu Mɛlɛka Hala niaa baalaa, haliko mi kɔl ndɔ tuw bɛndoo faŋan niaa coo.
Ndu soli nda o lɛŋnde Esipte len nin ni, mó tosa dɛnnda kaamaalan a dɛnnda kɔndɔfiltan o lɛŋnde len nin, o mɛmma ihɛlma makpɛ̀ndɛ̀an taŋɔɔ, a o vɔsila belehiɔɔlula nda cii o lɛŋnde veselɛilen nin-ndan bɛngu ni.