Hebreea 3:7 - BII BILA

⁷ Lelan maa mɛɛ Kɔl-Diandaa dimi yɛ aa: «Te la tuei pɛ hau diom Hala-o,

Hebreea 3:7 Referans Kwoze

Hebreea 3:15

O co o sɛvaa aa: «Te la tuei pɛ hau diom Hala-o, la kìndì nilan maa mɛɛ o tosan paandu mí la simul ndu yɛ le.»

Esai 55:3

La yaŋ nilan, la hun o ya lo, la yaŋnun ya mì la va yoomu. I yiinin kpema fɛɛn-fɛɛndo a niaa, mì tosal niaa dɛnnda kɛndɛla kɛ́-kɛ̀ yáà tuu le David tosallo.

Dɛnnda cɔɔmuanndan 3:20

Tofa vɔ, i co isisi o dio, i co dioo lɔɔ. Te vanndo tuei pɛ diom nuu, mò kumbi dioo, i luɛinin ndu coo, mì n de ɲɛdiaa naa ndu latulu.

Hebreea 4:7

Mí Hala hɛli vɛlɛ paale celen, mó veelu len aa «hau». Mí vɔsila bɔɔ-bɔɔ la hiaw o kon kɔɔli, mó dimi ndi vɛlɛ a sondo David-o, o bungɛi naa n dimi nihaw-ve nin aa: «Te la tuei pɛ hau diom Hala-o, la kìndì nilan te.»

Nsaŋ 10:27

Saa nia tuɛi ya diom. Ya, i sina nda, a co ya kɔɔli.

Condii lisai 81:13

Le hee, mí mal nda a bɛɛlala ndalan, má tosa yiyannda nda pila lan.

Hebreea 3:13

Hau-hau, Hala co hiovɔɔ laci a sɔɛi o niaa lo. Lelan, la va lɔ́ɔ́-lɔ́ɔ̀ yoomuan lueinanndo vellaa-velle telen o co vɔ sɔɛi-yo. Haliko haki luei niaa o lapɔw nin te, vana kindi vɛlɛ lani o niaa tɛɛn mò kɛɛ le sɔɛi biyɔɔ le.

Matie 17:5

O lo sɔɛi, mí yumbuyumbu ɲɛ-tengaa pum kumbu nda. Mí diomndo pum soaa o yumbuyumbu kon nin aa: «Po ni ya kaola taw-vo co hoo ni, o ya hɛli a kɔlkɛndɔɔ-o. La bíí ndu diom.»

Condii lisai 81:11

Ya co Mɛlɛka ni, Hala niaa pɛɛn, ya soli niaa o lɛŋnde Esipte len nin ni. La kumbi sondola niaalan kumbio pila, mì pei lan cá.

Nsaŋ 10:3

Vana co sondo hèéo cumullo-o kumbil ndu dioo, mí saa tuei ndu diomndo. A diola ndalan o veelu saa ndɔa ni, mó soli nda.

Nsaŋ 5:25

I co niaa toɲaa dimul kpendekele, telen pum co tiiya, o tiiyaa koni o co yɛ nin nuaa ni, mì vanvílɛ́iya tuei Po Hala-o diom, nduyɛ vanaa tueinin ndu kan diom-nda a vanin yoomu.

Esai 55:6

La nuwviaa Mɛlɛka telen vana saalun ndu-o, la veelu ndu o piɛilen nin telen o co vɔ kpɛɛlun-ndo.

Nsaŋ 10:16

I nɔ vɛlɛ saa celen, nda co vɔ o hèéo ho nin te, nda bɛɛ, mɛɛ mì hin a nda. A tuɛinin ya diom, kundaa ndu pilɛ kpé nda vanin ni, vana mandaa vɛlɛ ndu pilɛ kpé.

Vana Kɔlkaloo 9:10

Ɲɛ-ɲɛ ba nɔmndo nɔla pɛ tosaa, tosa ndu a yoomuma nɔmndan kpow. Bau nɛɛ n kɔanin ciee-piɔ́m-nda, vana tiwba ɲɛ-ɲɛ tosa lon te, vana tiwba yiyanndo lon te, kɔlkalu co lon te, dɛnɛ sinaa co lon te.

2Piɛr 1:21

kani o co a yiyan ivanacieeya le vanaa-tɛɛngaa-diom Hala-a dimi sɔɔn nda dimi-on te, kɛ o kpaaya Kɔl-Diandaa bɛngu vanndacieea tɛɛnguu diomnda Hala lan ni.

2Samiɛl 23:2

Kɔl Mɛlɛka-o kei a ya mó va sɔɛi, o handu sɔɛi ndɔɛi ya o lediɛɛmu.

Hebreea 9:8

Mí Hala Kɔl-Diandaa cɔm o kon maa te fonda tase cɛi-kola kon co vɔ pɛ, mɛɛ nɛi kɔɛ o fonda diandaa-diandaa-o co vɔ o kumbiaa le.

Matie 22:43

Mí Yeesu ɲuna nda aa: «Le kɔlɔ yɛɛ David veelu yɛ ndu niko o kpaaya Kɔl-Diandaa bɛngu aa: ‹Maalii›? Kani telen pilɛ mó dimi-o aa:

Talelan 27:1

Sangalan le ɲɛ n tosanin siɔdii-o le, kani a sinà bɛɛ ɲɛ yɔŋnunnin hau-vo le.

Dɛnnda kiilaa 28:25

Má sɛyan a sɛɛngianndan, mí Pol dimul nda aa: «Toɲaa mí Hala Kɔl-Diandaa soaa a sondo Esai, vana-tɛɛngaa-diom Hala-o,

Marke 12:36

Kani David pila dimi o kpaaya Kɔl-Diandaa bɛngu aa: ‹Mɛlɛka dimul Maalii nuu aa: Cal-la o ba kɛndɔɔ coo, háá mì luei yaamɔaa nɔmnda nɔm o pelon bɛngu.›

Dɛnnda kiilaa 1:16

«Puapilɛa nia, mɛɛ mì ɲɛ Hala Kɔl-Diandaa ndóò dimi o Sɛbɛ-Hala-o nin-ndo ndóò peelun. Ɲɛ ndóò dimi a sondo David-o le Yuda-o pɛɛn. Yuda sim kon vannda laci le Yeesu biyɔɔ-o.

Dɛnnda kiilaa 8:29

Mí Hala Kɔl-Diandaa dimul Filipe aa: «Kɔ háá o ɲɛ ɲaanan soa nan-ndo ho ikɛi.»

Hebreea 10:15

Ken Hala Kɔl-Diandaa bɛɛ dimi ni aa: