Hebreea 3:6 - BII BILA

⁶ Kɛ sunsun, Krista yɔŋnun po tosa vallo o sandei nin-ndo, ndu co Cɛi-Hala-o bollen ni. Te n lo pɛ kɔllo kɛsio o laalan naa n tiindan-ndo coo, mɛɛ naa n co cɛi ndɔ kon ni.

Hebreea 3:6 Referans Kwoze

2Korɛntea 6:16

Ɔ́ɔ̀ bɛnda co Cɛi-Hala-o nda piɔmnda tɛɛn-ndo? Kani naa co Cɛi-Hala kiyɛiyo ni, maa mɛɛ Hala pila dimi yɛ aa: «I vanin niaa tɛɛn, mì kela niaa tɛɛn, i vanin Hala niaa mì niaa va cuavaa nia.»

1Korɛntea 3:16

Cɛi-Hala-o niaa co ni, Hala Kɔl-Diandaa co niaa nin. Vɛ̀ɛ̀ la sínà ken te?

1Piɛr 2:5

Niaa bɛɛ, la va maa powta kiyɛi, mì la sɔla luɛyɔɔ o tangul cɛi Kɔl-Diandaa nin, mì la va vanaa-solia-lasálàá diandaa, le sálàla kɔltan solio, la hɛnan Hala o Yeesu Krista nin-ndan,

Hebreea 10:35

Lelan, la màl laalanndo le, la sɔlanin sala bɛndoo le ndu.

Hebreea 6:11

Kɛ nduyɛ, o naa n yeema-o co ho ni, mì vana-vana o niaa tɛɛn lo lecoo háá o mɛɛlulan. O kon mí ɲɛ niaa kɛsi kɔllo coo-o tosan.

1Korɛntea 6:19

La sínà le maa dialun nian n co Cɛi-Mɛlɛka Hala Kɔl-Diandaa ni, o co niaa nin-ndo pɛɛn, o niaa sɔla Hala o ba-o? La co a ba niaa le.

Hebreea 10:23

N simnun yili o ɲɛ naa n laalan-ndo coo, kani Hala faŋàn o diomnde o dimi len coo le.

Hebreea 4:11

Lelan n kindikindin le luɛyɔɔ o pɛngi kon nin, haliko vana-vana del mò bumba le luɛyɔɔ maa fuɲaa naa mamaa lɔ́ɔ́ kon te.

Hebreea 3:14

Lelan te n hiow pɛ laci a simndan yili o tiindan naa tasoo nin, háá mi n tiiya o mɛɛlulan, mɛɛ n co va a yiinannda a Krista.

Dɛnnda cɔɔmuanndan 3:11

I co hunɔɔ sunsun. Bii ɲɛ n nɔ-o kpáŋ, haliko vana cua mɔsil lemasa nɔmndo le.

Hebreea 4:14

Lelan n simnun yili o laalan naa n co sɔɛi ndɔɛi dimio-o coo. Kani n nɔ bolle vanaa-solia-lasálàá, o kɔɛ nin o halataala di-o, Yeesu po Hala-o pɛɛn.

Hebreea 1:2

Kɛ sunsun, o palɛi mɛɛlɛi he nin, mó soaa o naa lo a sondo po ndɔɔ. A po ndɔ kon o cɔw ceendo ni, ndu Hala koni hɛli vɛlɛ ni mí ɲɔɔn kpow n va le ndu.

1Timote 3:15

kɛ te i yala lakɔ le, sɛbɔɔ ho malanin nɔm pɔɔ le sinaa mɛɛ vannda bɛnda mà va kelaa o Cɛi-Hala-o nin yɛ, vanaa laalaŋaa Hala nɔ yoomoo o ba-o-a pɛɛn, nduyɛ nda co sungbulen a tiindan toɲaa ni.

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Matie 10:22

Vannda kpow nɔnin nɛyɔn niaa le diola nilan. Kɛ vana lonin lecoo háá o mɛɛlulan-ndo, ndu sɔlanin cindaa.

1Tesalonikea 5:16

La vá a ɲaaloo lɔ́ɔ́-lɔ́ɔ̀,

Rɔmnda 15:13

Màá Hala ke vana kɔlkɛsiaa-o pei niaa ɲaaloo a kɔlɲuloo o laalan niaa nin, haliko mi la pɛ a kɔlkɛsiaa o kpaaya Kɔl-Diandaa nin!

Matie 24:13

Kɛ vana lonin biuvɔnndo háá o mɛɛlulan-ndo, ndu sɔlanin cindaa.

Dɛnnda cɔɔmuanndan 2:25

Kɛ nduyɛ, o niaa nɔ-o, la bii kon kpíŋ háá mi hin.

Dɛnnda cɔɔmuanndan 2:18

«Sɛval mɛlɛkanɔ vanaa laalannda Tiatir aa: ‹Ɲɛ Po Hala-o, o nɔ hɔltan maa yinnde biyaa, mì pelon va ndu volio maa n'daɲa-o dimi-o co hoo ni aa:

2Tesalonikea 2:16

Màá Maalii naa Yeesu Krista pila a Fuɲa naa Hala, o kaola naa mó luei naa yoomuan a kɛndɛi ndɔɛi le fɛɛn a fɛɛn-ndo cɛl, mò ke naa vɛlɛ tiindanndo,

Rɔmnda 5:2

Le ndu naa n sɔla kɛndɛi naa n co hee nin-nde ni, i naa n sɔla a laalanndo-e. Nduyɛ n nɔla mì n kuundian le tiindan naa n nɔ o biilu Hala-o nin-ndo.

Condii lisai 2:12

La ke poo bɛɛlen, yɔŋii o tuulu kɔl, mò tɛɛmbuu niaa o nɛi niaa coo, kani o nɛi kɔl tuulu le. Dɛnɛ kɛndɔɔ co le vanaa tiindan ndu-a kpow!

1Piɛr 1:8

La ci ndu le, mí la kaola ndu. Niáá ci vɔ vɛlɛ ndu le, mí la laalan ndu, mí la va huuloo a ɲaale bɛndoo,

Kalatea 6:9

N sangan le dɛnɛ kɛndɔɔ tosaa le, kani n koawnin a telen bɛnda-o, te n mel te.

Rɔmnda 11:22

Lelan tofa vɔ vanakɛndɛyɛi Hala-e a dɛnɛ ndɔ kindiaa: o kindi dɛnɔɔ le vanaa del-la, nduyɛ vanakɛndɛyɛi ndɔɛi co le nɔm, taa lo pɛ o vana kɛndɛi nin, te kon te, nɔm bɛɛ a sɔlanin kiolɔɔ.

Matie 16:18

Ya, i co nɔm dimul, Piɛr n co ni, powvo pɛɛn, o powvo ho coo ya tangulnin kunda vanaa laalaŋaa nia ni, kpaaya piɔ́mndo nɔlanin kunda kon ɲɛ-ɲɛ tosa le.

Rɔmnda 12:12

La dɔwnun ɲaale o kɔlkɛsiaa niaa nɔ-o nin. La va vanaa yulu dɛnɛ palaa-a, mì la biwnun o piɛilen nin.

Kalatea 6:10

Lelan, telen naa n nɔ vɔ fondaa-o, n tosalan vannda kpow dɛnɛ kɛndɔɔ, kɛ taama-taama puapilɛa naa vanaa laalannda.

Efɛsea 3:12

Le mɛɛ naa n yiinun a Krista mì n laalan ndu yɛ, n nɔla mì n sɔɔnguu Hala ikɛi a kɔlkɛsiaa a á tiindanndo.

Hebreea 4:16

Lelan n sɔɔngun Hala kaola naa-o o ibuŋ a laalanndo mì n sɔla malɔɔ lahakio, mò tuinun naa iɲíí le naa malaa o telen bɛnda-o.

Hebreea 6:18

Kpemaa a mɛnanndo, sɔɔn miuŋun mun, vana nɔla ikɛ́-kɛ̀ yɛlɛma le. O kpema o yiiyo nin a o mɛnan ndɔɔ nin, Hala co vana dimi lacòò le few, nduyɛ kon luèi naa yoomuan taw. Lelan naa n mal dɛnndan kpow ni, le ɲɛ naa kɛsi kɔllo coo mó kennun naa-o sɔlaa.

Hebreea 7:19

Kani tɔŋ Moise-o tosa dɛnɛ peelan kɛ́-kɛ̀ le. Kɛ mí tiindan hiow naŋɔɔ-o kennun naa, ndu tosá ni mí n sɔɔnguu Hala ikɛi.

Hebreea 10:19

Le kooma fula Yeesu-an puapilɛa nia, n laalan lekɛ́ndɛi maa n tiw nin ba mì n luɛi o fonda diandaa-diandaa.

Hebreea 10:21

N nɔ bolle vanaa-solia-lasálàá naa laci o Cɛi-Hala-o nin.

Hebreea 11:1

Laalanndo co sinaa ni maa ɲɛm vana kɛsi kɔllo coo-on toɲaa lekɛ́ndɛi n co ni, nduyɛ maa vana co mun sɔla. Seile ɲɛm vana co cɔ a lehɔl te-on o co ni.

1Piɛr 4:17

Kani o telen kon, yamɛi kandunnin kiolɔnndo a Cɛi-Hala-o o kɔɔ. Nduyɛ, te yamɛi kandun pɛ a naa, vɛ̀ɛ̀ mɛɛlula vanaa cɛl sɔɛi Hala-e le-a va yɛnin?

Dɛnnda cɔɔmuanndan 2:26

Vana nɔlanin-ndo, vana mandanin dɛnnda nilan háá mi hin-ndo, i kenin ndu kpaaya ya pila sɔla Fuɲa nuu o ba-o. I yɔngunin vana kon kpaayaa vanaa-mangalaa-isɔɔa coo, mò tosa masalen nda coo a kpaayaa, mò pesipesi nda maa kpɛɛnɛi puulu. I kenin ndu vɛlɛ loei idii-ye.

Esekiɛl 46:10

O telen pilɔɔ nda luɛinin nda simlacia ni, mà fula vɛlɛ nda ndaa o telen pilɔɔ.