Hebreea 3:5 - BII BILA

⁵ Mí Moise ndu yɔŋnun vana lo o lediom coo-o o Cɛi-Hala-o nin kpow. Vana baalaa o va ni, ndóò bɛnda le vaa sei sɔɔn Hala va hunɔɔ dimi-on.

Hebreea 3:5 Referans Kwoze

Kundalan 12:7

Kɛ o co ɲɛ pilɛ le o co a vana ni baalaa Moise le. Ndu ndu, vana lo o lediom coo-o o co o ya lo cɛinin kpow ni.

Hebreea 3:2

Mí Moise yɔŋnun sindɛ vana lo o lediom coo-o o Cɛi-Hala-o nin kpow. Lende koni Yeesu bɛɛ tosa Hala o hɔl ni, mí ndu Hala siinguu ndu bolle vanaa-solia-lasálàá.

Fulaa 14:31

Mí Israɛlla ca ɲinkon ba kpaaya bɛndu Mɛlɛka timbi mó tɛɛmbuu Esiptea-o, má yɔŋ siòòŋii ndɔɛi, má laalan ndu Mɛlɛka, má laalan vɛlɛ Moise, vana baala Mɛlɛka-o pɛɛn.

Condii lisai 105:26

O kon, mí Mɛlɛka viam Moise vana baala ndɔɔ a Aarɔn vana o hɛli-o.

Dɛnnda kiilaa 28:23

O kon mí simlacia Yuifia hɛli paale celen le bɔɔŋian-ndo. Paale len tiiyaa, mí nda kpow a muungu Pol tofa nɛɛ o va o yiya-a. Cɔn idiiyo háá icɔllo, Pol va nda sɔɔn tɛɛsiallo a Masale Hala len o kɔɔ. O va nda kɔltan pilanndo a tɔŋ Moise-o a á sɔɔn vanaa-tɛɛngaa-diom Hala-a le nda sɔɛi Yeesu-e tiiyallo.

Hebreea 8:5

Vanaa-solia-lasálàà kan co vali kon tosaa o Cɛi-Hala-o nin. Kɛ vali nda co kon tosaa-o co macoaa maa vundule ɲɛ co tosanndo o halataala-o. Kani hali telen Moise va cɛi-kola-toandaa tangullo-o, mí Hala dimul ndu aa: «Toosiaa ndu ɲɛkɛndɛi mɛɛ ya tuulul nɔm ndu o pembei coo yɛ kpafii.»

1Timote 1:12

I mel Maalii naa Yeesu Krista balika, ó luei ya yoomuan le baala ndɔɔ tosaa-o. I mel ndu balika le laalan o laalan ya, mó hɛli ya le baala ndɔɔ tosaa-o.

Yosue 1:2

«Moise vana ni baala vi, cɔn niko ma taŋ Yurdɛn n co hoo cɔu-vo niaa vannda ha kpow, mì la kɔɛ o lɛŋnde ya yɔngu Israɛlla len nin.

Tɔŋ miingua 34:5

O kon mí Moise vana baala Mɛlɛka-o vu lon o lɛŋnde Moab len nin, mɛɛ Mɛlɛka pila ndóò dimi yɛ.

Hebreea 9:24

Kani Krista luei o fonda diandaa toosian a bala vanacieo vo nin te, velan fonda diandaa co o halataala-o daama co kon ni. Kɛ o halataala kpeekpei o luɛi ni, lon o co sunsun Hala o hɔl le naa ni.

Rɔmnda 3:21

Sisa, dɛnɛ sandaa Hala-o cɔmnun, o co o tɔŋ nin te. Nduyɛ tɔŋndo a sɔɔn vanaa-tɛɛngaa-diom Hala-a dimi-on cɛl ndi lende.

Nsaŋ 5:39

La co O-Sɛvanndo yaasiaa ɲɛkɛndɛi, kani la yiyan maa lenin niaa sɔlanin cinda fɛɛn-fɛɛndo ni. O-sɛvan kon-ndo kpeekpei co seile nilen timbio ni.

Luke 24:44

O kon kɔɔli, mó dimul nda aa: «Telen naa n va vɔ naa niaa latulu-o, mí dimul niaa maa fɔ mì ɲɛ-ɲɛ co o sɛvaa a ya o kɔɔ o sɛbɛ tɔŋ Moise-o nin, o sɛbɛla vanaa-tɛɛngaa-diom Hala-a nin, a o sɛbɛ condii lisai nin kpow-vo ndóò peelun.»

Luke 24:27

O kon kɔɔli, mó tɛɛsial nda ɲɛ sɛvan kandɔɔ o sɛbɛla Moise lan nin-ndo, kɔlan a o sɛvan o sɛbɛla vanaa-tɛɛngaa-diom Hala-a nin a ndu o kɔɔ lan kpow.

Yosue 8:31

Mo cɔaw ndu a powta ciliŋii valii pilan te lan. O fonda-loamaa-lasálà kon coo Israɛlla ndáà bɛnda le sálàla loamaalan a sálàla kɔlɲululan solio ni. Lende Moise vana baala Mɛlɛka-o ndóò dimul Israɛlla ni, sɔɔn mun co n'sɛvan o sɛbɛ tɔŋ Moise-o nin.

1Korɛntea 4:2

Nduyɛ vana yɔngu ɲɔɔ le mandaa-o bɛnda mò va vana lo o lediom coo-o.

Dɛnnda kiilaa 7:37

Moise kon dimul vɛlɛ Israɛlla ni aa: ‹Hala vimnin niaa vana-tɛɛngaa-diom Hala-o, o co maa ya-o, fulaa o puapilɛa nia tɛɛn.›

Luke 12:42

Mí Maalii mulul ndu aa: «Ɔ́ɔ̀ niko vana baala kɔlkalu lò kon o diomnden coo-o? Ndu co ò vana ndɔ bɛndoo dimulnin le hɔlla landɔɔ cɛi ndɔɔ coo a le vanaa baalaa tɔ̀a ɲɛdiaa yɔngoo a telen bɛnda-o-o ni.

Matie 25:21

Mí vana ndɔ bɛndoo dimul ndu aa: ‹Nuvali, vana baala kɛndɔɔ a vana baala lo o lediom coo-o n co ni. A yɔŋnun vana lo o lediom coo-o o ɲɛm pɔmbɔn nin, i sɔaanin ɲɔɔn taw nɔm o ba. Sɔɔnguu mì n dɔwnun ɲaale latulu naa nɔm.›

Matie 24:45

«Ɔ́ɔ̀ vana baala kɔlkalu lò kon o diomnden coo-o, ò vana ndɔ bɛndoo handu buɛyaa ndɔa bollen le nda baloo keo o telen bɛnda-o-o?

Yosue 8:33

Mí Israɛlla kpow, vanaa kɔlkalua ndaa, simlacia ndaa, vanaa kialaa n'yamaa ndaa a mialaa va nda tɛɛn-nda sim vellaa-velle leviaa-solia-lasálàá o hɔl o kpengun kesu kpemaa. Mí Israɛlla táláá pilɛ va isisi a ba pembei Karisim, mí táláá pilɔɔ va isisi a ba pembei Ebal. Lende Moise vana baala Mɛlɛka-o dimi le tosaa le Israɛlla duaa dɔvɔɔ ni.

Yosue 1:15

háá mì Mɛlɛka ke nda pɛngio mɛɛ o ke niaa pɛngio yɛ. Mì nda bɛɛ luɛi, mà kɔ cal o lɛŋnde Mɛlɛka Hala niaa yɔngu nda len nin. O kon, la muungu niko, la cal o lɛŋnde Moise vana baala Mɛlɛka-o ke niaa o peo Yurdɛn leeloo, a ba paalen le can-ndo len nin.»

Yosue 1:7

Kɛ nduyɛ, lueinun yoomuan ma sim yili, ma kela o tɔŋnda Moise vana ni baalaa tɛɛngul nɔm-ndan coo. Sei o ba kɛndɔɔ coo le, sei o ba mɛllo coo le, haliko mi tuula nɔmndan kpow la bɛnda nɔm o ba.

Tɔŋ miingua 3:24

‹Éé Maalii! Nɔm Mɛlɛka, a kandu ya vana baala nɔmndo bɔɔbɔɔyɛi nɔmnde a kpaaya nɔmndo cɔmndo, Hala kuɛɛ co yɛ o halataala, te kon te o lɛŋnden coo mò tiwba le dɛnnda bɛndula vaa nuaa tosaa a kpaayaa maa nɔm?

Nehemi 9:14

Má viam Moise vana nɔm baalaa, mó cɔm nda paale nɔmnde pɛngiaale diandaalen, o kon má pɛɛku nda sɔɔn a tɔŋnda celen.

Fulaa 40:16

Mí Moise tosa ɲɛ-ɲɛ Mɛlɛka dimul ndu le tosaa.

Hebreea 1:1

Sindɛ Hala va sɔɛi a sondo vanaa-tɛɛngaa-diom Hala-a o fuɲaa naa mamaa lo le telennda bɔɔ-bɔɔ a o nɛila yɛ́-yɛ́ coo.

Hebreea 3:4

Cɛi oo cɛi nɔ vana baŋ ndu-o, nduyɛ, vana cɔw ɲɛ-ɲɛ fee-o co Hala ni.

Dɛnnda cɔɔmuanndan 15:3

A va condii Moise vana baala Hala-o a condii saa téndóó solio aa: «Mɛlɛka Hala nɔ kpaayaa kpow-vo, dɛnnda nɔmndan la co dɛnnda kɔndɔfilta bɛndu, nɔm Masa vanaa-mangalaa-isɔɔa, tuula nɔmndan la sandu, la co toɲa!