Hebreea 3:18 - BII BILA

¹⁸ Hala cii mɛnan aa: «Le fɛɛn a fɛɛn, a lueinin o lɛŋnde ya toosial nda pɛngio len nin te few.» Le nɛ̀ɛ̀aa o mɛnan yɛ lende? Vɛ̀ɛ̀ o co le vanaa bii sɔɛi ndɔɛi le-a le?

Hebreea 3:18 Referans Kwoze

Hebreea 4:6

Vanaa keleŋa sɔɛi Hala-e tueyɔɔ-a bii ndi le. Lelan a luei o pɛngi Hala dimi kon sɔɛi ndɔɛi-yo nin te. Le hee vanaa celen a nɔla vɔ mà luɛi.

Kundalan 14:30

la luei o lɛŋnde ya mɛnan mí yii kpemaa le niaa kɔlan kɛsio lenin-nden nin te few. Fɔ Kalɛb, po Yefune-o a Yosue po Nun-ndo co luɛyɔɔ lenin ni.

Kundalan 20:12

Kɛ mí Mɛlɛka dimul Moise nda Aarɔn aa: «La lo o diomnde nilen coo le, la cɔm diondɔɔ nuu Israɛlla o hɔl te. Lelan, o co lɛ niaa le tiiyanin a sɛ́lɔ́ɔ́ ho o lɛŋnde ya yɔngu nda len nin te.»

Hebreea 4:2

Kani mɛɛ sɔɛi Hala-e ndíì dimulun vanaa va o lɛŋnde veselɛilen nin-nda yɛ koni i dimulun naa ni. Kɛ sɔɛi nda tuei ken-nde nɛŋi nda mako kɛ́-kɛ̀ le. Kani ndáà tueyɔɔ sɔɛi kalɛi, a laalan ndi le.

Hebreea 3:11

Mí mɛnan a kɔltuwvo aa: A lueinin o lɛŋnde ya toosial nda pɛngio len nin te few.›»

Tɔŋ miingua 9:23

Mɛɛ Mɛlɛka ndóò yeema le niaa faŋaa Kadɛs-Barnea, mó dimul niaa aa: ‹La kɔ! La kɔ hiɔlu lɛŋnde ya ke niaa len.› Kɛ mí la kɛɛ Mɛlɛka Hala niaa diom, la laalan ndu le, la yeŋ nilan o sɔɛi ndɔɛi le.

Kundalan 14:11

Mí Mɛlɛka dimul Moise aa: «Mì vannda ha lo ya pɛɛsaa háá lɔ́ɔ́ kuɛɛ nɛ? Mà lo ya kɛɔ laalanndo háá lɔ́ɔ́ kuɛɛ nɛ? Nduyɛ, i tosa sɔɔn kaaman taw nda tɛɛn.

Kundalan 14:23

vanaa kan kpow o pilɛ bɛɛ ci lɛŋnde ya yiilu fuɲaa ndaa mamaa kpemaa, mí mɛnalan nda le nda len yɔngoo len a lehɔl te. Vanaa pɛɛsa ya-a kpede, o pilɛ bɛɛ luei lenin te.

Kundalan 14:37

a soo kan sɔɔn vɔɔnndon a lɛŋnde len-nda, mí Mɛlɛka lɔaa nda, má cuu vu o lepilɔɔ kpede lon.

Condii lisai 78:22

Kani ndáà laalan ndu Hala le, ndáà laalan te maa o va nda baŋa.

Nsaŋ 3:36

Vana laalan pɛ Poo, ndu sɔla yoomu fɛɛn-fɛɛndo. Vana kɛɛ pɛ le Poo laalanndo, ndu sɔlanin yoomu kon te, kɛ kɔltuw Hala-o vanin vana kon coo.»

Rɔmnda 11:30

Lɔ́ɔ́ kon, mí la kɛɛ Hala diom, kɛ sunsun, Hala tuinun niaa iɲíí le tùú Israɛlla kɛɛ Hala diom-ndo.

Hebreea 4:11

Lelan n kindikindin le luɛyɔɔ o pɛngi kon nin, haliko vana-vana del mò bumba le luɛyɔɔ maa fuɲaa naa mamaa lɔ́ɔ́ kon te.