Hebreea 3:12 - BII BILA

¹² Puapilɛa nia, la mandan, vana-vana nɔ kɔl dɛnɛ vɔɔndo a nila kalulan, mò mulul Hala nɔ yoomoo o ba-o kɔɔ le.

Hebreea 3:12 Referans Kwoze

Yeremi 17:5

Diom Mɛlɛka dimi-o co hoo ni aa: «Dangaa co le vana kalifan vanacieo, mò kɛsi kɔllo vanaciee yoomaa coo, mò faŋa kɔl ndɔɔ Mɛlɛka coo-o.

Yeremi 7:24

Kɛ a tui ya diom te, a yeŋ nilan te, má del yiyanndan a tuula vɔɔnnda va o kɔlta ndalan nin-ndan kɔɔli, má muungu kɔɔli, a hiw laci le pɛ.

Yeremi 17:9

Ɲɛ-ɲɛ hui vana maa kɔl vanacieo le. Vana nɔla ndu singio le, vana nɔla ndu bɛɛ bila biyɔɔ le.

Yeremi 18:12

Kɛ yiyannda ndala vɔɔnndan tuŋ nda co kɔɔli ni, a co vɛlɛ mulio aa: «Ken vil naa le, i naa n nɔ o kɔl-le naa n tosanin ni.»

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

1Korɛntea 10:12

Lelan, vana-vana yiyan pɛ maa o sim yili, ndu mandan yɔŋii o del.

Hebreea 10:38

Mí Hala dimi aa: «Vana sandaa vana laalan ya-o co ni, duyɛ vana sandaa vanin yoomu le laalan ndɔɔ. Kɛ te o muungu pɛ a makɔɔ, kɔl nuu downun ndɛ ɲaale a ndu le.»

Yeremi 11:8

Kɛ a yeŋnun te, a muli lahɔl lon te, ma del yiyannda ndala vɔɔnndan kɔɔli. O kon mí peelu sɔɔn kpema kon kpow nda coo le tùú nda kɛɛ le lou o kpemaa coo-o, a sɔɔn kɛ́-kɛ̀ ya dimul nda kpede a cɛl le ndu biyɔɔ loon pɛɛn.»

Hebreea 12:15

La caa dɛ! Vana-vana fula o kɛndɛi Hala-e bɛngu le. Vana-vana va maa tɔlɔɔ vɔɔn vul o tɔlɔɔ kɛndɔɔ tɛɛn mò tɛɛmbuu ndu-o le.

Yeremi 16:12

Niaa yɛ, la co dɛnnda hiow vɔwlen ndan tosaa, la fuɲaa niaa tosa lan pɛɛn, vana-vana co kɛɔ nilan yaŋɔɔ o sɔɔn nun, le yiyannda niaala vɔɔnndan tolɔɔ kɔɔli.

Hebreea 3:10

o vɔsilan belehiɔɔlu bɛngu-o. O kon mí fula kɔllo a vannda ha, mí dimi aa: Kɔlta ndalan la co ya kɔlan levil. A sínà nɛila nilan te.

Marke 13:33

Lelan la caa dɛ! La va o lapɔɛyɔn nin te. Kani la sina paale ken tosannin-nden te.

Matie 24:4

Mí Yeesu mulul nda aa: «La caa dɛ, yɔŋii vana luei niaa o pɔwlan nin.

Yeremi 3:17

O telen kon, vannda vanin Yerusalɛm veeloo aa: ‹Kpɛŋɛ lemasa Mɛlɛka-o›. Vanaa-mangalaa-isɔɔa kpow cuungiannin ndon o diola ya Mɛlɛka lan. O kon a tosa lɛnin yiyannda vɔɔn kɔlta ndalan te.

Yeremi 2:13

Kani sala tiɔn vanaa nia tosa dɛnɛ vɔɔndo ni: a kɛɛ ya vana co soon mɛmma cindaa-o, má tuwnun soonnda mandaa mamɛnndan, o co yɛ soonnda kɛndɛ le, mɛmma cel lenin te.›

Talelan 1:32

Kani kɛɛ vannda kɛ̀ɛ̀ dɛnɔɔ bilaa biyɔɔ-o tósà ni mà vi. Diɔmnde dɔaw diɔmnda yɛɛvɛ ni.

Marke 13:9

La caa le niaa pila. A kɔanin a niaa o fondala kialaa n'yamalan, mà lɔɔ niaa o cɛila lekaanndan nin. A kɔanin a niaa o masaa n'bungaa lo a o masaa bɛndua lo le ya, mì la kɔ soli seilen nda o hɔl.

Osee 1:2

Nuaa Mɛlɛka kei a Osee ni mó kandu sɔɛi o vana ndɔa lo. Mí ndu Mɛlɛka dimul Osee aa: «Kɔ yil vanalanɔ suundɛiyo o nɔ̀u nin, cuavaa niaa vialunin niaa ndu-a, cuavaa vanalanɔ suundɛiya nda vanin ni. Kani vannda ha o lɛŋnden nden nin, a luɛi o suunda soolaa n'piɔmndo, má mulul ya Mɛlɛka kɔɔ.»

1Tesalonikea 1:9

Kani vannda kpow a co cɔmndo mɛɛ niaa bii naa o niaa lo lon yɛ. A co vɛlɛ cɔmndo mɛɛ niaa mulul piɔmnda kɔɔlan, mì la mulul Hala hɔlla le ndu baalaa tosallo yɛ, ndu Hala kiyɛiyo, Hala kpeekpeiyo.

Condii lisai 18:21

Mɛɛ kela ni sandaa co yɛ, lende Mɛlɛka tosal-la ni, mɛɛ bala nilan la dendu yɛ, lende o dɔw ya vɔ̀ngɔ̀ ni.

SƐBƐ YƆB-O 22:17

Vanaa kan va Hala dimullo aa: ‹Mɛi naa lon! N sina maa nɔm co Vana-Kpaayaa-Kpow ni, kɛ yɛɛ n nɔla yɛ tosa a naa?›

Rɔmnda 11:21

kani te Hala mɛi lɛvun fula o yɔmndo kpeekpei-yon ndon te, mɛɛ nɔm bɛɛ o mɛinin nɔm lon te.

Luke 21:8

Mí Yeesu muli aa: «La mandan taw, yɔŋii niaa luɛi o pɔwlan nin. Kani vanaa bɔɔ-bɔɔ a hunnin o diola nilan, mà cɔm maa o diola nilan nda hin ni. À diminin aa: ‹Telenndo co nin le tiiya›. Kɛ la del nda kɔɔli le.

Marke 13:23

Lelan la va a bɛɛndiannda dɛ! I cii niaa ndi dimul.»

Matie 16:16

Mí Simɔn Piɛr muli aa: «Nɔm co Krista ni, Po Hala kiyɛiyo.»

SƐBƐ YƆB-O 21:14

Nda yɛ nda va Hala dimullo ni aa: ‹Faŋan naa kɔɔli! N yeema mì n sina nɛila nɔmndan te!

O Kandɔɔ 8:21

Mɛɛ Mɛlɛka tuei hoeyii kɛndɛi sálà kon cun, mó dimi aa: «I dow lɛnin lɛŋnden danga le kela vɔɔn vanacieo le. Kani cɔn o felengiyɛi nin, yiyan tosaa yɔŋ vɔɔndo kposon co ndu o kɔl ni. I tɛɛmbuu lɛnin ɲaa yoomaa kpede mɛɛ ya tosa o laan nuaa yɛ le.

Esai 59:13

N co Mɛlɛka dúmbóó yiiyo, n co ndu dɛnnda lacòòvalan tosallo, n co faŋanndo Hala naa kɔɔli, n co kɔnndan polon. N co sɔɔn kɔlvesɛiyon dimio mì n va nila kalulan tosaa, n co sɔɔn lacòòvan yiyanndo mì n va mun dimio o kɔltan nin.

Kolɔsea 2:8

La caa, yɔŋii vannda bii niaa a sɔɔn caan mà hui niaa a sɔɔn fondon. O naamula vanndacieea nin kon fulà ni, a ɲinaa vɔɔnda co o ceendo coo-a o ba, o co Krista o ba le.

Hebreea 3:1

Lelan puapilɛa nia vanaa laalannda, niaa Hala veelu-a, la tofa Yeesu, ndu Hala vem le vaa bolle vanaa-solia-lasálàá ni, o naa n co sɔɛi ndɔɛi dimio-o.

Hebreea 3:19

Ɛ̀ɛ̀ nduyɛ lekɛ́ndɛi, mí n ca maa a nɔla luɛyɔɔ o pɛngi kon nin te, le laalan nda kɛɛ-o.

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.

Hebreea 10:31

Dɛnɛ dɔaw vana siòònnde tawvo o co ni, le vanacieo delɔɔ Hala nɔ yoomoo o ba-o o ba.

Hebreea 12:22

Kɛ mí la sɔɔnguu o pembei Siɔn a o kobi Hala nɔ yoomoo o ba-o ikɛi, Yerusalɛm co o halataala-o, nɛɛ mɛlɛkaa co sɛ́lɛ́ a cuu cɔm te-a co-a.

Esekiɛl 14:5

O kon, muli nuu hiiluunin Israɛlaa kɛɛ ya le piɔmaa ndaa kaakuua kpede sooloo-a.