Hebreea 3:1 - BII BILA

¹ Lelan puapilɛa nia vanaa laalannda, niaa Hala veelu-a, la tofa Yeesu, ndu Hala vem le vaa bolle vanaa-solia-lasálàá ni, o naa n co sɔɛi ndɔɛi dimio-o.

Hebreea 3:1 Referans Kwoze

2Timote 1:9

Ndu Hala ciindiaa naa ni, mó veelu naa veelu diandaa, haliko mi n va vanaa ndɔa, o co le dɛnnda naala kɛndɛlan te, kɛ le tùú ndu pila tuu, mó tosal naa kɛndɛi o Yeesu Krista nin kabi o tasendɔ-o.

Filipea 3:14

i co kiltan le tiiyaa o mɛɛlulan, le ɲɛ ya co kiltan kɔɔli-o sɔlaa, sala baala Hala ke ya o Yeesu Krista nin-ndo pɛɛn.

Hebreea 7:26

Yeesu co bolle vanaa-solia-lasálàà naa n nɔ makoo kpeekpei-yo ni. O co o diandaa, o nɔ isɔw le, o nɔ haki le, sɛyanndo co ndu tɛɛn nda vanaa lahakia, mí Hala heelu ndu o halataala di.

Efɛsea 4:1

I co niaa tɛɛlɔn, ya co o kaasoo le Maalii-o, la kela kela bɛnda a veelu niaa sɔla-o-o.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Hebreea 2:17

Lelan, mɛɛ mí ndóò vel puapilɛa ndɔa, haliko mi ndóò siŋnun bolle vanaa-solia-lasálàá, vana ikɛndɔɔ a vana lo o lediom coo o baala Hala-o nin-ndo, haliko mo sɔla malɔɔ lahakio le vannda kpow.

Hebreea 10:21

N nɔ bolle vanaa-solia-lasálàá naa laci o Cɛi-Hala-o nin.

Efɛsea 4:4

Kɔɔlen len pilɛ le co ni, Kɔl-Diandaa vɛlɛ ndu pilɛ co ni. Lende koni, kɔlkɛsiaa ndu pilɛ co ni, maa mɛɛ niaa bɛɛ sɔla veeloo o kɔlkɛsiaa ndu pilɛ nin yɛ.

1Tesalonikea 2:12

N luei niaa yoomuan, mí n ɲɔɔlu niaa, mí n lo niaa kɔɔli háá mɛɛ o bɛnda Hala o hɔl-lɛ. Hala, o véélú niaa le luɛyɔɔ o Masale ndɔlen nin a o biilu ndɔɔ nin-ndo.

1Korɛntea 9:23

I co kon kpow tosaa le sɔɛi Hala-e vannda tiiyallo haliko ma sɔla duaa ndɔɔ.

2Timote 2:7

Keela kɔllo o sɔɔn ya co nɔm dimullo-on coo, kani Mɛlɛka kenin nɔm kɔlkaloo o dɛnndan kpow nin.

1Timote 6:12

Cɔlɔba cɔlɔba toɲaa a laalanndo. Kafalan cinda lɔ́ɔ́-lɔ́ɔ̀, kani le ndu n sɔla veeloo telen n cɔm laalan nɔmndo seiya taw o hɔl-lo ni.

Rɔmnda 15:8

I co niaa ndi dimul, vana lo o lediom coo-o Hala co ni. Lelan Krista siŋnun vana baala Yuifia ni, le kpemala Hala yiilu fuɲaa ndaa mamaa lan peeloo.

Hebreea 2:11

Yeesu dindi vanndacieea le hakila ndalan. Vana dindi vannda-o a vanaa o dindi-a kpow, fuɲa pilɔɔ nda nɔ ni. Lelan, siɛmbula ve ndu le nda veeloo aa puapilɛa le.

Nsaŋ 20:21

Mí Yeesu dimul nda vɛlɛ aa: «Màá la sɔla kɔlɲuloo! Maa mɛɛ Pua vem ya yɛ, ya bɛɛ i vem niaa.»

Aasee 1:5

Sisa, Mɛlɛka-Nɔ-Kpaayaa-Kpow-vo dimi aa: ‹Niaa pila yiyan-ndɔ ɲɛ co niaa tosalanndo-o.

Condii lisai 110:4

Mɛlɛka cii mɛnan aa: «Nɔm, a vanin vana-solia-lasálàá le fɛɛn a fɛɛn maa Mɛlkisedɛk.» O mangala lɛnin sɔɛi ndɔɛi ken te.

Yude 1:1

Ya Yude, ya co vana baala Yeesu Krista-o apuapilɛ Nsaki-o-o pɛɛn. Ya co vanaa Hala veelu, mí ndu Pua Hala kaola nda, má va a mandaa le Yeesu Krista-a sɛvallo nuaa ni.

Hebreea 3:14

Lelan te n hiow pɛ laci a simndan yili o tiindan naa tasoo nin, háá mi n tiiya o mɛɛlulan, mɛɛ n co va a yiinannda a Krista.

Esai 1:3

Nawvo sinà vana nɔ ndu-o, sofɛlɔɔ sinà hèé vana ndɔ bɛndoo. Kɛ Israɛlla nda sinà ɲɛ-ɲɛ le, yungu nuu bii ɲɛ-ɲɛ bila le.

1Timote 6:2

Cɛa co vanaa ndaa bɛndua laalan-nda o ba-a bɛnda mà kɛɛ nda bɛɛlen ke le tùú nda co puapilɛa ndaa o laalanndo nin-ndo le. Kɛ o bɛnda mà tosal nda baalaa ɲɛkɛndɛi le tùú nda co vanaa laalaŋaa nda kaola-a o, kani o nda lo tɔnɔ vali nda kon co lakɔ ni. Sɔɔn n nɔ le pɛɛkoo mà sila vannda-on n co mun ni:

2Tesalonikea 2:14

Lelan o tosa ni mò veelu niaa o Yoongu kɛndɛ naa dimul niaa-o nin, haliko mi la sɔla biilu Maalii naa Yeesu Krista-o.

2Tesalonikea 1:11

Lelan, n co piɛilen lɔ́ɔ́-lɔ́ɔ̀ le niaa. N Hala naa ɲunaa haliko mo cɛl, mì la va ceendo vilio mɛɛ o bɛnda yɛ, ceen o veelu niaa, mì la va nin-ndo. N co ndu piɛiyo haliko mi kpaaya ndɔɔ peelun o yeeman kɛndɛn co niaa o lakɔl-lon nin, mì laalan niaa peelun o dɛnndan kpow nin.

1Tesalonikea 5:27

I co niaa tɛɛlɔn, la dimi sɛbɔɔ ho puapilɛa naa kpow o hɔl.

Kolɔsea 3:12

Vanaa co o yungu Hala-o nin-nda niaa co ni. Hala hɛli niaa mó kaola niaa. Lelan la va vanaa iɲííya, vanaa ikɛndɛa, vanaa tuisiannda, vanaa kɛndɛa a vanaa biuvannda.

Kolɔsea 1:22

Kɛ nihau, o piɔ́m Po ndɔɔ sɔla o falon nin-ndo kɔɔli Hala mingi bɛndaa niaa ndaa tɛɛn ni, haliko mi la fula Hala o hɔl a sɛyannda a ɲɛm celen, a diandaa, la nɔ́ sɔŋ te.

Kolɔsea 1:12

La mel Pua Hala balika a ɲaaloo le tùú o cɛl niaa, mí la sɔla kɛ́ co o mandaa o masale ɲɛ-tengaalen nin le vanaa ndɔa-o.

2Korɛntea 1:7

Nduyɛ, n tiindan niaa ɲɛkɛndɛi, kani n sínà maa mɛɛ niaa sɔla sangaa naa ikɛi yɛ, lende koni niaa sɔla vɛlɛ ɲɔɔloo ni.

1Korɛntea 1:2

N co sɛbɔɔ ho sɛva le vanaa laalaŋaa co Korɛnte-a, le vanaa yɔngun ma va a diandaa o Yeesu Krista nin-nda, a le vanaa co diola Maalii Yeesu Krista lan veeloo nɛɛ-nɛɛ ka-a kpow, o co Maalii ndaa a Maalii naa-o.

Rɔmnda 15:27

Nda pila dimi le nda malaa ni, kɛ o kpeekpeiyo nin, o bɛnda mà mala nda. Kani te nda co n'yuif le-a sɔla pɛ tɔnɔ kɔl co le yuifia-o, mɛɛ o bɛnda mà mala nda a ɲɛm ndan.

Rɔmnda 11:17

Kɛ te lɛwvon pum kilin pɛ, mì nɔm co lɛvii yɔm yondo-ei-yo sɔla holɔɔ o fonda ndɔɔ, haliko ma va tando co fulaa o puundun yɔm nda tɔl-lo-o sɔlaa,

Rɔmnda 9:24

Naa n co yɛ kpɛɛnɛn mun ni, o tasoo, naa o veelu fulaa Yuifia tɛɛn-nda, kɛ kɔ bii niko a vanaa fula vanaa-mangalaa-isɔɔa celen tɛɛn-nda.

Nsaŋ 20:27

O kon, mó dimul Tomas aa: «Siɛndi suei mà vow, tofa ya balan. Siɛndi vɛlɛ baa mà vow ya o ilungbu, pɛngi sikaa mà laalan!»

Aasee 2:15

«La dɔw ɲɛ co hunɔɔ tosan o hau kɔɔli-o taasi ɲɛkɛndɛi. Lɔ́ɔ́ pá mì la kandu powtan hɛɛnduuo le Cɛi-Mɛlɛka-o mingio tangullo,

Esekiɛl 18:28

Te o kumbi pɛ hɔltan mò mulul dɛnnda vɔɔnnda o va tosaa lan kɔɔ, o lonin yoomu lekɛ́ndɛi, o vinin te.

Esekiɛl 12:3

Lelan, nɔm po vanacieo, bɛɛndiaa volɔɔlan maa vana nda co kɔlan o biyɔɔ nin-ndo, mà kɔɛ nda o hɔl ipala déŋ mɛɛ vana kɔa o biyɔɔ nin yɛ. Faŋan nda o hɔl o fonda n co icali-o, mà kɔɛ o fonda celen, maa vana nda co kɔlan o biyɔɔ nin-ndo.

Esai 41:20

haliko ma mɛɛndan, ma ce ma sina, ma bii bila maa ba Mɛlɛka-o tosa dɛnnda lan ni, maa O-Diandaa Israɛlla co vana tosa lan-ndo ni.»

Esai 5:12

O kafola ndala diaalan coo, bangalan, bondomalan, dundulan, sɛ̀ŋndan a mɔiyan tuŋ vana ca ni. Kɛ a nɔ kpeku a dɛnɛ Mɛlɛka-o le, a co dɛnɛ Mɛlɛka tosa a bala ndɔlan-ndo cɔ le.

Dɛnnda cɔɔmuanndan 18:20

Nɔm halataala, dɔwnun ɲaale le tambii ndɔɛi! Niaa vanaa diandaa, niaa kiilaa a niaa vanaa-tɛɛngaa-diom Hala-a, la dɔwnun ɲaale! Kani Hala ke niaa di le dɛnɛ palaa kobi kon ndóò tuisi niaa coo-o.

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

1Nsaŋ 1:3

O naa n ce mí n tuɛi-yo, ndu naa n co niaa dimullo ni, haliko mi niaa bɛɛ va latulu a naa. Nduyɛ vaa latulu naa niaa, ndu co vaa a Pua a á Yeesu Krista Po ndɔ ni.

1Piɛr 5:10

La sanga vɔnin le telen bingi. Kɛ Hala nɔ kɛndɛi kpow o ba-o, o veelu niaa o Krista nin le biilu fɛɛn-fɛɛndo-o pila pɛɛkunin niaa, mò kindi niaa, mò luei niaa yoomuan, mò tosa la hiilun te.

1Piɛr 5:1

I co kaasoŋaa co niaa tɛɛn-nda sila. Ya co kaasonɔɔ maa nda-o, ya co sei sangala Krista lan a vana vanin o biilu hun fulanin ceen-ndo nin-ndo-o:

1Piɛr 3:5

Cuɛinɔn súú vaa lende vanlaandua diandaa ndáà kɛsi kɔllo Hala coo-a ndáà nɔ sindɛ ni, má tuisin piandaa ndaa o labɛngunin,

Hebreea 9:11

Kɛ Krista ndu hin maa bolle vanaa-solia-lasálà le naa dɛnnda kɛndɛla cuu nin tosan-ndan yɔngoo. Mó luɛi o cɛi-kola-toandaa hiow vaa o bɔɔ-o nin, cɛi kon nɔ isɔw le, o co vanaciee le toosiaa ndu le, o co bɛɛ ɲɛ vaa o ceen naa ho coo le.

Hebreea 6:20

Lon Yeesu luɛi naa tase ni, le dɛnɛ naa. Mó siŋnun bolle vanaa-solia-lasálàá le fɛɛn a fɛɛn maa Mɛlkisedɛk.

Efɛsea 3:6

Dɛnɛ viannan kon co hoo ni: le Yoongu kɛndɔɔ, mí vanaa co N'Yuifi le-a sɔla kɛ́ pilɔɔ nda Yuifia latulu, má siŋnun ɲɛ pilɔɔ o dialun pilɔn nin, má sɔla kpema o yiilul nda-o latulu o Yeesu Krista nin.

1Korɛntea 10:17

Le mɛɛ buloo co ndu pilɛ yɛ, n va bɛɛ sɛ́lɛ́, dialii pilɛi kpé naa n co ni, kani bulu pilɔɔ kpé naa n co dioo ni.

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Dɛnnda kiilaa 1:15

Paale pilɛ, mí vanaa laalannda cuungian, a va le vannda kɛmɛ bidiin. Mí Piɛr can nda tɛɛn, mó dimi aa:

2Korɛntea 9:13

Le mɛɛ niaa co baala kɛndɔɔ ho tosaa yɛ, vannda biilunin Hala le sɔɔn niaa bii mì la va cɔmndo maa la co kelaa o Yoongu kɛndɛ Krista-o coo-o. A melnin vɛlɛ ndu balika le bala niaa co mɔɔsiaa nɛɛ pilɛ, mì la va ɲɔɔn pɔvianndo-on, a le tùú niaa co vanaa celen kew-vo.

Hebreea 3:12

Puapilɛa nia, la mandan, vana-vana nɔ kɔl dɛnɛ vɔɔndo a nila kalulan, mò mulul Hala nɔ yoomoo o ba-o kɔɔ le.

Hebreea 7:28

Tɔŋ Moise-o ndu handun le vanndacieea tiun te-a. Kɛ mí sɔɛi Hala mɛnan-nde, i hin o tɔŋndo kɔɔli-e i siinguu Poo bolle vanaa-solia-lasálàá, o sɔla tiuvɔnndo le fɛɛn a fɛɛn-ndo.

Hebreea 9:15

Lelan Krista co vana tɛɛlanndo le kpema sɛnɛiyo ni. O sɔla piɔ́mndo le vanndacieea baŋaa le tɛɛmbuula ndalan telen nda va o kpema tasoo bɛngu-o. Vanaa sɔla veeloo-a nda tiwba ma sɔla kɛ́ fɛɛn-fɛɛn Hala yiilu nda kpemaa-o.

Hebreea 10:19

Le kooma fula Yeesu-an puapilɛa nia, n laalan lekɛ́ndɛi maa n tiw nin ba mì n luɛi o fonda diandaa-diandaa.

Hebreea 10:23

N simnun yili o ɲɛ naa n laalan-ndo coo, kani Hala faŋàn o diomnde o dimi len coo le.

Hebreea 13:22

Puapilɛa nia, i co niaa tɛɛlɔn mì la yaŋ nilan ɲɛkɛndɛi o sɔɔn ya sɛval niaa mun le niaa yoomuan lueiyo-on. O co bɛɛ sɔɔn bɔɔ le ya sɛval niaa le.