Hebreea 2:4 - BII BILA

⁴ Mí Hala pila tɛnda seile toɲale ndalen o dɛnnda kaamaalan a o dɛnnda kɔndɔfilta súú-súù ka nda va tosaa lan nin, a mɛɛ nda va valta kɔltan sɔlaa mɛɛ ndóò hɛnan Hala yɛ.

Hebreea 2:4 Referans Kwoze

Dɛnnda kiilaa 14:3

Kɛ nduyɛ, mí Pol nda Barnabas a cii telen vilɛi Ikoniɔm ciee. A va sɔɛi a laalanndo, kani ndáà tiindan Mɛlɛka, mí Mɛlɛka cɛl, má tosa dɛnnda kaamaalan a dɛnnda kɔndɔfiltan le cɔmndo maa toɲaa sɔɛi nda va dimio a kɛndɛi ndɔɛi o kɔɔ-e va ni.

Efɛsea 1:5

ndóò cii nin cɛlɔɔ mi ndóò siinguu naa cuavaa ndɔa o Yeesu Krista nin. Mɛɛ hɛnan ndɔɔ co yɛ o tosa kon ni.

Marke 16:20

Má kɔannun a sɔɛi Hala-e dimio nɛɛ-nɛɛ ka. Yeesu va latulu a nda o baala kon nin, mó va nda kpaayaa keo le dɛnnda kaamaalan tosaa. Cɔmndo va kon ni maa toɲaa kaandennda va dimio ni.]

Nsaŋ 4:48

Mí Yeesu dimul ndu aa: «Te o co mì la ce dɛnnda kɔndɔfiltan a kaamaalan te, la laalan dɔ́ɔ́ le!»

Nsaŋ 15:26

Telen vana nia ɲɔɔlaa hunnin fulaa Pua o ba-o, Kɔl toɲa fula o Pua lo-o timbinin seilen a ya o kɔɔ,

Efɛsea 1:9

O cɔm naa sɔɛi vianaŋii ndóò yeema le tosaa-e, sɔɛi vianaŋii kɛndɛ-kɛndɛ ndóò tuu le tosaa o Krista nin-nde.

Dɛnnda kiilaa 4:10

Nduyɛ, mɛɛ mì niaa kpow sina hee, mì Israɛlla bɛɛ a sina maa: o diola Yeesu Krista fula Nasarɛt-o lan, o niaa baŋ o yɔm singafilaa coo, mí Hala mingi ndu yoomu fulaa vanvílɛ́iya tɛɛn-ndo lan langbanɔ co hoo isisi niaa o hɔl-lo sɔla siongɔɔ ni.

Marke 6:14

Mí masaa Herɔde tuɛi sɔɛi ken, kani Yeesu ndóò kela nin tɔ́ɔ́ taw. Mí vannda va dimio aa: «Nsaŋ Vana-yinaa tendu fulaa vanvílɛ́iya tɛɛn, o fula ciee-piɔ́m mó muungu yoomu, lelan o nɔ kpaayaa le dɛnnda kaamaalan tosaa nuaa ni.»

Dɛnnda kiilaa 5:32

Naa n co seiya le dɛnnda lan ni, naa a Kɔl-Diandaa Hala yɔngu vanaa co sɔɛi ndɔɛi biyɔɔ-a pɛɛn.»

Efɛsea 4:7

Kɛ naa a pilɛn-pilɛnnda, vana-vana sɔla kɛndɛi mɛɛ ke Krista-o tuunun yɛ.

Hebreea 6:4

N tofan ndɔ sɔɛi vanaa muungu mà del o ceen nda paandoo nin-nda. A sɔla ɲɛ-tengaa Hala-o, má sɔla ke Hala-o, má sɔla Hala Kɔl-Diandaa,