Hebreea 2:3 - BII BILA

³ Nduyɛ, vɛ̀ɛ̀ naa naa n fula yɛnin o ken nin, te n luei sɔɛi cinda bɛndoo ho yii le? Maalii pila kandu sɔɛi ndɔɛi dimio ni, o kon kɔɔli, mí vanaa tuei sɔɛi cinda kon-nda peelul naa diomnde len.

Hebreea 2:3 Referans Kwoze

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

Rɔmnda 2:3

Éé nɔm vanacieo! Nɔm co hoo yaman caanda kiolɔɔ-o, kɛ nduyɛ, nɔm pila bɛɛ co dɛnnda nda co tosaa lan tosaa, a co yiyanndo maa a hialunnin yamɛi Hala-e?

Hebreea 5:9

Nduyɛ, mó peelun o dɛnndan kpow nin. Sunsun, vana-vana bii pɛ sɔɛi ndɔɛi, o ke ndu cinda fɛɛn-fɛɛndo.

Dɛnnda kiilaa 4:12

Cindaa sɔlan o vana celen nin te, kani o ceendo coo, diola kɛ́-kɛ̀ la yɔngun vanndacieea tɛɛn te, la naa n sɔla cindaa kɔɔli lan.»

Esekiɛl 17:15

Kɛ mí vana kon luɛi seesiɛi ndu o ba, mó yaa kiilaa o lɛŋnde Esipte len nin haliko mi kan yɔngu ndu soa a vannda sɛ́lɛ́ bɛndoo taw-taw. Vɛ̀ɛ̀ vana tosa lende-o tiwnin pá ba le tùú kon peeloo? O nɔlanin pá hiɔlɔnndo? O cii kpemaa tɛɛmbuu, lelan o helunnin te few!

Hebreea 4:11

Lelan n kindikindin le luɛyɔɔ o pɛngi kon nin, haliko vana-vana del mò bumba le luɛyɔɔ maa fuɲaa naa mamaa lɔ́ɔ́ kon te.

Hebreea 1:2

Kɛ sunsun, o palɛi mɛɛlɛi he nin, mó soaa o naa lo a sondo po ndɔɔ. A po ndɔ kon o cɔw ceendo ni, ndu Hala koni hɛli vɛlɛ ni mí ɲɔɔn kpow n va le ndu.

Luke 1:2

má tiiyal vannda lan mɛɛ seyaa ce sɔɔn mun a lehɔl kabi o tasendɔ-a a dimul naa yɛ, aa sɔla kan dio le sɔɛi Hala-e dimio-a pɛɛn.

Dɛnnda cɔɔmuanndan 7:10

A va yondaa coocoo kpélén aa: «Le Hala naa co icali o kpɛŋɛ lemasaa nin-ndo a le Saa téndóó cindaa co ni.»

Tite 2:11

Kani Hala cɔm kɛndɛi ndɔɛi, i yɔngú vannda kpow cindaa-e.

1Timote 1:15

Sɔɛi toɲɛi co hee ni, i vannda kpow a bɛnda mì n cɛl-le: Yeesu Krista hin o ceendo coo le vanaa lahakia ciindiaa. Ya co vana lahaki tasoo o nda tɛɛn ni.

Matie 23:33

Niaa kɛwva ha, niaa hɔ̀ɔ̀lɔ́a! Vɛ̀ɛ̀ niaa ɲaanun yɛnin yamɛi co niaa hunɔɔ kilulɔn le kɔlan o ɲánndávàà-e?

Esai 62:11

La tuei-yɔ Mɛlɛka, o co sɔɛi he yondaa háá nɛɛ lɛŋnden le mɛɛlu-a aa: «La dimul vannda Siɔn aa ‹La tofa vɔ vana ciindiaa niaa hunɔɔ. Salaa co ndu o ba, vɔ̀ngɔ̀ ndɔɔ co ndu laci.

Esai 51:5

Dɛnɛ sandaa nuu co nin kpɛɛlun, cinda nuu co fula ceen, bala nilan la kialunin yamɛi vannda súúlan kpow, lɛŋii co o mɛnndan tɛɛn-nde kɛsinin kɔllo ya coo, i luɛinin ya o ba bɛngu.

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

Hebreea 4:1

Hala cii naa dimul maa n luɛinin o pɛngi o toosial naa-o nin. Lelan n mandan taw, vana-vana o niaa tɛɛn bɛnda mò lo kɔɔli le luɛyɔɔ o pɛngi kon nin te.

Dɛnnda kiilaa 2:22

Niaa Israɛlla, puapilɛa nia, la yaŋ nilan o sɔɔn mun! Yeesu fula Nasarɛt-o, langbanɔ kon Hala cɛl ndu niaa tɛɛn o dɛnnda kaamaalan nin, o dɛnnda kɔndɔfiltan nin a o tɔɔmaselela o va tosaa niaa tɛɛn-ndan nin, maa mɛɛ niaa sina kon válán yɛ.

Dɛnnda kiilaa 1:22

kandɔɔ telen Nsaŋ va vannda yinɔɔ-o, kɔlan háá paale Yeesu faŋan naa tɛɛn, mó hel o halataala len. Lelan, mɛɛ mì vana pilɛ o vanaa kan tɛɛn siŋnun seiyo maa naa a tendul Yeesu-o o kɔɔ.»

Nsaŋ 15:27

niaa bɛɛ la timbinin seilen a ya o kɔɔ, kani naa niaa co latulu kabi o tasendɔ ni.»

Luke 24:19

Mí Yeesu ɲuna nda aa: «Dɛnnda yɛɛ nɛ lan?» Má mulul ndu aa: «Ɲɛ yɔŋnun Yeesu fula Nasarɛt-o pɛɛn, o yɔŋnun Vana-tɛɛngaa-diom Hala kpaayaa-o, o cɔm kon o dɛnnda o tosa lan nin a sɔɔn o va dimi-on nin Hala o hɔl a vannda kpow o hɔl.

Marke 1:14

Mɛɛ nda bii Nsaŋ, mí Yeesu kɔannun Kalile. Mó va yondaa a Yoongu kɛndɛ Hala-o o kɔɔ,

Esekiɛl 17:18

Kabi o pɛɛsa mɛnan o mɛnan-ndo, mó tɛɛmbuu kpemaa, nduyɛ ndóò ciinin laba sɔɔ mó cɛl. Lelan mɛɛ o tosa kon kpede yɛ, o helunnin te few.

Esai 51:8

Kani a kɔwnin maa kola, mà tambu, fɛlɛkpɛkpɛa dianin nda maa kola toosian a yiiŋii saa-o, kɛ dɛnɛ ni sandaa viawnin le fɛɛn a fɛɛn, cinda nuu pɛngɛlannin le lambilan o lambilan nin.

Esai 20:6

O palɛi ken nin, vanaa vanin kan icali o lɛŋii co ken o mɛnndan kɔngɔ-e nin-nda a diminin aa: «La tofa vɔ mɛɛ ɲɛ naa n va kɔnganndo-o siŋnun yɛ! N va tiindanndo maa n sɔlanin malaa lon mi n vennun ndon, haliko mi n sɔla baŋaa masaa Asiri o ba! Vɛ̀ɛ̀ naa n nɔla yɛ lɛnin hiɔlɔnndo kpeekpei?»

1Tesalonikea 5:3

Telen vannda vanin dimio aa: «Kɔlɲuloo tiw, n co nila ɲulo-o», o telen kon kpeekpei dɛnɛ palaa voolunin nda maa mɛɛ telen vialaa voolu vanalanɔɔ nuaa yɛ ni, a helunnin te.

Luke 1:69

O yɔngu naa vana ciindiaa bɛndoo fulaa o polale David len nin, David vana baala ndɔɔ pɛɛn.

Matie 4:17

Cɔn nin a telen kon, mí Yeesu kandu yondaa, mó va dimio aa: «La mal yɔŋ vɔɔndo mì la mangalan, kani masale halataala len le tiiyaa.»

Rɔmnda 11:14

I nɔ kɔlkɛsiaa maa te i dimi pɛ lende, ken co kɔl paŋalaa luei vanaa naa n co súú pilɔɔ-a nin, o kon mì vanaa pum a sɔla cindaa.

1Korɛntea 1:21

Le mɛɛ ceendo a kɔlkalu ndɔɔ siná Hala o kɔlkalu ndu Hala-o nin te yɛ, mí ɲɔɔ hɛnan Hala le vanaa laalannda ciindiaa a sɔɛi ndɔɛi vannda co ken cɔu diɔmnde-e.

Hebreea 1:1

Sindɛ Hala va sɔɛi a sondo vanaa-tɛɛngaa-diom Hala-a o fuɲaa naa mamaa lo le telennda bɔɔ-bɔɔ a o nɛila yɛ́-yɛ́ coo.

Hebreea 1:14

Mɛlɛkaa nda co macoaa maa kiilaa Hala-a, nda Hala viam le kɔlan vanaa sɔlanin cindaa-a sɔɔn dimullo ni.

Hebreea 9:28

Lende koni, lepilɛ kpé Krista solin sálà le hakila vanaa bɔɔ-bɔɔ faŋaa ni. O hun cɔmnunnin vɛlɛ o diinndɔɔ le vanaa co ndu cumndo-a hunɔɔ ciindiaa, kɛ o ve lɛnin le lahaki faŋa le.

1Nsaŋ 1:1

Ɲɛ va kabi o tasendɔ-o, o naa n tuei-yo, o naa n ce a lehɔl-lo, o naa n mɛɛndian mí n pilan a dɛnɛ sɔɛi cindɛi o kɔɔ-o,

Yude 1:17

Kɛ niaa caaŋaa nia hɛnan ya-a, la loonun a sɔɔn kiilaa Yeesu Krista-a dimi-on.