Hebreea 2:2 - BII BILA

² Mí sɔɛi Hala ndóò dimi sindɛ a sondo mɛlɛkaa-e cɔmnun kpendekele, vannda pum ndáà luei ndi yii le, a bii ndi le, má sɔla sanga ndáà bɛnda le sɔlaa-o.

Hebreea 2:2 Referans Kwoze

Dɛnnda kiilaa 7:53

La sɔla tɔŋ Hala-o fulaa mɛlɛkaa o ba, kɛ la bii ndu le.›»

Kalatea 3:19

Mi le yɛɛ nɛ tɔŋndo ndu co yɛ niko? Le tɛɛmbuula vanndacieea o handun ni, háá mi polale kpemaa ndóò yiinun-nden léè tiiya. Mɛlɛkaa dimul vana tɛɛngaa ndu ni.

Hebreea 10:28

Vana-vana tɛɛmbuu pɛ tɔŋ Moise-o mì vanaa ŋiɔn te kon te a yaa tɛnda seilen maa lende i co ni, o bɛnda mò sɔla piɔ́mndo, a tuinun vana kon iɲíí le.

Yude 1:5

La sínà sɔɛi ken ɲɛkɛndɛ-kɛndɛ, i yeema mi yiyalan niaa mɛɛ Mɛlɛka baŋa Israɛlla o lɛŋnde Esipte len nin, kɛ mó diw vanaa kɛɛ le ndu laalanndo-a.

Tɔŋ miingua 27:26

Màá dangaa va vana kɛɛnin le sɔɔn tɔŋndo biyɔɔ, mò kɛɛ le kelaa lecoo-o coo! Vannda kpow a cɛlnin aa: ‹Amiina!›»

Hebreea 11:26

Mó ca maa sangaa sɔlaa le Krista co fisa a bolofaa Esipte. Kani vɔ̀ngɔ́ va ndu laci-o caando va cɔu ni.

Hebreea 10:35

Lelan, la màl laalanndo le, la sɔlanin sala bɛndoo le ndu.

Tɔŋ miingua 17:12

Te vanndo pum tosa pɛ yongaa, mò kɛɛ le yamɛi vana-solia-lasálà co baalaa tosaa le Mɛlɛka Hala niaa-o kelu-e cɛlɔɔ, te kon te mò kɛɛ le diom vana kialaa n'yamaa biyɔɔ, vana kon bɛnda mò sɔla piɔ́mndo kangalan. Lende niaa tosanin le dɛnɛ vɔɔndo faŋaa Israɛlla tɛɛn ni.

Tɔŋ miingua 17:5

la bii vana tosa dɛnɛ vɔɔn kon-ndo, la kɔɛ a ndu o sondo kpaki kobi niaa kon, la vii ndu a powtan háá mò vi.

Hebreea 11:6

Nduyɛ, te o co a laalanndo le, vana-vana nɔla Hala hɛnan te. Kani, vana va pɛ Hala sɔɔnguuo ikɛi, fɔ mò laalan maa Hala co, maa o salanin vanaa co ndu nuwviaa-a.

Hebreea 1:1

Sindɛ Hala va sɔɛi a sondo vanaa-tɛɛngaa-diom Hala-a o fuɲaa naa mamaa lo le telennda bɔɔ-bɔɔ a o nɛila yɛ́-yɛ́ coo.

Condii lisai 68:17

Nɔm pembii nɔ hee dúkúdúkùlan taw-ve, le kɔlɔ yɛɛ n co yɛ pembii Hala hɛli le calle lecoo-e paŋalaa, nɛɛ Mɛlɛka vanin icali le fɛɛn a fɛɛn-nda pɛɛn?

Tɔŋ miingua 17:2

Te o va pɛ maa o kobila Mɛlɛka Hala niaa ke niaa lan o pum nin, vanapɔnɔɔ pum, te kon te vanalanɔɔ pum niaa tɛɛn o tosa dɛnɛ hɛnan Mɛlɛka Hala niaa loo, mò del kasi a kpema Mɛlɛka-o,

Kundalan 25:9

Kɛ kpundɛ kalaa ndóò diw nin vannda vaalan bidiin a lahiɔɔlu.

Kundalan 21:6

O kon, mí Mɛlɛka solul nda kɛvaa vɔɔŋaa nɔ lólòla nɛyaalan-nda, má lɔwviaa nda, mí vannda taw a vu o Israɛlla tɛɛn.

Kundalan 11:33

Israɛlla vownɔnndo dɔ́ɔ́ visin mun o lasondo, mí Mɛlɛka tuulu kɔl a nda, mó tuisi nda nàà halima vɔɔndo pum coo.

Tɔŋ miingua 32:2

Silala nilan la co cucɔnndo mɛɛ piɔɔ sia nuaa yɛ, sɔɛi nii co delio mɛɛ kɛmndan ma cɛɛluu nuaa yɛ, pɛɛkula nilan la co cucɔnndo mɛɛ mɔ́mndo cucun o yondo puiyaa coo nuaa yɛ.

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

2Piɛr 1:19

Hiovɔɔ o kon coo, sɔɔn vanaa-tɛɛngaa-diom Hala-a n co naa o ba, n niaa nɔ dí le hɔlten handɔɔ coo mɛɛ vana handu fitina co biyɔɔ o ɲumndan nin-ndo hɔlten coo háá mi ɲɛ-tengaa paale siaa tenga, mì loei idii-e tenga o kɔlta niaalan nin yɛ.