Hebreea 2:16 - BII BILA

¹⁶ Kani o co le mɛlɛkaa mala le o hin te, kɛ vanaa fula o polale Abraham-nden nin-nda o hin mala ni.

Hebreea 2:16 Referans Kwoze

Kalatea 3:29

Te o va yɛ pɛ maa le Krista niaa co ni, mɛɛ niaa co polale Abraham-nden ni, niaa co vanaa cuanin kɛ Hala yii kpemaa-o ni.

Kalatea 3:16

Lende koni kpemala Hala yiilu Abraham a polale ndɔlen-ndan la co ni. I dimin te aa: «Le cuavaa ndɔa imamaa», vana ca ko aa le vanaa co sɛ́lɛ́-a ni, kɛ maa le vanndo ndu pilɛ kpé, aa: «Le polale nɔmnden, Krista pɛɛn!»

O Kandɔɔ 22:18

Vanaa-mangalaa-isɔɔa súúlan kpow o ceendo coo a sɔlanin duaa cuavaa nɔmnda o ba bɛngu. Kani nɔm Abraham, a bii sɔɛi nii.»

Hebreea 12:10

Fuɲaa naa nda, le telen bingi koni ndáà saangiaa naa le tɛɛmbuu naa ni, a va yiyanndo maa lende ndóò naŋ ni. Kɛ Hala ndu, le naŋɔɔ naa o saangiaa naa le tɛɛmbuula naalan ni, haliko mi naa bɛɛ n dendu maa ndu.

Hebreea 6:16

Kani vanndacieea va pɛ mɛnanndo, a mɛnan o diola vana hiow nda-o. Mɛnan kon tosà ni mì vannda laalan sɔɛi ndɔɛi, mì sɛɛngianndo cuu.

Rɔmnda 2:25

I co toɲa maa o naŋ mì vana dii toomaa, te vana kela pɛ o sɔɔn tɔŋndo dimi-on coo. Kɛ vana tɛɛmbuu pɛ tɔŋndo, mɛɛ tooma n dii-o siŋnun maa lekɔ̀ndé.

1Piɛr 1:20

Mó sɔla hɛlio lɔ́ɔ́ pá mí ceendo cɔawnun, mó fula ceen vakpa o palɛi mɛɛlɛi he le dɛnɛ niaa kɛndɔɔ.

Hebreea 2:15

O ceen ndaa nin kpow, maa n'cɛ vanndacieea va ni, kani siòònde va nda a piɔ́mndo. Kɛ Yeesu vuo, mó baŋa nda.

Hebreea 2:17

Lelan, mɛɛ mí ndóò vel puapilɛa ndɔa, haliko mi ndóò siŋnun bolle vanaa-solia-lasálàá, vana ikɛndɔɔ a vana lo o lediom coo o baala Hala-o nin-ndo, haliko mo sɔla malɔɔ lahakio le vannda kpow.