Hebreea 2:13 - BII BILA

¹³ Mó dimi vɛlɛ aa: «Ya i dɔawnin tiindan nuu o Hala nin.» Mó dimi vɛlɛ aa: «Má cè ya naa cuavaa Hala yɔngu ya-a!»

Hebreea 2:13 Referans Kwoze

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

1Korɛntea 4:15

Kani hali la nɔ bɛɛ vannda vaalan tɔ́ le niaa nɛila Krista lan cɔmndo, fuɲaa ndu pilɛ kpé niaa nɔ o Yeesu Krista nin ni, ya siŋnun fuɲa kon ni, le cuu ya cuu niaa yoongu kɛndɔɔ-o.

Nsaŋ 10:29

Fuɲa ni ke ya nda-o, ndu hiow ɲɔɔn kpow. Vana-vana nɔla nda hiɔlɔɔ Pua o ba le.

Condii lisai 91:2

I co Mɛlɛka dimullo aa: «Nɔm co nɛɛ nia viannannda a kpaki nuu ni. Hala nuu, nɔm ya tiindan ni.»

O Kandɔɔ 48:9

Mí Yosɛf muli aa: «Poaa Hala ke ya o lɛŋnden nden nin-nda n ca nuaa ni.» Mí Israɛl dimi aa: «Sɔɔnguu nda ya ikɛi mì dɔw nda duaa.»

Condii lisai 18:2

I kaola nɔm Mɛlɛka, nɔm co kpaayaa nuu ni.

2Samiɛl 22:3

Pow kpovaa Hala nuu co le ya ni, nɛɛ ya viannun-nda pɛɛn. Ndu co kɔ̀ɔ̀ cɔw kanda ya-o ni, ndu co vana ni ciindiaa ni, ndu baŋa ya vanaa kɔlvesɛiya o ba ni.

O Kandɔɔ 33:5

O kon kɔɔli, mí Esau cua hɔlla, mó ca laandaa Yakɔb-a a cuavaa ndɔa. Mó ɲuna ndu aa: «Vanndacieaa kuɛɛ co yɛ haa nɔm kɔɔli?» Mí Yakɔb muli aa: «Kɛndɛi Hala tosal ya vana nɔm baalaa-e n ca nuaa ni. Cuawva ha o dɔw ya o ipulu ni.»

Condii lisai 127:3

Kɛ́ Mɛlɛka ke naa-o cuawva co ni, hɔ́aa co naa fulaa o n'pulu-a vɔ̀ngɔ̀ Mɛlɛka dɔw naa-o nda co ni.

Condii lisai 16:1

Condii fula o condun David-on nin-nde. Éé Hala, kanda ya! Kani o nɔm ndo ya hin vionnɔnndo nuaa ni.

Matie 27:43

Hala o tiindan ni, te Hala yeema pɛ ndu, mɛɛ o baŋa vɔ ndu niko. Kani o dimi maa Po Hala-o o co ni.»

Esai 53:10

Kɛ mí Mɛlɛka cɛl mí sanga bɛndoo toal ndu coo. Ndu pila ciiyo yɔngɔnndo le sálà bɛɛndiaa isɔɔ solio, mó sɔla cuawva taw o polale ndɔlen nin, mó bɛndi yoomu ndɔɔ, o ndu nin Mɛlɛka tosanin hɛnan ndɔɔ ni.