Hebreea 13:8 - BII BILA

⁸ Mɛɛ Yeesu Krista va cɛi yɛ, lende koni o co hau ni, lende vɛlɛ koni o vanin le fɛɛn a fɛɛn ni.

Hebreea 13:8 Referans Kwoze

Malasi 3:6

«Ya Mɛlɛka, i yɛlɛman te. Niaa niaa, cuavaa Yakɔb-a tuŋ niaa co ni.

Nsaki 1:17

Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

Dɛnnda cɔɔmuanndan 1:8

Maalii, Hala-Nɔ-Kpaayaa-Kpow-vo dimi aa: «Ya co Alfa a Omeka ni, vana co-o, ó va-o a o co hunɔɔ-o.»

Hebreea 1:12

A tui-tuinin ndan maa doma bɛndu, mì la mangalan maa volɔɔ cuɛinan, kɛ nɔm ɲɛ pilɔɔ kpé n co ni, yoomu nɔmndo nɔ lamɛɛlu le.»

Esai 44:6

Mɛlɛka, masa Israɛlla a vana nda baŋaa soo, Mɛlɛka-Nɔ-Kpaayaa-Kpow-vo dimi aa: «Ya co vana tasoo ni, ya co vɛlɛ vana mɛɛlaa ni, o ya kɔɔli, Hala celen co le!

Condii lisai 90:2

Lɔ́ɔ́ pá mí pembon fula, lɔ́ɔ́ pá mí lɛŋnden a ceendo kandun, nɔm co Hala fɛɛn-fɛɛndo ni.

Condii lisai 103:17

Nduyɛ kabi sindɛ, háá le fɛɛn a fɛɛn vɛlɛ, Mɛlɛka vanin vanaa nɔ siòòŋii ndɔɛi-ya kaolaa. Taa bii pɛ kpema ndɔɔ, mà yiyan, mà bii silala ndɔlan. O tosalnin vɛlɛ cuavaa ndaa mamaa dɛnɛ sandaa.

Esai 41:4

Nɛ̀ɛ́-nɛ̀ tosa yɛ dɛnndan ndan? Nɛ̀ɛ́-nɛ̀ tosa yɛ lende? Ndu veelu lambilan kabi o kandɔɔ-o ni. Ya Mɛlɛka ni, ya va o tasoo a lambila taselan ni. Ya koni vanin vɛlɛ a la mɛɛlaalan ni.

Condii lisai 90:4

Kani vɔsilan vàá pilɛ la co macoaa nɔm o hɔl maa paale pilɛ, le hiownun nin-nden, te kon te maa ɲumma paale pilɛ.

Dɛnnda cɔɔmuanndan 1:4

Ya Nsaŋ co vanaa laalaŋaa co o kobila ŋɔmmɛwla co o tàndá Asii-o nin-ndan sɛvallo ni: Màá kɛndɛi a kɔlɲuloo yɔngun niaa fulaa vana co-o, ó va-o a vana co hunɔɔ-o o ba, fulaa kɔlta ŋɔmmɛwla co o kpɛŋɛ ndɔ lemasaa hɔl-ndɔ lan,

2Korɛntea 1:19

Kani sɔɛi Yeesu Krista Po Hala-o, o Silas, Timote a ya pila dimul niaa sɔɛi ndɔɛi-yo, o co sɔɛi vana cɛl mà kɛɛ le. Kɛ o ndu nin, oi koni co oi ni.

Dɛnnda cɔɔmuanndan 1:11

mo va ya dimullo aa: ‹Sɛva ɲɛ n co cɔw-vo o sɛbɔɔ nin, mà yoo kundala ŋɔmmɛwlan ndan: Efɛs, Smirne, Pɛrkam, Tiatir, Sarde, Filadɛlfii a Laodisee.›

O Kandɔɔ 21:33

O kon kɔɔli, mí Abraham tɔal yɔmndo, tamariio, Bɛɛr-Seba lon. Mó biilu Mɛlɛka, Hala co le fɛɛn a fɛɛn-ndo pɛɛn.

Fulaa 3:14

Mí Hala dimul ndu aa: «Ya co I CO ni.» Mó cɔɔlu vɛlɛ dimi aa: «Dimul Israɛlla aa I CO vem ya o niaa lo ni.»

2Korɛntea 1:20

Kani Yeesu co Oi peelu kpemala Hala lan kpow-vo ni. Lelan, o ndu nin naa n dimi ni aa: «Amiina», mì Hala sɔla biiloo.

Yude 1:25

biiloo co le Hala Vana naa ciindiaa ndu pilɛ kpé, o Maalii naa Yeesu Krista nin. Biiloo, bɔɔbɔɔyɛi, kpaayaa a dio co le ndu kabi paandu, sunsun a le fɛɛn a fɛɛn. Amiina!