Hebreea 13:7 - BII BILA

⁷ La loonun ndɔ a simlacia niaa paandua, a tiiyal niaa sɔɛi Hala-e-a pɛɛn. Mì la dɔw mɛɛlula ndalan taasi, mì la tuula laalan ndaa.

Hebreea 13:7 Referans Kwoze

Hebreea 13:17

La bii diomnda simlacia niaa mì la tuisin nda o labɛngunin. Kani a nɔ niaa hɔlten coo le kona nda hun dɔawnunnin o Hala lo-o. Lelan te la tuei nda pɛ diom, a tosa baala ndaa a ɲaaloo, o ve a cɛɛŋɔn te, la sɔla mala oo mala o ken nin te.

Filipea 3:17

Puapilɛa nia, la tuula ya. La tofa vanaa co kelaa maa mɛɛ niaa ce naa kelaa yɛ-a.

Hebreea 6:12

La vá vanaa dialun vílɛ́i le, kɛ la vá velan vanaa laalaŋaa kindin má lo lecoo-a, a sɔlá ɲɛm Hala yii kpemaa-on kɛ́ɔ-va pɛɛn.

1Tesalonikea 1:6

Niaa yɛ, a sanga bɛndu niaa sɔla-o kpede, mí la vial naa, mí la vial vɛlɛ Maalii o dɛnndan nin, mí la cɛl sɔɛi Hala-e a ɲaaloo, ɲaale Hala Kɔl-Diandaa yɔngu niaa-o pɛɛn.

Dɛnnda kiilaa 14:23

O kunda vanaa Hala-a kɛ́-kɛ̀ nin, má kɛsi simlacia, má piɛi Hala, má bii sumndo, má sɔaa nda Mɛlɛka nda laalan-ndo o ba.

Matie 24:45

«Ɔ́ɔ̀ vana baala kɔlkalu lò kon o diomnden coo-o, ò vana ndɔ bɛndoo handu buɛyaa ndɔa bollen le nda baloo keo o telen bɛnda-o-o?

1Timote 3:5

Kani te vanndo cee yungule ndɔlen biyɔɔ le, vɛ̀ɛ̀ o tiw yɛnin ba mo caa vanaa Hala-a biyɔɔ?

Hebreea 13:24

La yil simlacia niaa a vanaa laalaŋaa tɔ̀a kpow. Vanaa laalannda Itali yil niaa.

1Tesalonikea 2:13

N co vɛlɛ Hala balikaa mello lɔ́ɔ́-lɔ́ɔ̀, kani la bii sɔɛi ndɔɛi niaa tuei naa o lasondo-e, la bii ndi maa sɔɛi n'vanndaciee le, kɛ mí la bii ndi mɛɛ i co sɔɛi Hala-e lekɛ́ndɛi yɛ, sɔɛi co vanaa laalannda baalaa tosaa nin-nde.

1Korɛntea 4:16

Lelan i co niaa tɛɛlɔn, la va maa ya.

Rɔmnda 10:17

Lelan, o tueyɔɔ nin laalanndo fula ni, ɲɛ vana tuɛi yɛ kon-ndo, o sɔɛi Krista-e nin o fula ni.

Dɛnnda kiilaa 4:31

Mɛɛ nda cii Hala piɛi, mí fonda ndáà cuungian coo-o ɲiiya. Mí Hala Kɔl-Diandaa pia nda nin kpow, má kandu Sɔɛi Hala-e dimio a kɔlkɛsiaa.

Condii kɛndɛ-kɛndɛi 1:8

«Òó nɔm vanalanɔ hiow vanlaandua naŋɔɔ-o, diom foofola bɛngula saa, mà yɛɛ cuinaa téndéa nɔmnda diólan o kùùla vanaa mandaa n'cɔlua ikɛi.

Dɛnnda cɔɔmuanndan 6:9

Mɛɛ o kumbi tɔɔmasele ŋuɛɛnundɔɔ, mí ca kɔlta vannda pum o fonda-loamaa-lasálàá bɛngu, vanaa ndáà kili bololan le sɔɛi Hala-e a le seile ndáà timbi len-nda pɛɛn.

Dɛnnda cɔɔmuanndan 20:4

Mí ca kpɛŋɛla lemasalan, mí vannda cal lecoo. Mí dio kennun nda le yamɛi kiolɔɔ. Mí ca kɔlta vanaa nda kili bolle le seile Yeesu len a le sɔɛi Hala-e-a, a vanaa ndáà beŋ vulan visio a tuula ndɔɔ o labɛngunin te-a, a ndáà sui pondalen o itendu a o baa le-a pɛɛn. Má muungu yoomu, má tosa masalen nda Krista-a latulu le vɔsilan vàá pilɛ.

Dɛnnda cɔɔmuanndan 1:9

«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

2Tesalonikea 3:9

N tosá kon, o co dimi le maa niáà tiwba naa malaa le, kɛ náà n yeema mì náà n cɔm niaa tɔɔmasele kɛndɔɔ le kelaa lecoo.

1Korɛntea 11:1

La tuula ya mɛɛ ya bɛɛ co Krista tuulaa yɛ.

Luke 12:42

Mí Maalii mulul ndu aa: «Ɔ́ɔ̀ niko vana baala kɔlkalu lò kon o diomnden coo-o? Ndu co ò vana ndɔ bɛndoo dimulnin le hɔlla landɔɔ cɛi ndɔɔ coo a le vanaa baalaa tɔ̀a ɲɛdiaa yɔngoo a telen bɛnda-o-o ni.

Luke 8:11

Mí Yeesu dimul kaandeŋaa ndɔa aa: «Kɔlɔ taloo ho co hoo ni: yɛiyo co sɔɛi Hala-e ni.

2Tesalonikea 3:7

Niaa pila sínà maa o bɛnda mì la tosa maa naa. Kani telen naa n va niaa tɛɛn-ndo, n ve vanaa idiyɛ le.

1Korɛntea 10:13

Tɔɔndan oo tɔɔndan co niaa komallo, tɔɔndannda ivanacieeya lan daama la co ni. Kɛ vana lo o lediom coo-o Hala co ni, nduyɛ o cɛlnin mì tɔɔndanndo hiow niaa mayoomu le. Kɛ te tɔɔnndanndo komal niaa pɛ, o yɔngunin niaa fɛlɔɔ mì la tiwba ndu biuvɔnndo, o kon mì la fulan lenin.

Dɛnnda kiilaa 13:46

O kon, mí Pol nda Barnabas dimul nda a tiindanndo kpendekele aa: «Ndóò bɛnda mì naa n dimul niaa fɔlɔn sɔɛi Hala-e. Kɛ le mɛɛ niaa co ndi kɛɔ, mì niaa pila va cɔnɔnndo maa la co vanaa bɛnda mì la sɔla yoomu fɛɛn-fɛɛn te yɛ, n co mulin o vanaa co N'Yuifi le-a lo.

Luke 5:1

Paale pilɛ, Yeesu va isisi o dalaa Kenesarɛt kɔngɔ, mí vannda balu ndu sɔ́, a va sɔŋisɔŋianndo le sɔɛi Hala-e nilan yaŋɔɔ.

1Piɛr 4:11

Te vanndo va pɛ sɔɛi, o soo le diomnda Hala lan tɛɛnguuo. Vana nɔ pɛ keo le dɛnɔɔ pum tosaa, o tosa ndu a kpaaya Hala yɔngu vana-o, haliko mi Hala sɔla biiloo o dɛnndan kpow nin o diola Yeesu Krista lan. O biiloo a kpaayaa co le ndu le fɛɛn a fɛɛn-ndo. Amiina!