Hebreea 13:4 - BII BILA

⁴ Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.

Hebreea 13:4 Referans Kwoze

O Kandɔɔ 2:24

Lelan, vanapɔnɔɔ faŋannin fuɲa ndɔ a kala ndɔ, mò holnun laa ndɔ, mà siŋnun dialii pilɛi nda ŋiɔn.

Kalatea 5:19

Nduyɛ dɛnnda n'falulan la co kpendekele: suundaa, dɛnnda nɔɔlɛilan, ilaasi-laasiei,

Kalatea 5:21

yeemɛi bɛnduei, mɔiyan yɔngɔnndo, pululen a dɛnnda vaa lende. Vanaa co dɛnndan ndan tosaa-a, i co niaa ndi pɔɔ dimul maa mɛɛ ya dimúl nin niaa ndi yɛ, nda sɔlanin kɛ o masale Hala len nin te few.

1Korɛntea 6:9

Niaa pila sínà maa vanaa sendu le-a lueinin o Masale Hala len nin te. La huinun te: vanaa-vanaa co keiyo suundaa, vanaa soolaa n'piɔmnda, vanaa kei suundaa a langbaa felengia-a, vanpiaandua tosa kpelemɔsaa a caaŋaa ndaa vanpiaandua-a,

Efɛsea 5:5

Kani mɛɛ mì la sínà hee ɲɛkɛndɛi: vana-vana co vana suundaa, vana nɔɔla Mɛlɛka o hɔl-lo, te kon te vana nɔ yeemɛi vɔɔnde-o (kani yeemɛi vɔɔnde nɔu, piɔmnda sooloo co kon ni), nda sɔlanin Masale Krista len a Masale Hala len maa kɛ́ le.

1Timote 3:12

Vana co vanaa laalannda malaa-o bɛnda mò nɔ lanɔɔ ndu pilɛ kpé, mo va vana caa cuavaa ndɔa a yungule ndɔlen biyɔɔ-o.

1Timote 3:4

O bɛnda mò va vana caa yungule ndɔlen biyɔɔ-o, vana cuavaa ndɔa tuei diom mà bii sɔɛi ndɔɛi-yo.

1Korɛntea 7:38

Lelan vana-vana yil pɛ balufaa ndɔ sínà vɔ dɛnɛ vanapɔnɔ loo o nɔ̀u nin, mɛɛ ndu caa tosa. Kɛ vana yil ndu o nɔ nin too hiow caa tosa.

O Kandɔɔ 2:21

Le hee, mí Mɛlɛka Hala tuisi dialun vílɛ́in bɛndu-bɛndon vanapɔnɔɔ coo, mó hiawnun lɔan cundun. Mí Mɛlɛka soli ndu kpɛndɛi ipilɛ, mó mingi fonda kon peelu a visiei.

Dɛnnda cɔɔmuanndan 22:15

Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

Tite 1:6

Simlacinɔ vanaa laalannda bɛnda mò va vana yaalan too, o bɛnda mò nɔ lanɔɔ ndu pilɛ. Mì cuavaa ndɔa va vanaa laalannda, o va cuavaa vannda co cɔu kela vɔɔndo o hɔl-la le, te kon te mà kɛɛ sɔɔn biyɔɔ-a le.

1Timote 5:14

Lelan, i yeema mì cuavaa laandua felengia piaandaa ndaa vi-a cal o nɔla celen, mà sɔla cuawva, mà bii yungule ndalen, yɔŋii yaamɔɔa sɔla nɛiyo le sɔɔn vɔɔnndon dimio a naa o kɔɔ.

1Timote 4:3

Vanaa kan a co vannda pɛɛkoo maa o niŋ mì vana yil lanɔ, te kon te mì vana cal pɔnɔ o ba o nɔ̀u nin te, maa vana dia vɛlɛ ɲɔɔn pum te. Nduyɛ, Hala soli ɲɛm mun haliko mi vanaa laalannda piɛi ndu Hala, mà de mun, mà mel ndu balika, nda vanaa laalaŋaa sina toɲaa-a pɛɛn.

2Korɛntea 5:10

Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.

1Korɛntea 9:5

Vɛ̀ɛ̀ i nɔ dí mì hin a vanalanɔ laalanndo pum, mò va laa nuu maa mɛɛ kiilaa tɔ̀a, a puapilɛa Maalii-a, a puapilɛa Sefas-a a co tosaa yɛ le?

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

1Timote 3:2

Simlacinɔ vanaa laalannda bɛnda mò va vana yaalan too, o bɛnda mò nɔ lanɔɔ ndu pilɛ kpé, mo va vana tosa sɔɔn tùúlen-ndo, vana taasio, vana bii kɔl ndɔɔ-o, mo va vana caa mialla biyɔɔ-o, mo tiwba pɛɛkoo,

Esai 8:3

O kon kɔɔli, mí n mɔɔsa kpeloo naa laa nuu, vanalanɔ-tɛɛngaa-diom Hala-o pɛɛn, mó cua folio, mó vialu hɔ́ɔ́ piaandoo. Mí Mɛlɛka dimul-la aa: Ke ndu diolan aa ‹N keleŋan ɲɔɔn hiɔlɔɔ, n kɔ cuannun ɲɛm naa n puu o cɔwvo-on cɔ́-cɔ́!›

2Masaa 22:14

Mí Hilkiya, Ahikam, Akbɔr, Safan a Asaya a kɔa o Hulda vanalanɔ-tɛɛngaa-diom Hala-o lo. Lanɔɔ Salum po Tikva-o, po imama Harhas va vana mandaa volɔɔla ifalenndan-ndo Hulda kon va ni. Yerusalɛm o kobi sɛnɛiyo nin o va icali ni.

Hebreea 12:16

La caa taw! Màá vana-vana va niaa tɛɛn vana laasianndo mò kɛɛ ɲɛm Hala-on yii luɛyɔɔ maa Esau le, kani le ɲɛdiaa dio lepilɔɔ kpé, mó pisi fonda ndɔ ikaasonyaa.

Tɔŋ lasálàá 18:20

A bɛnda ma tosa kpelemɔɔsaa a lanɔ pilaa le, yɔŋii n siŋnun vana nɔlɛiyo Mɛlɛka o hɔl.

Tɔŋ miingua 22:22

Taa bii pɛ vanapɔnɔɔ pum suundaa a vanalanɔ co o nɔu-vo, nda ŋiɔn kpow a bɛnda mà sɔla piɔ́mndo, vanapɔnɔ kon a vanalanɔ o suunda-o pɛɛn. Lende niaa bɛnda ni mi la faŋa dɛnɛ vɔɔndo Israɛlla tɛɛn.

1Korɛntea 6:18

La vow balan o suundaa nin te! Yɔŋnda vɔɔnnda celennda vanndo tosa lan la pilan ko dialun ndɔn te, kɛ vana vow pɛ baa o suundaa nin, o tɛɛmbuu dialun ndɔn ndu pilan.

1Tesalonikea 4:6

Vana-vana pílàn puapilɛ ndɔɔ tana le, vana-vana tɛɛmbuu puapilɛ ndɔɔ labɛɛ o sɔɛi he nin te. Maa mɛɛ naa n dimul niaa sɔɛi ken kpéŋ-kpéŋ yɛ, Mɛlɛka tuisinin vannda sangaa coo le hakila vaa lende.

Tɔŋ lasálàá 15:18

Te vanalanɔɔ nda vanapɔnɔɔ tosa pɛ kpelemɔɔsaa, a bɛnda mà pulun nda ŋiɔn kpow, mà lo a nɔɔlɛiya háá icɔllo.›»

SƐBƐ YƆB-O 31:12

Tɛɛmbuu ni kon ndóò vanin maa yinnde loam háá ciee-piɔ́m-nden. Yinnde léè nɔlanin mì léè tɛɛmbuu ɲɛ ni sɔlaa kpede len.