Hebreea 13:2 - BII BILA

² La pɔɛɛnun le mialla biyɔɔ le, kani o mialla biyɔɔ vanaa pum a yiya mɛlɛkaa ni, a ve sina le.

Hebreea 13:2 Referans Kwoze

Matie 25:35

Kani mɛɛ yiaan ma nɛi ya, mí la ke ya ɲɛdiaa. Mɛɛ kolɔɔ bii ya, mí la ke ya mí kol. I va miallo, mí la yiya ya.

O Kandɔɔ 18:1

Mí Mɛlɛka cɔmnun Abraham nɛɛ o va icali o yálán Mamre-o ikɛi-ya, Abraham va icali o cɛi-kola-toandaa ndɔɔ dio a telen hangul bɛndu-bɛndoo va ipala nuaa-o.

Rɔmnda 12:13

La sɔɔnguu vanaa laalaŋaa co o balahavɛilan nin-nda ikɛi. La kindin le mialla biyɔɔ a ɲaaloo.

1Piɛr 4:9

La va vanaa bii mialla-a vellaa-velle, o va a sɔɔn pɔmbɔ le.

Matie 25:43

I va miallo, kɛ la yiya ya le. Fɛlio va ya, la cuɛi ya le. I va a nàá a o kaasoo, la kue ya yilɔɔ le.›

Tite 1:8

Kɛ mò va vana caa mialla biyɔɔ-o, vana yeema dɛnɛ kɛndɔɔ tosaa-o. Mɛɛ mò va vɛlɛ vana kɔlkaloo, vana sandaa, vana dendu Hala o hɔl-lo a vana tiwba kɔl ndɔɔ biyɔɔ-o.

SƐBƐ YƆB-O 31:32

Mial oo mial ndóò lɔl o bɛ́ɛ̀ le, dio nuu va o kumbiaa lɔ́ɔ́-lɔ́ɔ̀ le vanaa co o kelaa nin-nda.

Tɔŋ lasálàá 19:34

Kɛ la bíí ndu mɛɛ niaa bii Israɛlaa pilacieea yɛ, la kaola ndu maa niaa pila. Kani niaa bɛɛ, mialla niaa yɔŋnun o lɛŋnde Esipte len nin ni. La loonun a ken. Ya co Mɛlɛka ni, Hala niaa pɛɛn.

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

1Timote 5:10

mò nɔ tɔ́ɔ́ kɛndɔɔ le dɛnnda kɛndɛla ndɔlan, mò va vana caa cuavaa ndɔa biyɔɔ-o, mò va vana caa mialla biyɔɔ-o, mò va vanaa diandaa pelon pulɔɔ, mò va vanaa sangaa co coo-a malaa, mò kindin le dɛnnda kɛndɛlan kpow tosaa.

1Timote 3:2

Simlacinɔ vanaa laalannda bɛnda mò va vana yaalan too, o bɛnda mò nɔ lanɔɔ ndu pilɛ kpé, mo va vana tosa sɔɔn tùúlen-ndo, vana taasio, vana bii kɔl ndɔɔ-o, mo va vana caa mialla biyɔɔ-o, mo tiwba pɛɛkoo,

Rɔmnda 16:23

Kais yil niaa. O ndu lo cɛinin ya co ni, o ndu lo cɛinin koni vannda cuungian le kaannden ni. Eraste, o co vana mandaa bolofaa le kobio-o yil niaa, Kartis puapilɛ naa bɛɛ yil niaa. [

Esai 58:7

La piɔvan ɲɛdiaa niaa vana yiaan ma co nɛiyo-o, mì la luei vanaa bala fondoa nɔ nɛɛ calaa le-a o la niaa lo cɛinin. Te la ce pɛ vanndo a fɛ́lio, la ke ndu ɲɛ cuɛinanndo, la faŋal vanayan niaan hɔlla le.

Dɛnnda kiilaa 16:15

Mɛɛ o sɔla yinɔɔ nda yungu ndɔɔ kpede, mó veelu naa aa: «Te la laalan pɛ maa vana laalan Mɛlɛka-o ya co ni, mɛɛ la hun mì la va o yiya o ya lo cɛinin.» Mó baŋ naa, mí n cɛl kangalan.

SƐBƐ YƆB-O 31:19

te i ce pɛ vana bala fondoo a fɛlio, mí ca vana ikɔɔ nɔ kola kuumbuan too,

2Masaa 4:8

Paale pilɛ, mí Elise kei Sunɛm. Vanalanɔɔ pum va o ciee kon nin, vana bolofaa o va ni. Mí vanalanɔ kon veelu Elise le kɔlan ɲɛdiaa dio o ndu lo cɛinin. Kandɔɔ yɛnin paale len, lɔ́ɔ́-lɔ́ɔ̀ Elise ndóò kɔɛ pɛ kpengii ken, lon ndóò kɔa ɲɛdiaa dioo ni.

O Kandɔɔ 19:1

Mí mɛlɛkaa ŋiɔŋaa kan a tiiya Sodɔm icɔllo. Lɔt va icali o dio kobio sondoo. Mɛɛ o ce nda, mó can ɲaali le kɔlan nda demullo. Ndóò tiiyaa, mó kɔ baŋ vulan nda o labɛngunin, mó tundu hɔlla lɛŋ.

3Nsaŋ 1:5

Caan ni ya kaola-o, dɛnɛ kɛndɛ bɛndoo pila n tosa le puapilɛa ni, taama-taama a co mialla-a.