Hebreea 13:13 - BII BILA

¹³ Mɛɛ n kɔnnun o ndu lo o dɔ́ɔ́ngɔ́ɔ̀ kɔɔli, mì n cɛlnun sɔɔlɛmaa maa ndu.

Hebreea 13:13 Referans Kwoze

Hebreea 11:26

Mó ca maa sangaa sɔlaa le Krista co fisa a bolofaa Esipte. Kani vɔ̀ngɔ́ va ndu laci-o caando va cɔu ni.

Dɛnnda kiilaa 5:41

Mí kiilaa faŋan vanaa kialaa n'yamaa o hɔl a ɲaaloo taw le tùú Hala cɛl má sɔla sangaa o diola Yeesu lan-ndo.

Luke 6:22

Dɛnɛ kɛndɔɔ co le niaa, telen vannda nɔnin nɛyɔn niaa, mà kɛɛ niaa, mà va niaa yeowlan, mà kela a niaa o lasonndo le tùú niaa laalan Po vanacieo-vo.

Matie 16:24

O kon, mí Yeesu dimul kaandeŋaa ndɔa aa: «Vana yeema pɛ le ya hunɔɔ kɔɔli, mɛɛ o pɔɛɛnun a ndu pila, mò siilun yɔm singafilaa ndɔɔ, mò del-la kɔɔli.

2Korɛntea 12:10

Lelan i dɔwnun ɲaale le kpaaya lepɛŋndo, le yeowla vannda co ya lan, le ɲɛm nda co ya tuŋɔɔ-on, le yɛle nda co ya tollo-len, a le sangala co ya coo le Krista lan. Kani telen ya nɔ mayoomu loo, telen kon ya sɔlà kpaayaa ni.

Matie 5:11

Dɛnɛ kɛndɔɔ vanin le niaa, telen nda yeownin niaa, mà tol niaa yɛlen, mà hɛɛnduu niaa sɔɔn vɔɔŋun súú-súù ka coo le ya-o.

Hebreea 12:3

La yiyan ndɔ, mí vanaa lahakia simul ndu. Kɛ mó biwnun. Lelan, la vu n'dial te.

1Piɛr 4:4

Kɔndɔfillo bii nda ni, le niaa kɛɔ cɔu delɔɔ nda kɔɔli o laasi-laasi nda kon nin, mà muungu niaa congulan:

Matie 27:32

Tuma nda va fulaa le ndu kɔlan baŋɔɔ-o, má kei bɔŋan a langbanɔ pilɛ, diolan Simɔn, fulaa Sirɛne. Má baŋ ndu kangalan le kɔlan a yɔm singafilaa Yeesu-o.

Luke 9:23

O kon kɔɔli, mó dimul nda kpow aa: «Te vana yeema pɛ le ya delɔɔ kɔɔli, mɛɛ mò kɛɛnun ndu pila, mò va o bɛɛndianndo lepalaa o lepala le piɔ́mndo sɔlaa, o kon o del-la kɔɔli.

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

Hebreea 12:4

Kani la simul-lɔ hakio háá piɔ́mndo le.