Hebreea 13:12 - BII BILA

¹² Lelan Yeesu bɛɛ sanga o kobio kɔɔli ni, mó dindi vannda a kooma ndɔma ndu pila-an.

Hebreea 13:12 Referans Kwoze

1Korɛntea 6:11

Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.

Dɛnnda kiilaa 7:58

má soli ndu o cieo kɔɔli, má kɔ del ndu viiyo a powtan le ndu diyɔɔ. Mí seiya a mɛi volɔɔla ndala cuɛinanndan langbanɔ felengoo pum o labɛngunin diolan Sol.

Efɛsea 5:26

Le kunda vanaa laalannda bɛndaa Hala o hɔl, mó dindi ndu a mɛnndan a á sɔɛi.

Kundalan 15:36

O kon, mí sɛ́lɔ́ɔ́ soli ndu o dɔ́ɔ́ngɔ́ɔ̀ kɔɔli, má vii ndu a powtan háá mó vu mɛɛ Mɛlɛka dimul Moise le tosaa yɛ.

Tɔŋ lasálàá 24:23

Mɛɛ Moise cii Israɛlla diomnda Mɛlɛka soo lan-ndan tɛɛngul, má kɔa dɔ́ɔ́ a langbanɔ soo kon diomnde vɔɔnnden a Mɛlɛka-o o dɔ́ɔ́ngɔ́ɔ̀ kɔɔli, má saan ndu viiyo a powtan háá mó vu. Nuaa Israɛlla peelu sɔɛi Mɛlɛka soo ken mí Moise tɛɛngul nda-e ni.

Hebreea 10:29

Vɛ̀ɛ̀ kpeekpei ɲɔɔ va yɛnin niko le vana pɛɛsa sɔɛi Po Hala-o-a? Vana cì kooma Yeesu baŋa ndu a hakio-an ɲɛ-ɲɛ loo pɛɛn? Hala Kɔl-Diandaa cɔm naa kɛndɛi Hala-e-o o pilan tana lende ni.

Nsaŋ 17:19

Ya pila i yɔngun le nda, haliko mi nda bɛɛ yɔngun nɔm o toɲaa nin.

Yosue 7:24

Mí Yosue nda Israɛlla kpow a bii Akan po Sera-o, má cua volin mun, doma kon, sianion, poaa Akan-nda a cuavaa ndɔa laandua, navaa ndɔa, sofɛlɛa ndɔa, saa ndɔa, cɛi-kola-toandaa ndɔɔ, a ɲɛm va ndu o ba-on kpow, má kɔa a nda o bóllo Akɔr nin.

Hebreea 2:11

Yeesu dindi vanndacieea le hakila ndalan. Vana dindi vannda-o a vanaa o dindi-a kpow, fuɲa pilɔɔ nda nɔ ni. Lelan, siɛmbula ve ndu le nda veeloo aa puapilɛa le.

Nsaŋ 19:34

kɛ a kon kpow, mí vana cɔwvo pilɛ cuku ndu lungbuei a bállo, mí mɛnndan ma fula ma bingulanndan a koovan.

Luke 4:29

Má can, má soli Yeesu o kobio kɔɔli, má kɔa a ndu o pembei coo, nɛɛ kobio va paandu-a le ndu ɲindɔɔ o kɔngɔ feke-fekeo.

Hebreea 10:10

Yeesu Krista tosa hɛnan Hala-o, mí ndu pila yɔngun lepilɛ kpé, ken tosa ni mí n sɔla baŋaa a hakio.

Dɛnnda cɔɔmuanndan 14:20

Má kɔ nɛwnɛw mun o kobio kɔɔli, mí koovan ma pia o doolaa nin háá mi ma tiiya soa o sondolan bɛngu, mí ma kɔa kongio háá le ɲɛ tuvaa vàá pilɛ a kɛmɛ leŋɔmpum.