Hebreea 12:9 - BII BILA

⁹ Naa n nɔ fuɲaa n'falua, a va pɛ naa saangiaa le tɛɛmbuula naalan, n ke nda bɛɛlen. Vɛ niko n tuisin a fuɲaa naa Hala, mì n va yoomu le?

Hebreea 12:9 Referans Kwoze

Kundalan 16:22

Kɛ má del lɛŋ a kuumbuannda o kɔl coo, má piɛi Hala aa: «Éé Hala! Nɔm co Hala nɔ yoomu ɲaa yoomaa kpow o ba-o, vɛ̀ɛ̀ ma tuulu kɔl a sɛ́lɔ́ɔ́ ho kpow le vana pilɛ cua hakio-o?»

Kundalan 27:16

«Màá nɔm Mɛlɛka Hala pila, nɔm nɔ yoomu ɲɛm yooman cɔwnun-ndon kpow o ba-o hɛli simlacinɔɔ le vannda ha!

Esai 42:5

O Hala dimi-o, Mɛlɛka pɛɛn, o cɔw halataala mó toandu ndu-o, o pɛngɛla lɛŋnden a ɲɛm co fulaa lenin-ndon kpow-vo, o yɔngu ɲɛ-ɲɛ yoomaa co o lɛŋnden coo yoomoo-o, o yɔngu ɲɛ-ɲɛ co kelaa lecoo hoeyii yoomuɛi-yo co hoo ni aa:

Nsaŋ 3:6

O velun a falon-ndo, falon ndu co ni, o velun yɛ a Kɔl Hala-o o, kɔllo ndu co ni.

SƐBƐ YƆB-O 12:10

Ndu bii yoomu ɲaa yoomaa kpow o ba ni, ndu bii hoeyii yoomuɛi vanndacieea kpow o ba ni.

Sakari 12:1

Sɔɛi Mɛlɛka dimi a Israɛlla o kɔɔ-e. Nuaa Mɛlɛka, o pɛngɛla halataala-o, o cɔw lɛŋnden mó cɔaw yoomu vanacieo-vo dimi ni aa:

Fulaa 20:12

La ke fuɲaa niaa a kalaa niaa bɛɛlen, haliko mi la viow yoomu o lɛŋnde Mɛlɛka Hala niaa co niaa yɔngu len coo.

Esai 38:16

Maalii, sɔɛi nɔmnde tosa ni mì vana de yoomoo tɔnɔ. Ndi tosa ni mí va vɔ hau yoomu. A singinin ya mà mingi ya kɛndɛa o milin.

1Piɛr 5:6

Lelan, la tuisin o ba kpaaya Hala-o bɛngu, haliko mo heelu niaa o telen bɛnda-o.

Nsaki 4:7

Lelan, la tuisin Hala o labɛngunin. La simul ɲina vɔɔndo, o ɲaanunnin niaa.

Esai 57:16

Kani o co lɔ́ɔ́-lɔ́ɔ̀ le ya sɛɛngiaa le, o co le fɛɛn a fɛɛn te ya manda kɔl ni tuwvo le, yɔŋii yiyannda (vannda) la laasian, yɔŋii ɲaa yoomaa ya cɔw-va vunnun kpede.

Tɔŋ lasálàá 19:3

Niaa kpow, vana-vana bɛnda mò yɔngu kala ndɔ a fuɲa ndɔ bɛɛlen, mò bii paale pɛngiaalen mò ke len bɛɛlen. Ya co Mɛlɛka ni, Hala niaa pɛɛn.

Rɔmnda 9:5

A fuɲaa ndaa mamaa yɔŋnun vanaa bɛndua o laalanndo nin-nda, a Krista co ɲɔɔn kpow bollen-ndo fula o polale ndalen coo o falon nin-nda. Màá biiloo va le Hala le fɛɛn a fɛɛn! Amiina!

Talelan 30:17

Te vanndo mam pɛ fuɲa ndɔ, mò kɛɛ le diom kala ndɔ-o biyɔɔ, basabasakoendea pee pɔmbɔa buuluunin ndu, mì kovɛa cuawva de ndu.

Tɔŋ miingua 27:16

Màá dangaa va vana tɛɛndan fuɲa ndɔ a kala ndɔ-o coo! Vannda kpow a cɛlnin aa: ‹Amiina!›

Vana Kɔlkaloo 12:7

mì diallon muungu o cundoo nin, nɛɛ n fula-a, mì yoomoo muungu Hala yɔngu ndu-o o ba,

Nsaki 4:10

La tuisin tootoo Mɛlɛka o hɔl, mò heelu niaa.

Malasi 1:6

Mɛlɛka-Nɔ-Kpaayaa-Kpow-vo dimi aa: «Poo bɛnda mò ke fuɲa ndɔ bɛɛlen, cɛɔ bɛɛ bɛnda mò ke vana ndɔ bɛndoo bɛɛlen. Vɛ̀ɛ̀ o co ya le co fuɲa niaa a vana niaa bɛndoo le? Kɛ le yɛɛ niko la co ya lebɛɛ ke le? La nɔ́ vɛlɛ siòòŋii ni le. La co ya ɲunaa aa: ‹Vɛ̀ɛ̀ naa n kɛɛ yɛ nɔm bɛɛlen ke?›

Esekiɛl 22:7

O nɔm nin, vannda co fuɲaa ndaa a kalaa ndaa tɛɛndanndo. O nɔm ndo, vannda co mialla delɔɔ coo, a co vííya a vanlaandua piaandaa ndaa vi-a saangiaa le nda tɔnɔɔ solio o n'dial.

Rɔmnda 9:3

Kani i va yeemaa mì ya piláà dɔwnun danga mì yáà sɛyan a Krista le dɛnɛ kɛndɛ puapilɛa nia, a co vanaa nia o falon nin-nda,

Rɔmnda 1:3

A Po ndɔɔ o kɔɔ Yoongu kɛndɛ kon soo ni, o velun o falon nin fulaa o polale David len coo-o.

Dɛnnda kiilaa 2:30

Kɛ vana-tɛɛngaa-diom Hala-o o yɔŋnun ni, ndóò sínà maa Hala óò cii nin ndu kpemaa yiilul maa vana pilɛ o polale ndɔlen nin va koma siŋnɔn masaa o fonda ndɔɔ.

Luke 18:2

Mó dimul nda aa: «Vana kialaa n'yamaa pilɛ va o kobio pum nin, ndóò nɔ isiòòŋ a Hala le, ndóò vo vɛlɛ vana-vana le.

Luke 18:4

Mí ɲɔɔ viaw ka, o cɛl te. Kɛ o mɛɛlulan kpɔŋ, mó yiyan o kɔl ndɔɔ nin maa: ‹Hali mi nɔ bɛɛ isiòòŋ a Hala nuaa le, mi vo bɛɛ vana nuaa le,

Dɛnnda cɔɔmuanndan 22:6

Mí mɛlɛkanɔ kon dimul-la aa: «Sɔɔn vana bɛnda le laalanndo-on a sɔɔn toɲan sɔɔn mun co ni. Mɛlɛka, o nɔ kɔlta vanaa-tɛɛngaa-diom Hala-a o ba-o vem mɛlɛkanɔ ndɔɔ le vanaa ndɔa baalaa ɲɛ yɔŋnunnin nanu a telen bingi-o cɔmndo.»

Esai 45:10

Vana-vana ɲuna pɛ fuɲa ndɔ aa: «Yɛɛ nɛ n velu yɛ hoo?» Te kon te mò ɲuna kala ndɔ aa: «Yɛɛ nɛ n velu yɛ hoo o ceendo coo?» Mɛɛ dɛnɛ palaa co le vana kon!