Hebreea 12:21 - BII BILA

²¹ Siòònde ndíì bii vana a ɲɛ nda va cɔu-vo ni. Mí Moise dimi aa: «Siòònde co ya bɔɔ, i co ɲiiyaa.»

Hebreea 12:21 Referans Kwoze

Fulaa 19:16

Mɛɛ paale yàándɔle len le tiiya, idiiyo púŋ, mí taŋndan ma kandu deŋio, mí piɔɔ kandu volio iŋuanndi-ŋuanndiei, mí kumii tiŋii bɛndu-bɛnduei kumbu pembii ken mɔku-mɔku. Mí diom bulu bɛndoo soaa, mí siòònde bii vanaa va o dɔ́ɔ́ngɔ́ɔ̀ nin-nda kpow, háá má ɲiiya.

Tɔŋ miingua 9:19

Kani mí siòònde ndíì bii ya taw le kɔl niáà tuulu kon Mɛlɛka, mó yuulo kɔllo a niaa, mí ndóò yeema le niaa ciiyo diwvo-o. O kon vɛlɛ bɛɛ, mí Mɛlɛka cɛl piɛile nilen ɲɛkɛndɛi.

Fulaa 19:19

Diom buloo va hiovɔɔ laci a deŋio tuŋ-tuŋ. Moise va sɔɛi, mí Hala va ndu mulullo a diomndo maa diom letaŋ.

Dɛnnda cɔɔmuanndan 1:17

Mɛɛ ya ce ndu, mí del ndu o pelon bɛngu maa vana vílɛ́i. Mó handu ya ba ndɔ kɛndɔɔ coo, mó dimi aa: ‹Siòòŋii bii nɔm te! Ya co vana tasoo a vana mɛɛlaa ni.

Condii lisai 119:120

Diallon co ya ɲiiyaa a siòòŋii n co ya lueiyo-e. Siòònde co ya a tɔŋnda nɔmndan.

Daniɛl 10:17

Vɛ̀ɛ̀ ya vana baalaa nɔla yɛnin suukanndo a Maalii nuu? Nduyɛ, i nɔ lɛhau kpaaya le, i fula mayoomu po!›

Daniɛl 10:8

Mí lo ya pilɛ kpé, mí va vundule bɛndule len tofaa, mí kpaaya nuu cuu, mí hɔlaa nia mangalan, mí fula mayoomu.

Hebreea 10:27

fɔ calle cumndo a siòònde, le yamɛi Hala kilulnin vana kon-nde a yinnde bɛndule loamnin vanaa nila kalua len.