Hebreea 12:11 - BII BILA

¹¹ Sanga oo sanga nda tuisi pɛ vanndo coo le tɛɛmbuu ndɔɔ, o telen kon bɛngu, kɔllo vana kon tambu ni, vana niŋ kɔl te. Kɛ o kon kɔɔli, vana kon sɔla kɔlɲuloo, o tosa dɛnɛ sandaa.

Hebreea 12:11 Referans Kwoze

2Korɛntea 4:17

Kani sanga bɛndu co naa hoo coo sunsun-ndo co ɲɛ-ɲɛ le, nduyɛ le telen bingi koni o co ni. O co naa pɔɔ bɛɛndiaa le biilu naa hun sɔlanin-ndo. Biilu kon vanin le fɛɛn a fɛɛn, ndu hiawnin vaa o bɔɔ a sangaa ho.

1Piɛr 1:6

La co ɲaaloo dɔwnɔnndo mì la va huuloo le ken, la kei bɛɛ o sanga súú-súù ka nin le telen bingi.

Hebreea 12:10

Fuɲaa naa nda, le telen bingi koni ndáà saangiaa naa le tɛɛmbuu naa ni, a va yiyanndo maa lende ndóò naŋ ni. Kɛ Hala ndu, le naŋɔɔ naa o saangiaa naa le tɛɛmbuula naalan ni, haliko mi naa bɛɛ n dendu maa ndu.

Condii lisai 118:18

O tuisi ya sangaa coo, kɛ o mel-la piɔ́mndo o ba le.

Esai 32:17

Vali dɛnɛ sandaa tosanin-ndo vanin kɔlɲuloo ni, kɔmnde dɛnɛ sandaa le vanin vaa o ba coo yili a vannɔnndo nila ɲulu le fɛɛn a fɛɛn ni.

Talelan 19:18

Míngí po nɔmndo o nɛi lɔ́ɔ́ telenndo hiw-vɔ loo, kɛ hiw kɔllo tuulu ma yeema piɔ́m ndɔɔ le.

Condii lisai 119:165

Vanaa kaola tɔŋ nɔmndo-a a co a kɔlkɛsiaa bɛndoo, ɛɛ nduyɛ, ɲɛ-ɲɛ tosanin ma boŋ te.

Talelan 15:10

Vana mal pɛ nɛi kɛndɔɔ o sɔla sangaa le ken. Vana cɛl kanalanndan te, ndu sɔla piɔ́mndo.

Hebreea 5:14

Kɛ nduyɛ, le kaasonnda ɲɛdiaa kàlà-kálàá co ni. Nda sínà hiyan co dɛnɛ kɛndɔɔ a o vɔɔndo tɛɛn-ndo, kani a dɛli nin.

Rɔmnda 14:17

Kani masale Hala len le co dɛnɛ ɲɛdiaa te kon te dɛnɛ kolaa le, kɛ dɛnɛ sandaa, kɔlɲuloo a ɲaaloo dɔwnɔnndo, o Kɔl-Diandaa yɔngu vana-o.

Condii lisai 89:32

taa tɛɛmbuu pɛ silala nilan, mà kɛɛ le tɔŋnda nilan biyɔɔ,

2Piɛr 2:14

Hɔltan la pɛ nda a suundaa, a sanga a hakilan tosaa le, a co vanaa kɔlta ndalan la sim yili le-a laasiaa a kɔlkalu vɔɔndo, kɔlta ndalan la co lapiaa a yeemɛi ɲɛ-sɔlaa, dangaa co le nda.

Esai 19:22

O kon, Mɛlɛka soaŋnin Esiptea, a toɲa, o soaŋnin nda, kɛ o singinin nda, o kon a mangalannin ma muli hɔlla o Mɛlɛka lo. Mɛlɛka mulinin piɛile ndalen mo singi nda.

2Timote 4:8

Nduyɛ, Mɛlɛka cii vɔ̀ngɔ̀ nuu manda. Ndu Mɛlɛka sandaa kialu yamɛi-yo yɔngunin ya ndu paale o kialunin vannda iyama len. O co ya kínɛí le o yɔngunin ndu le, kɛ vanaa cumnin hunɔɔ ndɔɔ a kaolaa-a kpow o yɔngunin ndu ni.

O Kandɔɔ 21:11

Mí sɔɛi ken tɛɛmbuu Abraham kɔllo taw. Mí mɔnɛi bii ndu le Ismaɛl po ndɔ.