Hebreea 11:9 - BII BILA

⁹ A laalanndo, mó kɔ cal o sumialle o lɛŋnde Hala ndóò dimul ndu le ndu keo len nin. Mó kɔ cal lon o cɛila-kolala-toandaalan nin nda Isaak a Yakɔb. Nda bɛɛ, kpema pilɛ kon ndóò yiinun le nda.

Hebreea 11:9 Referans Kwoze

O Kandɔɔ 12:8

Mó faŋan o fonda kon, mó kɔa o lɛŋnde n'pembulen nin, Betɛl a ba paalen le can-ndo, mó kila dɔ́ɔ́ngɔ́ ndɔɔ Betɛl a Ai tɛɛn. Betɛl va a kpengii paalen le del-le, Ai va a kpengii le can-nde. Lon bɛɛ, mó cɔaw fonda-loamaa-lasálàá le Mɛlɛka, mó piɛi Mɛlɛka lon.

O Kandɔɔ 13:18

O kon mí Abram bɛɛŋuu cɛila kola-toandaa lan, mó kɔ toandu lan o yálán Mamre-o ikɛi, Hebrɔn ciee-lekɔɔ. Mó cɔaw fonda-loamaa-lasálàá lon le Mɛlɛka.

Hebreea 6:17

Lende koni o tosan a Abraham ni. Cuavaa ndɔa imamaa ndáà bɛnda mì ndáà sɔla ɲɛm Hala ndóò yiilu ndu kpemaa-on. Ndóò yeema le nda cɔmndo vakpa maa o mangalanin diom ndɔɔ lɔ́ɔ́-lɔ́ɔ̀ le, lelan o mɛnan o kpemaa yiiyo ni.

O Kandɔɔ 18:9

Mɛɛ nda cii dioo, má ɲuna ndu aa: «Ɔ́ɔ̀ Sara laa nɔm?» Mí Abraham muli aa: «O co o cɛi-kola-toandaa nin.»

O Kandɔɔ 13:3

O lo kɔlan o pɔm-pɔmbɔ, mó faŋan Nekɛv, mó tiiya Betɛl di. Mó hiaw nɛɛ ndóò kila paandu dɔ́ɔ́ngɔ́ ndɔɔ Betɛl a Ai tɛɛn-nda,

O Kandɔɔ 35:27

Mí Yakɔb muungu Isaak fuɲa ndɔ ikɛi Mamre, Kiriat-Arba ciee, ciee kon nɔ hau diolan ni aa Hebrɔn, lon Abraham nda Isaak kei calle ni.

O Kandɔɔ 28:4

Màá o tuisi nɔm duaa o dɔw Pua Abraham-ndo coo niaa cuavaa nɔmaa imamaa, haliko mi lɛŋnde n co len icali nin o sumialle len le siŋnun lɛŋnde nɔm! Kani Abraham fuɲa nɔm mama Hala yɔngu len ni.»

O Kandɔɔ 25:27

Mɛɛ poambɔa pɛndua kan sul, mí Esau siŋnun doosunɔ-málà bɛndoo, yondo tuŋ o vannun ni. Yakɔb ndu yɛngɛlɛn o va ni. O cɛila-kolala-toandaalan nin tuŋ o vannun ni.

O Kandɔɔ 23:4

«I co icali niaa tɛɛn, kɛ miallo ya co o lɛŋnde niaalen nin ni. Lelan, a yandi, la pisi ya fonda kumbaa n'vanvílɛ́iyo o ba, mì kumbu laa ni vi-o.»

O Kandɔɔ 18:6

O kon, mí Abraham luɛi cɔ́-cɔ́ o cɛi-kola-toandaa ndɔɔ nin, mó dimul Sara laa ndɔ aa: «Kɔndu kpeyan hiow naŋɔɔ-o kiloo bidiin a leŋuɛɛnu, ma linda ndu cɔ́-cɔ́, ma toŋ dɛɔ.»

O Kandɔɔ 17:8

Lɛŋnde n co len icali nin o sumialle len, lɛŋnde Kanaan-nden pɛɛn, i co nɔm len yɔngu niaa cuavaa nɔmaa imamaa mì le va lɛŋnde niaa le fɛɛn a fɛɛn. I vanin vɛlɛ Hala cuavaa nɔmaa imamaa.»

O Kandɔɔ 36:7

Kani cɔlua va nda o ba taw-taw, ndáà nɔla sulɔɔ o tàndà pilɛ nin te. Nduyɛ, lɛŋnde nda va icali nin-nden léè tiw lɛ nda le, bau cɔlua ndaa va bɔɔ sɛ́lɛ́.

O Kandɔɔ 47:9

Mí Yakɔb muli aa: «Vɔsila ya tosa o kelaa nin-ndan la co kɛmɛ a beleyaa. Palɛi ya tosa o ceendo coo-e co ibɔɔ le, palɛi dɛnɛ palɛi i yɔŋnun ni. I suilinin vɔsilan mɛɛ fuɲa nuu a fuɲa ni mamaa a cii lan o kelaa nin yɛ le.»

Condii lisai 105:12

Nduyɛ, kunda pɔmbɔɔ daama nda va ni, a ve sɛ́lɛ́ le, mialla nda yɔŋnun o lɛŋnde len nin ni.

Yeremi 35:7

O bɛnda vɛlɛ mì la tangul lacɛi le, la tosa vali yondo le, la soli nakɔ n'rɛsɛn te, nakɔ n'rɛsɛn kɛ́-kɛ̀ va le niaa le. Kɛ la calnin o cɛila-kolala-toandaalan bɛngu o palɛi niaa vanin yoomu-e nin kpow, le mɛɛ niaa viaw yoomu taw o lɛŋnde niaa co len mialla nin-nden yɛ.›

O Kandɔɔ 21:34

Mí Abraham viaw vɛlɛ o lɛŋnde Filistia nin taw.

O Kandɔɔ 31:25

Tuma Laban kɔ bendal Yakɔb-o, Yakɔb ndóò cii nin cɛi-kola-toandaa ndɔɔ simi o pembei coo. Mí Laban nda puapilɛa ndɔa ndóò hin nda bɛɛ a kila dɔ́ɔ́ngɔ́ɔ̀ o pembon Kalaad tɛɛn.